Êsêkiên 40:5 - Sơ̆p Hlabơar Nơ̆r 'Bok Kei-Dei

⁵ To, đei dur tơ 'nguaih jum dăr kơ anih hnam akŭm. Bơngai noh chĕp 'long pơtŏ kơjung tơdrâu hơgăt minh hơđa. Lăm rim hlok kơjung hloh kơ hlok hmă minh hơđa. Bơngai noh pơtŏ hơ'bơ̆l dur minh hlok, kơjung minh hlok.

Êsêkiên 40:5 Referans Kwoze

Êsêkiên 42:20

Thoi noh sư pơtŏ puăn pah jum dăr kơ cham hnam akŭm tor pơđăm-hrĕng hơgăt, wơ̆l pơđăm-hrĕng hơgăt; tơnăr âu plah sơlam anih 'lơ̆ng rơgoh păng anih hmă.

Êsai 26:1

Lăm năr noh tơ dêh Juđa, đe gô hơri 'bai âu: Lu bơ̆n đei pơlei tih kơjăp! Kră Yang 'Bok Kei-Dei ăn tơdrong dŏng pơklaih Sư pơm thoi dur pơlei kơjăp.

Tơdrông Tơ'bôh 21:12

Pơlei ei đei dur tih kơjung păng đei mơjĭt-'bar tŏ 'măng. Rim kơ 'măng đei minh 'nu linh jang 'lơ̆ng gak; tơ 'măng noh đe chih mơjĭt-'bar khŭl adrĕch adrung lu bơngai Isơrael.

Sa 2:5

Yua kơ Inh, Kră Yang: ‘Inh gô pơm dur pơlei noh hăm ŭnh păng gô đei tơdrong ư-ang tơ lăm sư.’ ”

Êsai 60:18

Lăm dêh char ih gô ưh pă kơtơ̆ng bơih gah tơdrong pơm kơnê̆, mă lăm hơdral teh đak ih kư̆m ưh pă đei pơchah răm dơ̆ng bơih; mă-lei ih gô krao dur ih kơdih noh tơdrong “Dŏng pơklaih” 'măng jang ih kơdih noh tơdrong “Bơnê ư-ang.

Horiso 125:2

Lu kông tăp dăr kơ Jêrusalem thoi yơ. Kră Yang wei tăp dăr kơ kon pơlei pơla Sư thoi noh mơ̆n. Đơ̆ng dang ei dĭng truh tơ ning-mônh khŏm khŏm hloi.

Both 3:11

Gah adrĕch Rêphaim oei đei minh 'nu Ôka arih pơtao char Basan, giơng sư pơm păng mam tor giơng tơsĭn hơgăt, wơ̆l giơng puăn hơgăt. Oei đei tơ Raba pơlei tih kon sâu Ammôn,

Êsêkiên 41:8

Inh 'bôh hnam akŭm đei kơdeng hloh tơ rok tơnăr đei anih tăp dăr, noh hơnă rim anih gah cheng kơdeng hloh pơtŏ đei minh hơgăt, kơjung wă đei tơdrâu hơgăt.

Êsêkiên 43:13

Âu tơdrong pơtŏ chơnang soi, pơtŏ hăm tơlei pơtŏ kơjung minh hơgăt minh hơđa. Hơbong jum dăr kơ jơ̆ng chơnang soi jrŭ minh hơgăt, wơ̆l minh hơgăt, đei gor gơnăp jum dăr minh hơđa. Âu boih gah kơjung chơnang soi.

Êsêkiên 42:15

Đang kơ pơtŏ keh lăm hnam akŭm sư anhăk ba inh lĕch trong 'măng gah hơlĕch tơ cham gah 'nguaih păng pơtŏ jum dăr cham gah 'nguaih kơ hnam akŭm.