Êsêkiên 44:7 - Sơ̆p Hlabơar Nơ̆r 'Bok Kei-Dei

⁷ Lu iĕm hlôi chông ba adrĕch adrung kon pơlei tơmoi, lu bơngai mă ưh kơ kăt tơdra jơhngơ̆m, kư̆m ưh kơ kăt tơdra akar mơ̆t lăm anih 'lơ̆ng rơgoh Inh wă pơ'mê̆ kơ hnam akŭm Inh, kơplah lu iĕm pơyơ̆r tơmam sa kơ Inh, rơmă păng pham; lu iĕm pơm yoch glăi boih kơ nơ̆r pơkă Inh hăm tơdrong kơnê̆ 'mê̆ krưp lu iĕm.

Êsêkiên 44:7 Referans Kwoze

Lêwi 22:25

'Nĕ kơ iŏk đơ̆ng ti bơngai tơmoi, minh pôm kon sem tơmam soi ayơ mă thoi noh, wă pơyơ̆r tơmam soi kơ Kră Yang 'Bok Kei-Dei ih. Yua kơ akâu sư rơka rơkĕch, Inh ưh kơ iŏk ôh tơmam soi noh.

Je 9:26

Lu bơngai drŏ-nglo Êyiptơ, bơngai Juđa, bơngai Eđôm, lu bơngai Ammôn, bơngai Môap păng đĭ-đăng lu bơngai oei lăm char glă hơkôih kơ̆l 'ngôch sơ'ngon, yua kơ lu kon pơlei noh hăm đĭ-đăng lu adrĕch Isơrael ưh tam mă kăt tơdra akar lăm jơhngơ̆m lu sư.”

Êsêkiên 44:9

Kră Yang khan thoi âu: 'Nĕ kơ ăn bơngai tơmoi ưh kơ kăt tơdra lăm jơhngơ̆m păng sĕch akar kư̆m ưh kơ kăt tơdra, mơ̆t lăm anih 'lơ̆ng rơgoh Inh, mă lu bơngai oei hơdai hăm lu adrĕch adrung Isơrael kư̆m ưh kơ gơh mơ̆t tơ noh.

Je 4:4

Kăt tơdra akar iĕm bĕ 'bơ̆t anăp Kră Yang, ơ kon drŏ-nglo Juđa păng kon pơlei Jêrusalem, Kăt bĕ akar jơhngơ̆m iĕm. Kơnh hli kơ tơdrong Inh hil iung thoi ŭnh sa, ưh kơ đei bu kĕ pĭt, yua kơ tơdrong yoch lu iĕm pơm boih.”

Lêwi 26:41

Thoi noh Inh kư̆m pơm plơ̆ kơ lu sư, ba lu sư tơ dêh char lu bơngai ayăt kơ lu sư, tơdah jơhngơ̆m lu sư ưh kơ chu kăt tơdra akar, băt chu tơjur akâu lu sư kơdih tơ ala păng chu iŏk tơdrong bơtho pơjĭ yua tơdrong yoch lu sư.

Bl 17:14

Rim 'nu drŏ-nglo mă ưh kơ chu kăt tơdra sĕch akar sư kơdih, gô tơlĕch lê̆ sư đơ̆ng khŭl adrĕch sư; bơngai noh sư sơngah kơ nơ̆r Inh pơgơ̆p pơkă.”

Jang 21:28

Lu sư pơma 'bơ̆r re khan: “Ơ bơngai Isơrael, tơgŭm nhôn 'biơ̆ bĕ. Bơngai âu boih năm jơ̆p-jang kơ teh đak bơtho athei đe hil areh kơ bơngai Isơrael bơ̆n, athei đe tŭk lê̆ tơdrong juăt Môis păng hnam akŭm 'Bok Kei-Dei tơm âu. Na dang ei sư kư̆m anhăk ba bơngai tơmoi khŭl nai lăm hnam akŭm 'Bok Kei-Dei tơm âu, na pơm kơ hnam 'Bok Kei-Dei âu đơ̆ng 'lơ̆ng jing kơnê̆ 'mê̆-'mach.”

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

Both 10:16

Na lu iĕm, athei băt hli yom kơ Kră Yanga 'nĕ pă arăng kơ̆l dơ̆ng.

