Êsêkiên 44:12 - Sơ̆p Hlabơar Nơ̆r 'Bok Kei-Dei

¹² Yua kơ lu sư đei tơgŭm kon pơlei bơ̆jang 'bơ̆t anăp rup yang lu sư, pơm ăn kơ lu bơngai Isơrael pơ̆k huŏng pơm yoch, yua kơ tơdrong noh, Inh đei hiŏng ti phak lu sư, athei pŭ iŏk tơdrong yoch lu sư kơdih, Kră Yang khan.

Êsêkiên 44:12 Referans Kwoze

Horiso 106:26

Na Kră Yang yơ̆r ti pơkăm khan: “Sư gô pơrăm lu sư pơ̆k lôch tơ lăm char 'blach,

Êsêkiên 44:10

Bĕ gah lu bơngai Lêwi hlôi năm ataih đơ̆ng Inh, achăng Inh kiơ̆ kơkuh kơ rup yang lu sư, kơplah lu kon pơlei Isơrael hlôi jrok trong weh ataih đơ̆ng Inh, lu sư gô pŭ tơdrong yoch kơdih.

Êsêkiên 20:23

Inh đei yơ̆r ti pơkăm pơkă hăm lu sư lăm char glă inh gô pơm kơ lu sư tơklah tơklang tơ jơ̆p lăm lu adrĕch adrung, tơrak 'brak tơ lăm dêh char,

Êsêkiên 20:15

Mă-lei, Inh đei yơ̆r ti pơkăm pơkă hăm lu sư tơ lăm char glă thoi âu Inh ưh kơ chông ba lu sư năm tơ teh mă Inh wă ăn kơ lu sư, teh đak toh păng đak sut, noh teh ư-ang hloh kơ đĭ-đăng lăm char.

Am 8:7

Kră Yang pao anăn sư mă Jakôp ư-ang, na pơkăm pơkă nơ̆r 'nâu: Sĭt inh ưh kơ đei layơ hiơt dôm tơdrong mă lu sư đei pơm!

Hôsia 5:1

“Ơ lu 'bok soi, mơ̆ng bĕ lu tơdrong 'nâu. Ơ bơngai Isơrael, pơgling đon bĕ! Răp mơ̆ng bĕ, ơ bơngai lăm hnam pơtao! Tơdrong sek tơlang âu 'bơm trŏ kơ lu iĕm, yua kơ lu iĕm thoi hơđong hơ'năk lê̆ boih tơ pơlei Mispa; păng thoi hơnhuăl dăng boih tơ kông Tabôr.

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Êsêkiên 44:13

Lu sư ưh kơ gơh năm jê̆ Inh wă pơm 'bok soi 'bơ̆t anăp Inh, lu sư kư̆m ưh kơ gơh năm jê̆ tơmam 'lơ̆ng rơgoh, kư̆m ưh kơ gơh năm jê̆ tơmam mă 'lơ̆ng rơgoh hloh. Mă-lei lu sư gô pŭ tơdrong mơlâu păng lu tơdrong kơnê̆ 'mê̆ krưp mă lu sư hlôi pơm yoch.

Êsêkiên 20:28

Inh chông ba lu sư mơ̆t tơ char mă Inh pơkă ăn kơ lu sư, mă-lei lăp lu sư 'bôh groi kơjung păng lu 'long đei hla rơ̆m, lu sư iŏk tơmam soi pơyơ̆r tơ noh. Lu sư pơyơ̆r tơmam soi noh tơblĕk Inh lu sư pơyơ̆r tơmam soh 'bâu phu păng tơmam soi huch sa tơ noh.

Êsêkiên 20:6

Lăm năr noh Inh yơ̆r ti pơkă hăm lu sư, inh gô chông anhăk lu sư lĕch đơ̆ng char Êyiptơ năm tơ anih mă Inh đei chơchă ăn kơ lu sư bơih, teh đei đak toh păng đak sut lơ, noh teh ư-ang hloh kơ đĭ-đăng char.

Êsai 9:16

Yua kơ thoi noh Kră Yang ưh kơ lăp đon kơ lu tơdăm păng ưh pă mơnat ôh kơ lu bơngai adro po, kon mơti mơtuei lu sư, yua kơ lu sư ưh kơ pơyom kơ Kră Yang 'Bok Kei-Dei păng pơm kơnê̆, 'bơ̆r lu sư pơma kơnê̆ kơtul bơlŭk, mă khan thoi noh ră Kră Yang oei hil pơma kơ lu sư, ti Kră Yang oei yơ̆r tơ kơpal wă pơm kơ lu sư 'mơ̆i!

Êsêkiên 48:11

Teh 'nâu ăn kơ lu 'bok soi klah lê̆, 'lơ̆ng rơgoh ăn kơ lu adrĕch Sađŏk, lu bơngai mă jang tơnăp bơ̆jang kơ Inh, ưh kơ đei tơklah weh đơ̆ng inh thoi lu adrĕch Lêwi đei tơklah, kơplah lu adrĕch adrung Isơrael weh tơklah đơ̆ng inh.

Hôsia 4:9

'Bok soi jing thoi yơ Kon pơlei pơla Inh kư̆m jing thoi noh, Inh gô phak pơbral lu sư, kiơ̆ thoi trong lu sư pơm, păng kư̆m tơwih pơdrâu kơ lu sư thoi tơdrong jang đêl lu sư pơm.