Êsêkiên 45:9 - Sơ̆p Hlabơar Nơ̆r 'Bok Kei-Dei

⁹ Kră Yang khan thoi âu: Ơ lu yŏng pơgơ̆r Isơrael, noh tôm boih! 'Nĕ pă pơm kơnê̆ păng pơjuă pơđep; pơm bĕ tơdrong 'lơ̆ng tơdrong tơpăt; 'nĕ pă pơpuh kon pơlei Inh dơ̆ng, Kră Yang khan.

Êsêkiên 45:9 Referans Kwoze

Sa 8:16

'Nâu tơdrong lu iĕm athei pơm: Athei pơma tơpăt dih băl, arih hiôk chơt hăm rông 'bôt, athei sek tơlang mă tơpăt hơnơ̆ng.

Êsêkiên 44:6

Ih khan bĕ kơ lu bơngai Isơrael mă ayăt hăm Inh: Kră Yang khan thoi âu: ‘Ơ adrĕch Isơrael, dôm tơdrong kơnê̆ krưp mă lu iĕm hlôi pơm noh tôm boih.

Je 22:3

'Nâu nơ̆r Kră Yang khan: Pơm bĕ dôm tơdrong tơpăt hơnơ̆ng tơdrong trŏ; pơklaih bĕ lu bơngai mă đe rôp đơ̆ng ti lu bơngai pơjuă pơđep. Lê̆ kơ rôp pơgŏ păng kư̆m 'nĕ pơm kơnê̆ kơ lu bơngai tơmoi, lu kon mơti 'bă păng lu yă adro 'Nĕ kơ pơlôch tuh pham kơ lu bơngai ưh kơ yoch tơ anih âu.

Êsai 1:17

Pơhrăm iŏk bĕ tơdrong 'lơ̆ng, chă lu tơdrong tơpăt, tơiung lu bơngai đe pơjuă, dŏng tơgŭm lu bơngai mơti, pơma dŏng lu bơngai adro.

I Pet 4:3

Kơplah iĕm tam mă lui sơ̆, iĕm pơm lơ boih tơdrong kơnê̆. Na dang ei 'nĕ pă pơm thoi lu bơngai sơmăt lăp đon; lu sư hưch hanh pơm tôm tơdrong kơnê̆ kư̆ kă, et sik suai, sa dư, pơm kư̆ kă lăm năr sư sa et tih kơkuh kơ rup yang sư.

Luka 3:14

Lu linh kư̆m jet sư mơ̆n: “Bĭ gah nhôn, ih wă kơ nhôn pơm thoi yơ?” Na Yôhan khan kơ sư: “'Nĕ pơgŏ iŏk tơmam đe, 'nĕ jâu ngơ̆r wă sa tơmam đe păng 'nĕ kơ mơmơnh kơ jên khei iĕm đei.”

Mi 2:9

Lu iĕm pơpuh lu bơngai drŏ-kăn, kon pơlei ih lĕch đơ̆ng hnam chơt hiôk lu sư; păng iŏk tơdrong ư-ang Inh đơ̆ng lu kon hơ'lơ̆p sư ling-lang hlŏng hloi.

Jop 22:9

Ih pơpuh bơngai adro brŏk tơpang ti hoh. Lu bơngai mơti ih pơjuă lê̆ anih sư gơnang.

Jop 20:19

Yua kơ sư sa pơgâm pă lăng bơngai dơnuh hoh, Tơgar iŏk hnam mă sư ưh kơ đei man.

Je 6:7

Thoi đak sơlŭng lĕch thoi yơ, tơdrong kơnê̆ lu sư kư̆m lĕch thoi noh. Kơtơ̆ng đei tơdrong kơnê̆ păng pơrăm tơ lăm pơlei noh, tơdrong jĭ jăn, rơka rơkĕch oei 'bơ̆t anăp Inh ling-lang.

Êsêkiên 7:11

Tơdrong pơm kơnê̆ rai dêh jing tơdrong kơnê̆ lơ hloh; lăm lu sư pă đei bu oei đei, mŭk tơmam pă đei, tơdrong mơdrŏng lu sư kư̆m pă đei, lăm lu sư ưh pă đei bu đe pơyom.

Êsêkiên 7:23

Hơmet lê̆ glang yua kơ lăm teh đak âu 'bĕnh kơ tơdrong pơm yoch kơnê̆ 'bet pơlôch băl păng lăm pơlei âu 'bĕnh kơ tơdrong pơrăm băl.

Êsêkiên 8:17

Sư khan kơ inh: “Ơ kon bơngai, ih hăm 'bôh ưh? Noh adrĕch Juđa oei đei pơm tơdrong yoch kơnê̆ krưp, hăm trŏ tơdrong iĕ dah liơ? Lu sư pơm tơdrong kơnê̆ 'bĕnh lăm teh đak âu, păng tơblĕk Inh ling-lang dơ̆ng. Âu, lăng bĕ lu sư tah 'long lăm trôm muh wă tơblĕk Inh!

Am 5:24

Kơtrơ̆m jah lê̆ lu tơdrong 'lơ̆ng tơpăt sĭt ro thoi đak păng tơdrong tơpăt kơkhŭr thoi đak glung ro ling-lang.

Mi 6:10

Lăm hnam bơngai kơnê̆ hăm oei đei tơmam gĭt kơnê̆ păng 'long kŏng ưh kơ tơpă hơlĕnh mă Inh areh dêh?

Sa 7:9

“Kră Yang Tih Hloh khan thoi âu: ‘Pơm bĕ dôm tơdrong kiơ mă 'lơ̆ng tơpăt păng rim 'nu athei iơ̆m dim, 'mêm mơnat kơ 'nhŏng oh;

Am 5:15

Areh bĕ kơ tơdrong kơnê̆, na 'mêm bĕ kơ tơdrong 'lơ̆ng; pơm pơjing bĕ tơdrong 'lơ̆ng tơpăt 'bơ̆t 'măng jang pơlei. Rŏ lăng Kră Yang 'Bok Kei-Dei Tih hloh gô mơnat ăn kơ dôm lu bơngai Jôsep mă oei arih.