Êsêkiên 46:11 - Sơ̆p Hlabơar Nơ̆r 'Bok Kei-Dei

¹¹ Lăm lu năr phĕt păng pơm giĕng tih, tơmam pơyơ̆r phe ba hơbĭ hăm rơmo dăm, minh êpha; minh êpha hăm kon triu tơno păng lu tơmam soi pơyơ̆r phe ba hăm lu triu kon mơ̆ng kơ đei, hơdai hăm đak rơmă rim minh êpha minh hin.

Êsêkiên 46:11 Referans Kwoze

Êsêkiên 46:5

Gah tơmam soi phe ba pơyơ̆r hăm bơbe tơno minh êpha minh pôm; tơmam pơyơ̆r kơpung phe 'ba hơdai hăm minh pôm triu mơ̆ng kơ đei; păng gah đak rơmă minh êpha pơyơ̆r minh hin.

Êsêkiên 46:7

Gah tơmam soi pơyơ̆r phe 'ba minh êpha hơdai hăm rơmo dăm. Minh êpha pơyơ̆r hăm triu tơno, hăm kon triu kon mơ̆ng kơ đei, gah lu tơmam pơyơ̆r phe tơpŭng wă hrâu hăm lu đak rơmă rim êpha minh hin.

Êsêkiên 45:17

Mă-lei yŏng pơgơ̆r athei hơmet lu tơmam soi 'buh, tơmam soi phe 'ba păng tơmam sa et sa năr kơ̆m giĕng lăm khei blŭng-a năr Sa'bat, lăm rim năr kơ̆m giĕng et sa lu bơngai Isơrael. Sư athei pơyơ̆r lu tơmam soi huai đơ̆ng yoch, tơmam soi phe 'ba, tơmam soi 'buh, tơmam soi 'blŏk bơnê wă huai đơ̆ng yoch ăn kơ kon pơlei Isơrael.

Êsêkiên 45:24

Gah tơmam soi phe 'ba, kư̆ kơ rim minh pôm rơmo dăm sư pơyơ̆r minh êpha, rim kơ minh pôm triu tơno kư̆m pơyơ̆r minh êpha, gah rơmă minh “hin” lăm rim êpha.