Hêbrơ 8:9

Tơdrong pơgơ̆p 'nao ei ưh pă thoi tơdrong pơgơ̆p mă Inh pơjing ăn kơ lu yă 'bok iĕm kơplah mă Inh chông ba lu sư jăk đơ̆ng dêh Êyiptơ sơ̆ ôh. Tơdrong pơgơ̆p noh sơ̆ lu sư kuă kơ kiơ̆. Thoi noh na Inh achăng lê̆ lu sư, Kră Yang khan.

Malachi 1:7

“Lu iĕm pơyơ̆r tơmam 'mê̆-'mach tơ gơ'bang soi Inh, đơ̆ng noh lu iĕm khan: ‘Lu nhôn pơm kơnê̆ 'mê̆-'mach kơ Ih tơ yơ?’ Noh mă tơdrong lu sư khan: ‘Gơ'bang Kră Yang trŏ kơ pơdê.’

Êsêkiên 22:26

Lu 'bok soi pơm glăi kơ khôi juăt Inh, pơm 'mê̆-'mach kơ tơmam rơgoh Inh. Lu sư ưh kơ băt lăng ayơ rơgoh, ayơ hmă, ưh kơ băt bơtho tơ'bôh ayơ 'mê̆-'mach, ayơ rơgoh. Lu sư tep măt ưh kơ kiơ̆ lu năr Sa'bat Inh, lei na pơm pơ'mê̆ kơ Inh boih lăm lu sư.

Êsêkiên 7:20

Đơ̆ng lu tơmam drŏ-kăn pơguăng 'lơ̆ng rŏ mă lu sư pơang kơdih; lu sư yua tơmam noh pơm rup yang kơkuh kơnê̆ krưp. Lei na Inh gô pơm kơ tơmam noh jing tơmam 'mê̆-'mach kơ lu sư!

Je 31:32

Nơ̆r pơgơ̆p 'nâu ưh kơ trŏ thoi nơ̆r pơgơ̆p Inh hăm lu 'bok yă lu sư lăm năr mă Inh rôp ti dui tơlĕch lu sư đơ̆ng char Êyiptơ sơ̆, yua kơ lu sư pơrăm lê̆ boih tơdrong pơgơ̆p Inh, mă Inh thoi klo lu sư ră.” Noh Kră Yang khan.

Je 11:10

Lu sư wơ̆t kiơ̆ pơm tơdrong kơnê̆ thoi lu 'bok yă lu sư sơ̆, lu bơngai mă sơngah kuă kơ kiơ̆ nơ̆r Inh tơtă. Lu sư kiơ̆ păng kơkuh kơ yang nai. Adrĕch Isơrael păng adrĕch Juđa pơm glăi boih kơ nơ̆r Inh pơgơ̆p hăm 'bok yă lu sư sơ̆.

Êsai 24:5

Teh đak âu jing kơnê̆ 'mê̆ mach, đơ̆ng kon pơlei pơm yoch. Ưh kơ kiơ̆ khôi juăt, pơm yoch hăm nơ̆r tơtă, pơm glăi hăm tơdrong pơgơ̆p ling-lang.

Both 31:20

Đơ̆ng rŏng Inh chông ba lu sư mơ̆t lăm dêh char Inh hlôi pơkă boih hăm 'bok lu sư; dêh 'bĕnh kơ đak toh đak sut; lu sư gô sa phĭ păng bek, wơ̆t bơ̆jang kơkuh lu yang nai, lu sư gô pơdê lê̆ Inh păng pơm glăi kơ tơdrong pơgơ̆p Inh.

Both 31:16

Kră Yang khan kơ Môis: Ih gô pơdơh hăm lu 'bok ih; kon pơlei 'nâu gô kơkuh kơ yang nai lăm dêh lu sư wă năm mơ̆t lu sư gô achăng lê̆ Inh păng pơm glăi kơ tơdrong pơgơ̆p mă Inh đei pơgơ̆p boih hăm lu sư.

Both 30:6

Kră Yang 'Bok Kei-Dei gô ăn kơ bơ̆n păng kon sâu lu bơ̆n đei jơhngơ̆m rơmuăn băt chu yom, wă kơ iĕm đĭ jơhngơ̆m klơm klak 'mêm yom kơ Kră Yang 'Bok Kei-Dei, wă kơ gơh arih.

Lêwi 26:15

tơdah lu iĕm sơngah kơ nơ̆r Inh tơtă păng jơhngơ̆m iĕm areh kơ khôi juăt Inh, dĭng mah ưh pă pơm kiơ̆ nơ̆r Inh tơtă, pơm glăi kơ tơdrong Inh pơgơ̆p.

