Êsêkiên 45:22 - Sơ̆p Hlabơar Nơ̆r 'Bok Kei-Dei

²² Lăm năr noh, yŏng pơgơ̆r gô pơyơ̆r minh pôm rơmo dăm huai đơ̆ng yoch sư kơdih păng kơ đĭ-đăng kon pơlei lăm char.

Êsêkiên 45:22 Referans Kwoze

Lêwi 4:14

Tơdah tơdrong yoch lu sư noh pơdah 'bôh tơ 'nguaih, đĭ-đăng lu bơngai tơpôl athei pơyơ̆r minh pôm rơmo dăm iĕ wă pơm tơmam soi huai iŏk yoch sư, dui ba kon rơmo noh 'bơ̆t 'măng Bơsŭn Anih Akŭm.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Lêwi 16:5

Ăn kơ sư iŏk đơ̆ng lăm tơpôl kon pơlei Isơrael 'bar tŏ bơbe tơno wă pơm tơmam soi huai đơ̆ng yoch păng minh pôm triu tơno yua pơm tơmam soi 'buh.

Lêwi 4:13

Tơdah đĭ-đăng lu bơngai Isơrael yua kơ hơch 'bơm pơm yoch boih, mă-lei lu bơngai tơpôl akŭm tam mă băt păng lu sư pơm yoch minh tơdrong lăm lu nơ̆r Kră Yang tơtă khă ưh kơ ăn pơm, yua kơ tơdrong noh sư jing yoch boih.

Lêwi 4:21

đơ̆ng noh lu sư anhăk ba rơmo dăm noh lĕch tơ 'nguaih kơđông, na 'buh pơyơ̆r thoi sư 'buh pơyơ̆r rơmo dăm adrol ki mơ̆n, noh Jơ̆ tơmam soi huai đơ̆ng yoch kơ lu khŭl akŭm.

Êsêkiên 46:4

Lu tơmam soi 'buh mă yŏng pơgơ̆r pơyơ̆r kơ Kră Yang lăm năr Sa'bat noh tơdrâu tŏ triu 'lơ̆ng ưh kơ jĭ rơka păng minh tŏ bơbe 'lơ̆ng ưh kơ jĭ rơka.