Êsêkiên 44:10 - Sơ̆p Hlabơar Nơ̆r 'Bok Kei-Dei

¹⁰ Bĕ gah lu bơngai Lêwi hlôi năm ataih đơ̆ng Inh, achăng Inh kiơ̆ kơkuh kơ rup yang lu sư, kơplah lu kon pơlei Isơrael hlôi jrok trong weh ataih đơ̆ng Inh, lu sư gô pŭ tơdrong yoch kơdih.

Êsêkiên 44:10 Referans Kwoze

Êsêkiên 48:11

Teh 'nâu ăn kơ lu 'bok soi klah lê̆, 'lơ̆ng rơgoh ăn kơ lu adrĕch Sađŏk, lu bơngai mă jang tơnăp bơ̆jang kơ Inh, ưh kơ đei tơklah weh đơ̆ng inh thoi lu adrĕch Lêwi đei tơklah, kơplah lu adrĕch adrung Isơrael weh tơklah đơ̆ng inh.

Êsêkiên 22:26

Lu 'bok soi pơm glăi kơ khôi juăt Inh, pơm 'mê̆-'mach kơ tơmam rơgoh Inh. Lu sư ưh kơ băt lăng ayơ rơgoh, ayơ hmă, ưh kơ băt bơtho tơ'bôh ayơ 'mê̆-'mach, ayơ rơgoh. Lu sư tep măt ưh kơ kiơ̆ lu năr Sa'bat Inh, lei na pơm pơ'mê̆ kơ Inh boih lăm lu sư.

I Tim 5:22

Ih 'nĕ kơ hăt hot pel kơ̆l krao khan kơ đe wă ăn kơ đe wei-lăng bơngai lui. Ih athei gô pơlong lăng sư đunh 'mơ̆i. Dah ih hơloh pel kơ̆l krao khan kơ sư, na sư ưh tam tơchĕng đon hơdrol noh, hli kơ sư pơm yoch ning-mônh, dang lĕ ih athei sư pơm yoch. Ih athei pơm 'lơ̆ng tơpăt ling-lang.

Êsêkiên 44:15

Mă-lei lu 'bok soi adrĕch Lêwi, kon sâu Sađŏk, noh lu bơngai mă wei-lăng lăm anih 'lơ̆ng rơgoh Inh, kơplah kon sâu Isơrael wơ̆l jrok weh ataih đơ̆ng Inh, lu sư boih gô dơ̆ng 'bơ̆t anăp Inh wă pơyơ̆r kơ Inh rơmă păng pham, Kră Yang khan.

Jêphania 3:4

Lu 'bok khan lê̆ adrol tă kơ hơlĕnh pơdăr ngăl; 'bok soi lu sư pơm mơgrĭ kơ anih rơgoh; păng pơm pơhloh kơ tơdrong khôi juăt.

Je 23:11

“Đĭ lu bơngai khan lê̆ adrol hăm đĭ lu 'bok soi tă kơ pơm kơnê̆ dêh, Inh 'bôh boih lu sư pơm kơnê̆ truh tơ lăm hnam Inh hloi.” Noh Kră Yang khan,

Êsai 53:11

Đơ̆ng rŏng kơ bơhngol sư đei tơdrong pơmat-tat. Sư anih 'bôh hơdah. Đơ̆ng tơdrong sư hlôh băt sư gô hiôk. Đĭch đam Inh 'lơ̆ng tơpăt noh, Sư ăn đei lơ bơngai 'lơ̆ng tơpăt đơ̆ng sư pŭ iŏk tơdrong yoch lu sư.

Horiso 38:4

Yua kơ tơdrong kơnê̆ inh, hloh kơ kơ̆l inh, Sư trăp dêh kơ inh, wă pŭ.

Ne 9:34

Lu pơtao nhôn lu kră pơgơ̆r, lu 'bok soi păng lu 'bok nhôn, ưh kơ bơwei khôi juăt Ih, kư̆m ưh kơ wă mơ̆ng nơ̆r Ih tơtă păng tơbăt, Ih phak bơtho lu nhôn.

Jo 18:23

Mă-lei lu bơngai Lêwi boih bơ̆jang lăm Bơsŭn Anih Akŭm noh; dah đei pơm yoch, lu sư pŭ iŏk kơdih; lu sư ưh kơ đei teh jang sa ôh lăm adrĕch khŭl bơngai Isơrael; noh jing tơdrong juăt đei pơkă lăm đĭ chăl, jơhnơr lu sư truh ning-mônh.

Jo 5:31

Klo sư gô huay kơ yoch, gah bơngai drŏ-kăn noh pŭ tơdrong yoch sư kơdih.

Lêwi 19:8

Bu sa tơmam soi thoi noh gô pŭ iŏk tơdrong yoch sư kơdih, yua kơ sư pơm 'mê̆-'mach kơ tơmam rơgoh 'lơ̆ng Kră Yang bơngai noh; đe gô puh tơlĕch đơ̆ng kon pơlei pơla sư.

Bl 4:13

Kain tơl Kră Yang thoi âu: “Tơdrong phak inh trăp dêh, pŭ ưh kơ kĕ.

Êsêkiên 14:11

Thoi noh adrĕch Isơrael huay pă jrok weh ataih đơ̆ng Inh păng huay pă pơm kơnê̆ 'mê̆-'mach kơdih hăm lơ tơdrong glăi nai dơ̆ng, na lu sư jing kon pơlei pơla Inh, păng Inh jing Kră Yang 'Bok Kei-Dei lu sư, Kră Yang Tih Hloh khan thoi noh.’”

Êsêkiên 44:12

Yua kơ lu sư đei tơgŭm kon pơlei bơ̆jang 'bơ̆t anăp rup yang lu sư, pơm ăn kơ lu bơngai Isơrael pơ̆k huŏng pơm yoch, yua kơ tơdrong noh, Inh đei hiŏng ti phak lu sư, athei pŭ iŏk tơdrong yoch lu sư kơdih, Kră Yang khan.

Malachi 2:8

Mă-lei, tơplơ̆ dơ̆ng, lu iĕm rok trong nai, pơm kơ lơ bơngai pơm glăi kơ khôi juăt păng lu iĕm pơm glăi boih kơ nơ̆r Inh pơgơ̆p hăm Lêwi.” Kră Yang Tih Hloh khan thoi noh.

Tơdrông Pơđơk 11:31

Bơngai 'lơ̆ng tơpăt, Kră Yang gô apah bơnê kơpal teh. Pơma kiơ kơ lu bơngai pơm kơnê̆ pơm yoch gô phak ngei.

Hôsia 4:9

'Bok soi jing thoi yơ Kon pơlei pơla Inh kư̆m jing thoi noh, Inh gô phak pơbral lu sư, kiơ̆ thoi trong lu sư pơm, păng kư̆m tơwih pơdrâu kơ lu sư thoi tơdrong jang đêl lu sư pơm.