Êsêkiên 43:3 - Sơ̆p Hlabơar Nơ̆r 'Bok Kei-Dei

³ Tơdrong mă inh 'bôh nhen thoi tơdrong mă tơ'bôh kơ inh kơplah Kră Yang pơrăm pơlei. Noh kư̆m nhen thoi tơdrong tơ'bôh kơ inh 'bơ̆t jih đak krong Kêbar, na inh drap bon tơ teh.

Êsêkiên 43:3 Referans Kwoze

Êsêkiên 9:5

Inh kơtơ̆ng Kră Yang khan kơ lu bơngai nai: “Athei năm kiơ̆ đơ̆ng rŏng bơngai noh, năm pơlôch jơ̆p pơlei, iĕm 'nĕ lăng mơnat.

Êsêkiên 9:1

Inh kơtơ̆ng Kră Yang krao re 'bơ̆t đon inh khan kơ đe: “Năm jê̆ tơ âu bĕ lu iĕm mă wei-lăng pơlei, rim 'nu athei chĕp đao hơlă wă pơrăm đe.”

Êsêkiên 32:18

“Ơ, kon bơngai nhơ̆m hmoi bĕ, kơ lu kon pơlei lơlap lăm char Êyiptơ, puh tơlơ̆ bĕ sư hăm đĭ-đăng lu kon drŏ-kăn adrĕch adrung pơang huŏng tơ ala teh sŭng, hơdai hăm lu bơngai jur tơ hơlŭng jrŭ!

Êsêkiên 3:23

Na inh iung năm tơ teh thŭng dơnă; tơdrong ư-ang rang mơnhal Kră Yang oei tơ noh thoi ư-ang rang mơnhal mă inh đei 'bôh tơ đak krong Kêbar, păng inh kŭp muh măt tơ teh.

Je 1:10

Năr 'nâu Inh pôk ih pơm yŏng kơ đĭ kon pơlei pơla păng đĭ kơ dêh char, ih gơh buch păng hŭt lê̆, dah pơrăm păng pơlôch dah man tơiung păng pơtăm ming.

Êsêkiên 9:3

Na tơdrong rang mơnhal Kră Yang 'Bok Kei-Dei Isơrael tŏk đơ̆ng chêrubim, đơ̆ng anih Sư oei, năm truh 'bơ̆t 'măng hnam akŭm. Na Kră Yang krao bơngai hrŭk ao che 'bui mă bĕng kơdŭng 'long chih đak mơ̆k,

Êsêkiên 8:4

Păng inh 'bôh tơdrong rang mơnhal Kră Yang 'Bok Kei-Dei Isơrael tơ noh thoi inh đei 'bôh tơ anih thŭng dơnă.

Êsêkiên 44:4

Đơ̆ng noh sư chông ba inh mơ̆t 'măng gah yă-nơ̆m tơ cham gah lăm 'bơ̆t anăp hnam akŭm. Inh lăng âu bơih, tơdrong ư-ang rang mơnhal Kră Yang 'bĕnh jơ̆p kơ hnam akŭm Kră Yang; na inh drap kŭp kơ̆l kơkuh.

Êsêkiên 9:10

Gah Inh, măt Inh lăng kư̆m pă mơnat păng Inh kư̆m pă đei lê̆ lu sư oei arih; Inh gô tuh tơ kơ̆l lu sư dôm tơdrong mă lu sư đei pơm.”