Êsêkiên 40:4 - Sơ̆p Hlabơar Nơ̆r 'Bok Kei-Dei

⁴ Bơngai noh khan kơ inh: Ơ kon bơngai athei lăng mă hơlen, athei mơ̆ng mă nhen tôm tơdrong mă inh gô tơ'bôh ăn kơ ih yua kơ ih năm tơ âu wă kơ lăng dôm tơdrong âu. Thoi noh tôm tơdrong ih 'bôh athei roi ăn kơ adrĕch Isơrael.

Êsêkiên 40:4 Referans Kwoze

Êsêkiên 44:5

Kră Yang khan kơ inh: “Ơ kon bơngai athei kơchăm lăng, lăng mă pơnhen; athei pơgling đon mơ̆ng dôm tơdrong Inh bơtho khan kơ ih, gah dôm tơdrong khôi juăt Kră Yang, gah hnam akŭm; athei lăng tơ lu bơngai mơ̆t tơ hnam akŭm păng đĭ-đăng lu bơngai lĕch đơ̆ng anih 'lơ̆ng rơgoh.

Mathiơ 10:27

Thoi noh na tơdrong âu Inh bơtho kơdrô̆ iĕm, thoi lĕ kơ bơtho lăm măng mu ưh kơ đei bu băt, ưh kơ đei bu 'bôh. Mă-lei iĕm gô bơtho tơ hơdah măt 'năr, wă khan iĕm gô bơtho tơ anăp bôl lơ.

Êsêkiên 43:10

Gah ih, ơ kon bơngai athei roi tơ'bôh kơ adrĕch Isơrael băt kơ hnam akŭm âu, wă kơ lu sư mơlâu kơ tơdrong yoch mă lu sư đei pơm, wă kơ lu sư pơtŏ lăng kiơ̆ kơ tơdrong 'nâu.

Je 26:2

Kră Yang khan: “Ih athei dơ̆ng 'bơ̆t cham hnam Kră Yang, roi tơbăt ăn kơ đĭ-đăng bơngai đơ̆ng lu pơlei Juđa năm kơkuh kơ Kră Yang tơ hnam akŭm; roi tôm nơ̆r Inh đei roi tơbăt kơ ih, ih 'nĕ kơ hŭt lê̆ minh nơ̆r ayơ.

Mathiơ 13:9

Bu đei đon athei tơchĕng kơdih bĕ.”

Êsêkiên 3:17

“Ơ kon bơngai, Inh ăn kơ ih jing bơngai wei-lăng lu adrĕch Isơrael; mưh ih kơtơ̆ng nơ̆r Inh khan, ih athei năm roi tơbăt kơ lu sư nơ̆r mă Inh pơkă kơ lu sư athei kơchăng.

Êsêkiên 2:1

Kră Yang khan kơ inh: “Ơ kon bơngai, dơ̆ng bĕ 'bơ̆t jơ̆ng ih, Inh gô khan kơ ih.

Êsai 21:10

Ơ kon pơlei inh, mă đe pơjuă pơđep, tơdrong mă inh đei kơtơ̆ng đơ̆ng Kră Yang Tih Hloh, 'Bok Kei-Dei Isơrael, na inh roi ăn kơ iĕm tơdrong noh.

I Kor 11:23

Tơdrong sa et 'blŏk hơdơ̆r kơ Yêsu 'noh, inh kơtơ̆ng đơ̆ng tơ'ngla Yêsu Krist tơpă păng inh kư̆m roi ăn boih kơ iĕm tơdrong 'noh đơ̆ng sơ̆ thoi âu: Măng đe wă rôp Yêsu sơ̆, tơ'ngla Kră Yang Yêsu Krist iŏk 'bĕng mi,

Both 32:46

na sư khan kơ kon pơlei: Lăm jơhngơ̆m lu iĕm athei wei răk bĕ đĭ dôm nơ̆r inh roi ăn kơ lu iĕm lăm năr 'nâu, wă kơ lu iĕm gơh bơtho ăn kơ lu kon sâu iĕm pơm kiơ̆ dôm nơ̆r lăm khôi juăt noh.

Êsêkiên 2:3

Sư khan: “Ơ kon bơngai Inh wơh ih năm tơ adrĕch adrung Isơrael, truh tơ kon pơlei mă ayăt kơ Inh; lu sư păng lu yă 'bok lu sư pơm yoch ayăt hăm Inh mă truh dang ei;

Êsêkiên 47:6

Bơngai noh sư khan kơ inh: “Ơ, kon bơngai, ih hăm 'bôh ưh? Sư chông ba inh wơ̆t 'bơ̆t đak krong.