Êsêkiên 46:13 - Sơ̆p Hlabơar Nơ̆r 'Bok Kei-Dei

¹³ Rim năr kiơ̆ pơgê, ih athei pơyơ̆r minh pôm triu kon, minh sơnăm ưh kơ đei jĭ rơka, pơm tơmam soi 'buh ăn kơ Kră Yang.

Êsêkiên 46:13 Referans Kwoze

Êsai 50:4

Kră Yang ăn kơ inh hơpiĕt lu bơngai gơh bơtho tơ'bôh wă kơ inh băt yua nơ̆r pơma tơiung lu bơngai rơdu tơrăn. Kră Yang râu inh rim pơgê đơ̆ng hrôih tơ'blŏk ăn kơ đon inh wă mơ̆ng nơ̆r Sư bơtho nhen thoi bơngai đei hŏk pơhrăm.

Tơdrông Tơ'bôh 13:8

Đĭ-đăng bơngai jơ̆p kơ teh đak gô kơkuh kơ sem ei. Pôm lu bơngai mă Kon Triu 'Bok Kei-Dei chih anăn lu sư tơ hla bơar Sư đĕch, ưh kơ chu kơkuh kơ sem ei. Kon Triu noh boih lôch tang kon bơngai. Na tơdrong Sư chih anăn lu bơngai mă Sư ăn arih, Sư chih adrol kơ 'Bok Kei-Dei pơjing plĕnh teh sơ̆ hloi boih.

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Horiso 92:2

Pơgê hrôih ră roi tơdrong Ih 'mêm mơnat, Kơmăng ră roi tơdrong 'lơ̆ng tơpăt Ih.

Jo 28:10

Noh tơdrong tơmam pơyơ̆r 'buh lăm rim năr giĕng Sa'bat, sư 'nguaih kơ tơmam soi 'buh pơyơ̆r ling-lang păng tơmam soi huch hai.

Lêwi 12:6

Tơdah kơtĕch boih măng năr oei rơgoh tơpŭ nge drŏ-nglo dah drŏ-kăn sư, ăn kơ sư năm ba nge noh kơ 'bok soi tơ Bơsŭn Anih Akŭm chĕp ba minh pôm kon triu minh sơnăm, wă pơm tơmam soi 'buh păng minh pôm kon kơtơp dah pơgâm wă pơm tơmam soi huai đơ̆ng yoch.

Le 12:5

Lu iĕm athei rôp lăm khŭl kon triu dah kon bơbe tơno mă 'lơ̆ng ưh kơ đei rơka rơkĕch kiơ. Tôm minh sơnăm.