Êsêkiên 43:10 - Sơ̆p Hlabơar Nơ̆r 'Bok Kei-Dei

¹⁰ Gah ih, ơ kon bơngai athei roi tơ'bôh kơ adrĕch Isơrael băt kơ hnam akŭm âu, wă kơ lu sư mơlâu kơ tơdrong yoch mă lu sư đei pơm, wă kơ lu sư pơtŏ lăng kiơ̆ kơ tơdrong 'nâu.

Êsêkiên 43:10 Referans Kwoze

Êsêkiên 40:4

Bơngai noh khan kơ inh: Ơ kon bơngai athei lăng mă hơlen, athei mơ̆ng mă nhen tôm tơdrong mă inh gô tơ'bôh ăn kơ ih yua kơ ih năm tơ âu wă kơ lăng dôm tơdrong âu. Thoi noh tôm tơdrong ih 'bôh athei roi ăn kơ adrĕch Isơrael.

Êsêkiên 43:11

Tơdah lu sư mơlâu kơ tôm tơdrong lu sư hlôi pơm, tơ'bôh ăn bĕ kơ lu sư rup đe pơdơ̆ng hnam akŭm âu, trong lu 'măng mơ̆t 'măng lĕch, đĭ-đăng lu rup chhơ̆, đĭ-đăng tôm tơdrong juăt Sư, lu rup sư păng đĭ-đăng khôi juăt ăn kơ sư. Athei chih roi tôm tơdrong 'bơ̆t anăp măt lu sư, đĭ-đăng rup păng đĭ-đăng khôi juăt sư wă kơ lu sư wei răk păng pơm kiơ̆.

Êsêkiên 16:61

Kơplah ih sơng iŏk lu mŏ oh ih, ih gô 'blŏk kơ trong gơlong ih năm păng ih gô mơlâu; Inh gô ăn lu sư jing lu kon drŏ-kăn ih, mă khan lu sư ưh kơ đei lăm tơdrong pơgơ̆p Inh hăm ih.

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Rom 6:21

Tơdrong iĕm pơm yoch sơ̆ ưh kơ đei tơgŭm iĕm minh tơdrong kiơ ôh. Dang ei iĕm băt mơlâu kơ tơdrong yoch iĕm sơ̆ boih; tơdrong bơ̆n pơm yoch bơ̆n gô lôch hiong đĕch.

I Ho 28:19

Đawit pơma khan: “Đĭ-đăng lu 'nâu, inh đei đơ̆ng ti Kră Yang tơhlâu, păng ăn kơ inh hlôh băt đĭ-đăng rim tơdrong wă pơm.”

I Ho 28:11

Đawit pơjao ăn kơ Sôlômôn kon drŏ-nglo sư, hla bơar rup chhơ̆ tơ'bôh anih trong lăm hnam Kră Yang 'Bok Kei-Dei, hnam tah tơmam, anih tơ kơpal, anih lăm hnam Kră Yang 'Bok Kei-Dei păng anih rơgoh hloh.

Le 25:40

Thoi noh ih athei lăng, kư̆ kơ pơm rok hơbŏ thoi đei tơ'bôh kơ ih boih tơ kơpal kông.

Êsêkiên 28:12

“Ơ kon bơngai, nhơ̆m hmoi kơ pơtao Tirơ bĕ khan kơ sư: ‘Kră Yang khan thoi âu: Ih bơngai đei tôm tơdrong gơh hơgei, 'lơ̆ng rŏ.

Êsêkiên 44:5

Kră Yang khan kơ inh: “Ơ kon bơngai athei kơchăm lăng, lăng mă pơnhen; athei pơgling đon mơ̆ng dôm tơdrong Inh bơtho khan kơ ih, gah dôm tơdrong khôi juăt Kră Yang, gah hnam akŭm; athei lăng tơ lu bơngai mơ̆t tơ hnam akŭm păng đĭ-đăng lu bơngai lĕch đơ̆ng anih 'lơ̆ng rơgoh.

Jôsuê 22:28

Păng lu nhôn đei khan: Dah layơ lu sư khan kơ lu bơ̆n, dah kơ adrĕch lu bơ̆n, thoi noh lu bơ̆n gô tơl: Lu iĕm lăng rup chơnang soi âu trŏ chơnang soi Kră Yang, mă 'bok lu bơ̆n đei pơm sơ̆, chơnang soi 'nâu ưh kơ trŏ wă pơyơ̆r tơmam soi 'buh dah pơyơ̆r tơmam soi nai, mă-lei pơm tơdra tơbăt tŏk-bŏk lu nhôn păng lu iĕm!