Êsêkiên 44:11 - Sơ̆p Hlabơar Nơ̆r 'Bok Kei-Dei

¹¹ Lu sư gơh bơ̆jang lăm anih hnam akŭm Inh, bơ̆jang wei gak 'măng jang anih hnam akŭm Inh, bơ̆jang lăm hnam akŭm. Lu sư gơh pơlôch tơmam soi 'buh păng lu tơmam soi nai ăn kơ lu kon pơlei; lu sư gô dơ̆ng 'bơ̆t anăp kon pơlei awih awăn kơ lu sư.

Êsêkiên 44:11 Referans Kwoze

Jo 16:9

Gah lu iĕm, Kră Yang 'Bok Kei-Dei Isơrael đei 'măn lê̆ iĕm pha boih đơ̆ng khŭl kon pơlei bơngai Isơrael păng ăn kơ lu iĕm gơh năm jê̆ Sư wă bơ̆jang kơ Sư lăm Bơsŭn Kră Yang, wă kơ iĕm bơ̆jang awih awăn 'bơ̆t anăp kon pơlei, tơdrong noh iĕm lăng iĕ dêh hă?

II Ho 29:34

Mă-lei lu 'bok soi lu sư tŏ sĕt dêh ưh kơ kĕ kơ tam lŏng đĭ akar kon sem tơmam soi 'buh ôh; na đei lu 'nhŏng oh sư bơngai Lêwi hơmet akâu lu sư rơgoh kư̆m wang tơgŭm tơdrong jang noh dĭng truh keh, yua kơ lu bơngai Lêwi đĭ jơhngơ̆m pơyơ̆r akâu lu Sư hloh kơ lu 'bok soi.

Êsêkiên 44:14

Mă-lei Inh gô pơjao kơ lu sư bơ̆jang awih awăn lăm anih hnam akŭm, đĭ-đăng lu tơdrong jang wă kơ bơ̆jang keh păng dôm tơdrong jang athei pơm tơ lăm noh.

Êsêkiên 40:45

Sư khan kơ inh: “Anih mă tơklă gơal âu 'măn lê̆ kơ lu 'bok soi mă wei-lăng hnam akŭm.

II Ho 30:17

Lăm khŭl akŭm đei lu mơ'nah tam mă hơmet akâu kơdih rơgoh, na bơngai Lêwi athei 'bet kon sem tơmam soi pơm giĕng Năm Brih ăn kơ lu sư, wă kơ lu Sư pơyơ̆r rơgoh ăn kơ Kră Yang.

Jo 18:6

'Nâu Inh đei iŏk boih lu 'nhŏng oh ih, adrĕch bơngai Lêwi đơ̆ng lăm khŭl bơngai Isơrael, yua kơ đei pơyơ̆r kơ Kră Yang boih, wă bơ̆jang lăm Bơsŭn Anih Akŭm.

Jo 4:1

Kră Yang khan kơ Môis păng Arôn thoi âu:

Jo 18:2

Chông ba bĕ lu 'nhŏng oh ih hơdai ih mă adrĕch Lêwi, adrĕch 'bă ih, wă kơ lu sư pơgơ̆p hơdai ih păng tơgŭm ih jang; 'bơ̆t kơplah ih păng lu kon drŏ-nglo dơ̆ng 'bơ̆t anăp Bơsŭn Anih Akŭm Roi Tơbăt.

Jo 8:26

Mă-lei kư̆m oei tơgŭm lu 'nhŏng oh lu sư lăm Bơsŭn Anih Akŭm, wă jang wei-lăng dôm lu tơmam mă đei pơjao boih kơ lu sư bơngai Lêwi, mă-lei lu sư ưh pă đei bơ̆jang boih. Ăn kơ ih athei pơm kiơ̆ tơdrong juăt noh kơ bơngai Lêwi kơplah ih pơjao ăn kơ lu sư tơdrong jang.

Êsêkiên 46:24

Sư khan kơ inh: Âu boih hnam gŏ, anih lu bơngai bơ̆jang awih awăn lăm hnam akŭm pai hơtŭk lu tơmam soi đơ̆ng kon pơlei pơyơ̆r.”