Êsêkiên 46:12 - Sơ̆p Hlabơar Nơ̆r 'Bok Kei-Dei

¹² Mưh yŏng pơgơ̆r pơyơ̆r tơmam soi 'buh, jơhngơ̆m wă kơdih, dah tơmam soi apinh hiôk-hian, jơhngơ̆m wă kơdih ăn kơ Kră Yang, măng jang gah hơlĕch đe pơih kơ sư. Sư gô pơyơ̆r tơmam soi 'buh păng tơmam soi apinh hiôk-hian thoi đei pơm lăm năr Sa'bat, na sư lĕch, mưh sư lĕch hlôi boih, 'măng jang đe gô tang lê̆ dơ̆ng.

Êsêkiên 46:12 Referans Kwoze

Êsêkiên 45:17

Mă-lei yŏng pơgơ̆r athei hơmet lu tơmam soi 'buh, tơmam soi phe 'ba păng tơmam sa et sa năr kơ̆m giĕng lăm khei blŭng-a năr Sa'bat, lăm rim năr kơ̆m giĕng et sa lu bơngai Isơrael. Sư athei pơyơ̆r lu tơmam soi huai đơ̆ng yoch, tơmam soi phe 'ba, tơmam soi 'buh, tơmam soi 'blŏk bơnê wă huai đơ̆ng yoch ăn kơ kon pơlei Isơrael.

Êsêkiên 46:8

Mưh yŏng pơgơ̆r wă mơ̆t, sư rok trong kơdeng kơ 'măng jang păng lĕch kư̆m trong noh.

Êsêkiên 44:3

Lăp pơtao đĕch, yua kơ sư yŏng na gơh ngôi tơ noh păng sa 'bĕng 'bơ̆t anăp Kră Yang gô mơ̆t rok trong kơdeng 'măng jang păng lĕch kư̆m trong noh.”

II Ho 29:31

Hesekia khan: “Dang ei lu iĕm đei hơmet akâu kơdih rơgoh ăn kơ Kră Yang boih; lei na năm tơ âu, chĕp ba tơmam soi pơyơ̆r bơnê mơ̆t tơ lăm Hnam Kră Yang. Kon pơlei khŭl akŭm chĕp ba tơmam soi 'buh păng tơmam soi pơyơ̆r bơnê; lu bơngai đei jơhngơ̆m hiôk na chĕp ba năm pơyơ̆r lu tơmam soi 'buh noh.

Lêwi 23:38

'Nguaih kơ bơwei năr pơdơh Sa'bat Kră Yang, lu iĕm athei pơyơ̆r tơmam soi iĕm kơdih, lu tơmam soi pơsĭt nơ̆r pơkă păng tơmam soi 'maih wă. Iĕm juăt kơ pơyơ̆r ăn kơ Kră Yang.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

Esơra 6:17

Gah tơdrong pơm giĕng et sa pơih hnam akŭm keh âu, lu sư pơyơ̆r minh-hrĕng tŏ rơmo dăm, 'bar-hrĕng tŏ triu dăm, puăn-hrĕng tŏ triu tơno păng kiơ̆ kơ lu adrĕch bơngai Isơrael, lu sư pơyơ̆r mơjĭt-'bar tŏ bơbe dăm pơm tơmam soi huai đơ̆ng yoch ăn kơ mơjĭt-'bar adrĕch bơngai Isơrael.

Esơra 3:5

Đơ̆ng rŏng kơ noh, lu sư soi pơyơ̆r lu tơmam soi 'buh ling-lang, pơyơ̆r lu tơmam soi 'bơ̆t khei tơ'bang păng pơyơ̆r tơmam soi lăm lu năr giĕng tih 'măn năr 'lơ̆ng rơgoh kơ Kră Yang; kư̆m pơyơ̆r lu tơmam soi kiơ̆ kơ rim 'nu đei pơyơ̆r kơ Kră Yang.

Esơra 1:4

Lu bơngai Juđa mă oei arih, mă khan oei tơ yơ, kon pơlei mă tơ anih lu sư oei, athei tơgŭm lu sư hu, maih, mŭk tơmam, sem dơrong, wă pơm hnam akŭm Kră Yang 'Bok Kei-Dei, ưh kơ jô̆ lu tơmam đei pơyơ̆r boih tơ lăm hnam akŭm Kră Yang 'Bok Kei-Dei tơ pơlei Jêrusalem.

II Ho 5:6

Pơtao Sôlômôn păng đĭ-đăng lu bơngai Isơrael akŭm hơdai pơtao dơ̆ng 'bơ̆t anăp Hom Pơgơ̆p, lu sư pơyơ̆r triu, rơmo wă pơm tơmam soi lơ dêh, ưh pă kĕ chih jô̆.

I Ho 29:21

Năr đơ̆ng rŏng, lu sư pơyơ̆r tơmam soi 'buh ăn kơ Kră Yang. Minh-rơbâu rơmo tơno, minh-rơbâu triu tơno păng minh-rơbâu tŏ triu kon, hơdai hăm tơmam soi et păng lơ tơmam soi pơyơ̆r nai kơ đĭ-đăng kon pơlei Isơrael;

I Pot 3:4

Pơtao Sôlômôn năm truh tơ pơlei Gibeôn wă pơyơ̆r tơmam soi, yua kơ tơ anih soi kơpal groi kơjung mă kăl dêh. Tơ noh Sôlômôn pơyơ̆r minh-rơbâu tŏ tơmam soi 'buh tơ kơpal chơnang soi.

Jo 29:39

Noh boih mă tơmam soi lu iĕm athei soi pơyơ̆r ăn kơ Kră Yang lăm năr iĕm soi sơmah tih, wă pơm tơmam soi 'buh, tơmam soi pơyơ̆r phe 'ba, tơmam soi huch păng tơmam soi pơyơ̆r 'blŏk bơnê hiôk-hian, 'nguaih kơ tơmam soi mă đêl pơkă păng lu tơmam soi pơyơ̆r hăm jơhngơ̆m hiôk lu iĕm.

Lêwi 7:16

Tơdah tơmam pơyơ̆r âu yua kơ tơdrong pơkă dah tơmam pơyơ̆r 'maih wă, đe gô sa tơmam soi noh lăm năr mă pơyơ̆r tơdah oei rơkah gơh sa năr dơning dơ̆ng.

Lêwi 1:3

Tơdah tơmam sư pơyơ̆r tơmam soi 'buh hăm rơmo, sư athei pơyơ̆r rơmo tơno ưh kơ đei tơdrong jĭ kiơ, ăn kơ sư pơyơ̆r tơ 'măng Bơsŭn Anih Akŭm, 'bơ̆t anăp Kră Yang wă kơ Sư lăp đon iŏk.

Êsêkiên 44:1

Na sư chông ba inh năm tơ 'măng 'nguaih kơ anih 'lơ̆ng rơgoh, 'măng noh gah hơlĕch; mă-lei 'măng noh đe tang lê̆ boih.