Êsêkiên 44:24 - Sơ̆p Hlabơar Nơ̆r 'Bok Kei-Dei

²⁴ Tơdah đei tơdrong kiơ truh tơhil pơma băl lu sư gô sek tơlang kiơ̆ thoi Inh tơtă. Lu sư gô wei răk khôi juăt păng lu tơdrong juăt lăm tôm tơdrong kơ̆m giĕng Inh păng wei năr Sa'bat jing năr 'lơ̆ng rơgoh.

Êsêkiên 44:24 Referans Kwoze

I Ho 23:4

Đawit khan. “Lăm lu bơngai noh, đei 'bar-jĭt puăn-rơbâu 'nu bơngai wei-lăng tơdrong jang lăm hnam Kră Yang; tơdrâu 'nu bơngai pơm bơngai wei-lăng păng pơm kră sek tơlang.

Êsêkiên 22:26

Lu 'bok soi pơm glăi kơ khôi juăt Inh, pơm 'mê̆-'mach kơ tơmam rơgoh Inh. Lu sư ưh kơ băt lăng ayơ rơgoh, ayơ hmă, ưh kơ băt bơtho tơ'bôh ayơ 'mê̆-'mach, ayơ rơgoh. Lu sư tep măt ưh kơ kiơ̆ lu năr Sa'bat Inh, lei na pơm pơ'mê̆ kơ Inh boih lăm lu sư.

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

Esơra 2:63

'Bok pơgơ̆r ưh kơ ăn lu sư sa tơmam rơgoh 'lơ̆ng tôch bơneh wă gô dĭng truh tơ layơ đei 'bok soi yua Urim păng Thumim mă krao apinh Kră Yang 'Bok Kei-Dei. Wă kơ băt lu sư hăm trŏ kơ adrĕch 'bok soi ưh.

Both 19:17

'bar 'nu bre bơngai đe jâu, bơngai jâu noh gô năm 'bơ̆t anăp Kră Yang 'bơ̆t anăp 'bok soi păng lu kră sek tơlang oei jang kơplah noh.

Both 21:5

Lu 'bok soi, kon drŏ-nglo bơngai Lêwi, gô năm jê̆ tơ noh; yua kơ Kră Yang 'Bok Kei-Dei iĕm rơih iŏk lu sư boih wă jang kơ Sư păng yua anăn Kră Yang sơkat ăn pŭn hiôk athei sek tơlang lu tơdrong pơjah pơjăng păng đei pơjĭ băl.

Horiso 119:34

Apinh Ih ăn kơ inh gơh hơgei, Na inh gô wei răk tơdrong juăt Ih. Păng chu yom hăm đĭ jơhngơ̆m.

Êsêkiên 20:12

Inh ăn boih kơ lu sư năr giĕng Sa'bat wă pơm tơdra tŏk-bŏk lu sư hăm Inh, wă kơ lu sư băt Inh boih Kră Yang pơm kơ lu sư rơgoh.

Êsêkiên 20:20

Wei răk bĕ lu năr Sa'bat Inh 'lơ̆ng rơgoh, wă kơ sư jing tơdra tŏk-bŏk Inh hăm lu iĕm, wă kơ lu iĕm băt Inh boih Kră Yang 'Bok Kei-Dei lu iĕm.

Êsêkiên 46:9

Kơplah kon pơlei char noh wă mơ̆t 'bơ̆t anăp Kră Yang lăm năr phĕt, bơngai bu mơ̆t kơkuh năm rok trong 'măng jang gah yă-nơ̆m, gô lĕch trong 'măng jang gah gơal; bơngai bu mơ̆t trong 'măng jang gah gơal gô lĕch trong 'măng jang gah yă-nơ̆m, ưh kơ đei bu gơh lĕch tơ trong đêl mơ̆t, mă-lei athei mơ̆t tơpăt tơklă anăp.