Êsêkiên 45:19 - Sơ̆p Hlabơar Nơ̆r 'Bok Kei-Dei

¹⁹ 'Bok soi gô iŏk pham tơmam soi huai đơ̆ng yoch na pik tơ lu jrăng hnam akŭm, tơ puăn pah mum jơ̆ng chơnang soi păng lu jrăng 'măng jang cham gah lăm.

Êsêkiên 45:19 Referans Kwoze

Êsêkiên 43:20

Ih iŏk bĕ pham pik tơ puăn tŏ hơke chơnang soi, tơ puăn pah mum păng tơ gơnăp jum dăr, wă kơ ôp rơgoh chơnang soi păng huai đơ̆ng yoch.

Êsêkiên 43:14

Hơbong hơnă đơ̆ng teh truh tơ không ala 'bar hơgăt, wơ̆l minh hơgăt. Đơ̆ng không iĕ truh tơ không tih đei puăn hlok, wơ̆l să minh hơgăt.

Êsêkiên 43:17

Không tŏk-bŏk chơnang soi tor wơ̆l mơjĭt-puăn hlok puăn pah dơ'bŭng đei gơnăp jum dăr minh puăt hơgăt; đei hơbong jum dăr minh hơgăt, lu kơnao sư noh tơwih gah hơlĕch.

Êsêkiên 43:19

Kră Yang khan: Pơjao bĕ kơ 'bok soi adrĕch Lêwi lăm, adrĕch Sađôk noh, lu bơngai gô năm jê̆ wă bơ̆jang kơ Inh, minh pôm rơmo dăm bek wă pơm tơmam soi huai đơ̆ng yoch.

Êsêkiên 46:1

Kră Yang khan thoi âu: 'Măng jang cham gah lăm, tơ gah hơlĕch, athei tang chĭt lê̆ lăm tơdrâu năr oei jang, mă-lei gô pơih lăm năr phĕt Sa'bat păng lăm năr phĕt Khei 'Nao.

Êsêkiên 46:2

Yŏng pơgơ̆r gô mơ̆t trong kơdeng, gah 'măng jang noh, sư gô dơ̆ng 'bơ̆t jrăng 'măng jang; kơplah noh lu 'bok soi pơyơ̆r tơmam soi 'buh, tơmam soi apinh hiôk-hian, na sư gô kơkuh drap 'bơ̆t anăp 'măng jang, đơ̆ng noh gô lĕch. 'Măng jang noh ưh pă tang dĭng truh tơ kơsơ̆ măng.

Lêwi 16:16

Thoi noh sư năm soi sơmah tơ lăm anih 'Lơ̆ng rơgoh yua kơ đơ̆ng tơdrong kơnê̆ 'mê̆-'mach, pơm glăi, yoch kon pơlei Isơrael na sư athei soi sơmah huai đơ̆ng tơdrong yoch. Sư kư̆m soi sơmah huay đơ̆ng yoch kơ Bơsŭn Anih Akŭm, yua kơ anih akŭm oei tơ tŏk-bŏk tơdrong kơnê̆ 'mê̆-'mach lu sư.