Lêwi 21:21

Ưh kơ đei bu lăm kon drŏ-nglo Arôn 'bok soi tơm đei tơdrong jĭ jăn lăm akâu sư ưh kơ gơh năm jê̆ wă pơyơ̆r tơmam soi 'buh ăn kơ Kră Yang; tơdah đei jĭ jăn lăm akâu ưh kơ gơh năm jê̆ wă pơyơ̆r 'bĕng tơmam soi kơ Kră Yang 'Bok Kei-Dei sư.

Lêwi 21:17

athei khan bĕ kơ Arôn. Ưh kơ đei bu lăm kon hơ'lơ̆p ih lăm chăl arih sư đei tơdrong jĭ jăn ưh kơ gơh năm jê̆ wă pơyơ̆r tơmam soi kơ Kră Yang 'Bok Kei-Dei ôh.

Lêwi 21:8

Thoi noh ih athei lăng jô̆ sư 'lơ̆ng rơgoh, yua kơ sư pơyơ̆r 'bĕng tơmam sa kơ Kră Yang 'Bok Kei-Dei ih. Sư jing rơgoh 'lơ̆ng kơ Inh; yua kơ Inh Kră Yang 'lơ̆ng rơgoh. Tơ'ngla mă pơm kơ lu iĕm jing rơgoh 'lơ̆ng.

Lêwi 21:6

Lu sư athei arih 'lơ̆ng rơgoh kơ Kră Yang 'Bok Kei-Dei, 'nĕ kơ pơm mơgrĭ kơ Anăn Kră Yang 'Bok Kei-Dei lu sư; yua kơ lu sư pơyơ̆r kơ Kră Yang dôm tơmam pơyơ̆r soh hăm ŭnh, wă khan pơyơ̆r 'bĕng tơmam sa kơ Kră Yang, yua kơ noh lu sư jing 'lơ̆ng rơgoh.

Lêwi 17:11

Yua kơ tơdrong ariha sĕch akar oei tơ lăm pham; Inh ăn boih kơ lu iĕm pham tơtraih tơ chơnang soi wă soi sơmah huai đơ̆ng yoch bơhngol lu iĕm; yua kơ pham jing tơdrong arih.

Le 12:48

Tơdah đei minh 'nu bơngai tơmoi ayơ oei hơdai lăm hnam iĕm, mă 'maih pơm 'blŏk hơdơ̆r giĕng Năm Brih Kră Yang, lei lu bơngai drŏ-nglo lu sư athei kăt tơdra akar; đơ̆ng noh na lu sư gơh năm pơm giĕng Năm Brih 'nâu păng gơh jô̆ thoi bơngai tơpŭ lăm char Isơrael. Mă-lei bơngai bu ưh kơ chu kăt tơdra akar, lei ưh kơ gơh sa ôh.

Le 12:43

Kră Yang khan kơ Môis păng Arôn: 'Nâu boih tơdrong juăt gah giĕng Năm Brih: Bơngai tơmoi ưh kơ gơh sa giĕng noh ôh.

Êsêkiên 44:15

Mă-lei lu 'bok soi adrĕch Lêwi, kon sâu Sađŏk, noh lu bơngai mă wei-lăng lăm anih 'lơ̆ng rơgoh Inh, kơplah kon sâu Isơrael wơ̆l jrok weh ataih đơ̆ng Inh, lu sư boih gô dơ̆ng 'bơ̆t anăp Inh wă pơyơ̆r kơ Inh rơmă păng pham, Kră Yang khan.

Je 9:25

Kră Yang khan: “'Nâu năr gô truh, Inh wă phak lu bơngai kăt tơdra akar, gah sĕch akar đĕch.

Malachi 2:4

Lu iĕm băt boih nơ̆r Inh âu khan kơ lu iĕm, wă kơ tơdrong pơgơ̆p Inh hăm Lêwi.” Kră Yang Tih Hloh khan thoi noh.

Malachi 2:8

Mă-lei, tơplơ̆ dơ̆ng, lu iĕm rok trong nai, pơm kơ lơ bơngai pơm glăi kơ khôi juăt păng lu iĕm pơm glăi boih kơ nơ̆r Inh pơgơ̆p hăm Lêwi.” Kră Yang Tih Hloh khan thoi noh.