Êsêkiên 46:1 - Sơ̆p Hlabơar Nơ̆r 'Bok Kei-Dei

¹ Kră Yang khan thoi âu: 'Măng jang cham gah lăm, tơ gah hơlĕch, athei tang chĭt lê̆ lăm tơdrâu năr oei jang, mă-lei gô pơih lăm năr phĕt Sa'bat păng lăm năr phĕt Khei 'Nao.

Êsêkiên 46:1 Referans Kwoze

Êsai 66:23

Kră Yang khan: “Đĭ-đăng kon bơngai gô năm kơkuh 'bơ̆t anăp Inh. Đơ̆ng Khei 'Nao Tơ'bang 'nâu truh tơ khei tơ'bang to, đơ̆ng năr Sa'bat 'nâu truh tơ năr Sa'bat nai.

Le 20:9

Iĕm athei pơm đĭ tơdrong jang kơdih lăm tơdrâu năr.

Luka 13:14

Kră wei-lăng hnam akŭm ei 'bôh thoi noh na sư hil dêh yua kơ Yêsu pơklaih đe lăm năr pơdơh Sa'bat wă khan năr giĕng. Na 'bok ei khan kơ lu kon pơlei pơla mă oei akŭm 'bơ̆t ei thoi âu: “Lăm minh 'măng giĕng đei tơdrâu năr bơ̆n gơh jang, iĕm athei năm tơ âu ming akâu iĕm lăm tơdrâu năr ei đĕch. Iĕm ưh kơ gơh ming akâu iĕm lăm năr pơdơh Sa'bat ôh.”

Êsêkiên 46:6

Lăm phĕt năr Khei 'Nao, sư gô pơyơ̆r minh pôm rơmo dăm ưh kơ đei jĭ rơka, tơdrâu tŏ kon triu kon păng minh triu tơno ưh kơ jĭ rơka.

Êsêkiên 8:16

Na, Kră Yang Sư ba inh mơ̆t tơ cham hnam Kră Yang; păng tơ noh trong mơ̆t tơ hnam kơkuh kơ Kră Yang, tŏk-bŏk kơdeng 'măng păng chơnang soi, inh 'bôh đei dang 'bar-jĭt pơđăm 'nu bơngai drŏ-nglo, rŏng tơwih kơ hnam Kră Yang păng muh măt lu sư tơwih gah hơlĕch, drap kơkuh kơ măt 'năr đơ̆ng hơlĕch.

Bl 3:19

Ih athei jang lĕch đak bơuh bơang tơ klĕng ih 'mơ̆i na đei sa,d dĭng truh tơ năr ih brŏk tơ teh dơ̆ng, teh mă đêl man ih sơ̆, yua kơ ih đơ̆ng 'mui teh, ih gô brŏk tơ 'mui teh.”

I Ho 9:18

Lu sư gak 'Măng Jang Pơtao gah hơlĕch truh tơ dang ei lu sư wei gak 'măng jang kơđông bơngai Lêwi.

Êsêkiên 10:3

Kơplah bơngai noh mơ̆t, lu chêrubim dơ̆ng gah gơal kơ hnam akŭm păng hơmơ̆l 'bĕnh kơ cham gah lăm.

Êsêkiên 40:19

Sư pơtŏ wơ̆l cham kơjung iŏk đơ̆ng anăp 'măng ala truh tơ anăp 'nguaih kơ cham lăm đei minh-hrĕng hơgăt, gah hơlĕch păng gah yă-nơ̆m lei-lăi.

Êsêkiên 43:1

Na sư anhăk ba inh truh tơ 'măng jang gah hơlĕch.

Êsêkiên 46:3

Lăm phĕt năr Sa'bat păng Khei 'Nao, kon pơlei lăm char noh gô drap kơkuh 'bơ̆t anăp Kră Yang 'bơ̆t trong mơ̆t tơ 'măng jang noh.

Êsêkiên 46:12

Mưh yŏng pơgơ̆r pơyơ̆r tơmam soi 'buh, jơhngơ̆m wă kơdih, dah tơmam soi apinh hiôk-hian, jơhngơ̆m wă kơdih ăn kơ Kră Yang, măng jang gah hơlĕch đe pơih kơ sư. Sư gô pơyơ̆r tơmam soi 'buh păng tơmam soi apinh hiôk-hian thoi đei pơm lăm năr Sa'bat, na sư lĕch, mưh sư lĕch hlôi boih, 'măng jang đe gô tang lê̆ dơ̆ng.