Êsêkiên 46:2 - Sơ̆p Hlabơar Nơ̆r 'Bok Kei-Dei

² Yŏng pơgơ̆r gô mơ̆t trong kơdeng, gah 'măng jang noh, sư gô dơ̆ng 'bơ̆t jrăng 'măng jang; kơplah noh lu 'bok soi pơyơ̆r tơmam soi 'buh, tơmam soi apinh hiôk-hian, na sư gô kơkuh drap 'bơ̆t anăp 'măng jang, đơ̆ng noh gô lĕch. 'Măng jang noh ưh pă tang dĭng truh tơ kơsơ̆ măng.

Êsêkiên 46:2 Referans Kwoze

Êsêkiên 44:3

Lăp pơtao đĕch, yua kơ sư yŏng na gơh ngôi tơ noh păng sa 'bĕng 'bơ̆t anăp Kră Yang gô mơ̆t rok trong kơdeng 'măng jang păng lĕch kư̆m trong noh.”

Êsêkiên 46:8

Mưh yŏng pơgơ̆r wă mơ̆t, sư rok trong kơdeng kơ 'măng jang păng lĕch kư̆m trong noh.

Kôlôsê 1:28

Tơdrong 'Bok noh boih nhôn bơtho dang ei, 'Bok noh boih mă nhôn gơnang kơ 'Bok Kei-Dei, wă kơ 'Bok Kei-Dei ăn kơ nhôn hơgei tôm tơdrong Sư na gơh năm bơtho khan kơ jơ̆p-jang bơngai. Yua kơ tơdrong 'Bok noh boih na nhôn pơjao kon bơngai kơ 'Bok Kei-Dei wă kơ kon bơngai wih đĭ tơ 'Bok Kei-Dei jing bơngai 'lơ̆ng tơpăt hăm Sư boih, pôm đon hăm Yêsu Krist.

Mathiơ 26:39

Yêsu năm ataih 'biơ̆ đơ̆ng lu pêng 'nu noh na Sư 'nap kŭp kơ̆l krao khan kơ 'Bă Sư thoi âu: “Ơ 'Bă, dah gơh, ăn kơ Inh klaih đơ̆ng tơdrong gleh âu. Mă-lei Ih 'nĕ pơm kiơ̆ kơ Inh, pơm kiơ̆ kơ Ih đĕch.”

Êsêkiên 46:12

Mưh yŏng pơgơ̆r pơyơ̆r tơmam soi 'buh, jơhngơ̆m wă kơdih, dah tơmam soi apinh hiôk-hian, jơhngơ̆m wă kơdih ăn kơ Kră Yang, măng jang gah hơlĕch đe pơih kơ sư. Sư gô pơyơ̆r tơmam soi 'buh păng tơmam soi apinh hiôk-hian thoi đei pơm lăm năr Sa'bat, na sư lĕch, mưh sư lĕch hlôi boih, 'măng jang đe gô tang lê̆ dơ̆ng.

Êsêkiên 45:19

'Bok soi gô iŏk pham tơmam soi huai đơ̆ng yoch na pik tơ lu jrăng hnam akŭm, tơ puăn pah mum jơ̆ng chơnang soi păng lu jrăng 'măng jang cham gah lăm.

II Ho 34:31

Pơtao dơ̆ng 'bơ̆t anih sư, pơm tơdrong pơgơ̆p dơ̆ng 'bơ̆t anăp Kră Yang, pơkă pơkăm kiơ̆ Kră Yang đĭ jơhngơ̆m klơm klak wei răk nơ̆r tơtă, tơdrong pơkă khan păng khôi juăt, wă pơm kiơ̆ trŏ thoi nơ̆r pơgơ̆p mă đei chih lăm sơ̆p hla bơar âu.

II Ho 29:29

Wă đang kơ pơyơ̆r tơmam soi boih, pơtao păng đĭ-đăng lu bơngai oei hơdai pơtao kŭp kơ̆l drap kơkuh bơnê.

II Ho 23:13

Sư 'bôh pơtao dơ̆ng jê̆ jrăng 'bơ̆t trong wă mơ̆t; lu yŏng linh păng lu bơngai hlôm keng dơ̆ng jê̆ pơtao; đĭ-đăng kon pơlei oei lăm char chơt hiôk 'nă hal hlôm keng, kư̆m đei lu bơngai hơri pơtơm pôk pơư reh brŏ, na kơkuh bơnê ư-ang kơ pơtao. Athalia hơloh hek ao sư kơdih na ôr re khan: Blah blơ̆, blơ̆ boih.

II Ho 6:13

Sư pơm boih minh pôm hơdrơ̆l hăm kong, tor sư pơđăm hơgăt, wơ̆l pơđăm hơgăt, kơjung pêng hơgăt, dan 'bơ̆t tŏk-bŏk cham; sư dơ̆ng tơ noh sơtơ̆p kŭl-tăng 'bơ̆t anăp lu bơngai Isơrael akŭm, yơ̆r ti tơ plĕnh.

I Ho 17:16

Na pơtao Đawit mơ̆t păng hơ-oei 'bơ̆t anăp Kră Yang păng khan: “Ơ Kră Yang 'Bok Kei-Dei inh âu bu păng hnam dơnŏ inh liơ na Ih mah ba inh truh tơ âu?

I Ho 9:18

Lu sư gak 'Măng Jang Pơtao gah hơlĕch truh tơ dang ei lu sư wei gak 'măng jang kơđông bơngai Lêwi.

Êsêkiên 40:19

Sư pơtŏ wơ̆l cham kơjung iŏk đơ̆ng anăp 'măng ala truh tơ anăp 'nguaih kơ cham lăm đei minh-hrĕng hơgăt, gah hơlĕch păng gah yă-nơ̆m lei-lăi.

Êsêkiên 40:39

Lăm kơdeng 'măng jang 'bar pah đei 'bar tŏ gơ'bang, tơ noh đe pơlôch tơmam soi 'buh, tơmam soi huai đơ̆ng tơdrong yoch tơmam soi huai, hăm đơ̆ng pơm glăi.