Êsêkiên 44:29 - Sơ̆p Hlabơar Nơ̆r 'Bok Kei-Dei

²⁹ Lu sư gô sa lu tơmam soi pơyơ̆r phe ba, tơmam soi huai đơ̆ng yoch păng tơmam soi huai đơ̆ng tơdrong glăi; tơmam kiơ pơyơ̆r đơ̆ng lu bơngai Isơrael noh jing tơmam lu sư.

Êsêkiên 44:29 Referans Kwoze

Jo 18:14

Mă dôm tơmam kiơ đơ̆ng bơngai Isơrael pơyơ̆r noh jing tơmam ih ngăl.

Lêwi 27:21

Mă-lei tơdah truh tơ sơnăm hiôk-hian bơih, chŭn noh pơdrâu kơ tơ'ngla sư. Lei chŭn noh gô jing rơgoh 'lơ̆ng, teh âu gô jing tơmam Kră Yang gô jao ăn kơ 'bok soi.

Lêwi 27:28

Dôm lu tơmam jao, wă khan đĭ-đăng tơmam kiơ mă pơyơ̆r kơ Kră Yang, kon bơngai, sem brem dah chŭn mir tơmam đơ̆ng lăm hnam bơ̆n đei, ưh pă gơh tĕch kư̆m ưh kơ gơh kơ huai pơdrâu iŏk ôh. Yua kơ dôm tơmam noh 'lơ̆ng rơgoh ăn kơ Kră Yang bơih.

Lêwi 7:6

Lu drŏ-nglo lăm adrĕch 'bok soi gơh sa 'nhĕm noh, tơ minh anih rơgoh. Na noh jing tơmam 'lơ̆ng rơgoh hloh.

Lêwi 6:29

Rim 'nu bơngai drŏ-nglo lăm lu 'bok soi gơh sa 'nhĕm noh; noh jing tơmam rơgoh hloh.

Lêwi 6:26

'Bok soi pơyơ̆r tơmam soi huai đơ̆ng yoch noh gô sa tơmam noh, đe gô sa lăm minh anih tơ cham Bơsŭn Anih Akŭm.

Hêbrơ 13:10

Yêsu soi akâu Sư kơ 'Bok Kei-Dei sơ̆ kư̆m thoi tơmam đe soi kơ 'Bok Kei-Dei tơ anih giĕng tih. Mă dôm tơmam đe soi tơ lăm anih giĕng tih noh, đĭ-đăng kơ lu bơngai jang lăm hnam 'Bok Kei-Dei ưh kơ đei bu gơh sa; mă-lei kư̆m dang bơ̆n gơh sa mơ̆n, yua kơ Yêsu khan bơ̆n gơh sa akâu Sư, huch pham Sư.

Lêwi 2:10

Dôm tơmam soi phe 'ba mă oei đei gô lê̆ đĭ kơ Arôn păng kon drŏ-nglo sư; noh jơ̆ tơmam soi 'lơ̆ng rơgoh hloh lăm lu tơmam soi soh hăm ŭnh sa pơyơ̆r kơ Kră Yang.

Lêwi 2:3

Dôm tơmam kiơ oei đei, đơ̆ng tơmam pơyơ̆r tơpŭng lê̆ đĭ kơ lu 'bok soi kon drŏ-nglo Arôn. Noh jơ̆ tơmam 'lơ̆ng rơgoh lăm lu tơmam pơyơ̆r soh hăm ŭnh sa mă pơyơ̆r ăn kơ Kră Yang.

Jôsuê 13:14

Mă-lei Môis ưh kơ đei asong ăn teh jang sa kơ lu adrĕch adrung bơngai Lêwi ôh: Yua kơ lu tơmam soi 'buh hăm ŭnh pơyơ̆r ăn kơ Kră Yang 'Bok Kei-Dei Isơrael, noh jing tơdrong jang sa lu sư, đơ̆ng Kră Yang pơkă khan kơ lu sư.

Êsêkiên 46:20

Sư khan kơ inh: “'Nâu anih lu 'bok soi hơtŭk 'nhĕm tơmam soi huai đơ̆ng yoch păng tơmam soi huai đơ̆ng glăi păng soh tơmam soi phe ba wă huay kơ anhăk ba tơ cham gah 'nguaih kơnh hli pơm kơ kon pơlei jing 'lơ̆ng rơgoh.”