Êsêkiên 44:13 - Sơ̆p Hlabơar Nơ̆r 'Bok Kei-Dei

¹³ Lu sư ưh kơ gơh năm jê̆ Inh wă pơm 'bok soi 'bơ̆t anăp Inh, lu sư kư̆m ưh kơ gơh năm jê̆ tơmam 'lơ̆ng rơgoh, kư̆m ưh kơ gơh năm jê̆ tơmam mă 'lơ̆ng rơgoh hloh. Mă-lei lu sư gô pŭ tơdrong mơlâu păng lu tơdrong kơnê̆ 'mê̆ krưp mă lu sư hlôi pơm yoch.

Êsêkiên 44:13 Referans Kwoze

Jo 18:3

Lu sư gô bơ̆jang wei-lăng kiơ mă ih jao ăn, tơdrong jang kiơ mă lăm Bơsŭn; mă-lei lăp ưh kơ gơh năm jê̆ lu tơmam 'lơ̆ng rơgoh, kư̆m ưh kơ gơh dơ̆ng jê̆ chơnang soi đĕch, kơnh hli kơ lu sư lôch păng lu iĕm kư̆m lôch hai mơ̆n.

II Pot 23:9

Mă-lei, lu 'bok soi gah anih kơjung, lu sư ưh kơ gơh soi tơ chơnang soi Kră Yang tơ Pơlei Jêrusalem; mă-lei lu sư gơh sa 'bĕng ưh kơ đei 'buih pông, hơdai hăm lu 'nhŏng oh sư đĕch.

Êsêkiên 36:7

Na, Kră Yang khan thoi âu: Inh yơ̆r ti pơkă: Lu dêh char jum dăr kơ ih tơpă lu sư gô mơlâu!

Êsêkiên 32:20

Lu sư gô pơ̆k lôch hơdai lu bơngai mă đe pơlôch hăm đao, dui ba sư hơdai hăm lu kon pơlei lơ lu sư.

Êsêkiên 16:61

Kơplah ih sơng iŏk lu mŏ oh ih, ih gô 'blŏk kơ trong gơlong ih năm păng ih gô mơlâu; Inh gô ăn lu sư jing lu kon drŏ-kăn ih, mă khan lu sư ưh kơ đei lăm tơdrong pơgơ̆p Inh hăm ih.

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Êsêkiên 39:26

Lu sư gô đei tơdrong mơlâu yua kơ đei pơm yoch hăm Inh, kơplah lu sư oei hiôk-hian lăm char noh ưh kơ đei bu tơhli lu sư.

Je 3:25

Ăn kơ nhôn oei 'bĭch lăm tơdrong mơlâu lu nhôn păng pŭ iŏk tơdrong đe pơjăm lu nhôn! Lu nhôn păng 'bok yă lu nhôn đei pơm yoch boih hăm Kră Yang 'Bok Kei-Dei lu nhôn, đơ̆ng oei 'lơ̆p sơ̆ khơ̆ dang ei; lu nhôn ưh kơ chu kiơ̆ nơ̆r Kră Yang 'Bok Kei-Dei lu nhôn.”