Êsêkiên 36:8 - Sơ̆p Hlabơar Nơ̆r 'Bok Kei-Dei

⁸ Na gah ih, ơ kông Isơrael, ih gô bluh dơ̆ng lơ păng đei plei ăn kơ lu kon pơlei Isơrael inh; yua kơ lu sư wă wih brŏk.

Êsêkiên 36:8 Referans Kwoze

Êsai 27:6

Lăm Chăl đơ̆ng âu tơ anăp kơnh đe Jakôp sư gô chăt rơh, Isơrael gô bluh tơ'biĕng păng pơkao, gô đei plei 'bĕnh jơ̆p kơ teh đak.

Hêbrơ 10:37

Yua kơ 'Bok Kei-Dei khan boih kiơ̆ kơ đe chih lăm sơ̆p hla bơar Sư khan sơ̆ thoi âu: “Ưh pă đunh boih tơ'ngla mă wă jur, Sư gô jur tơpă.

Philip 4:5

Iĕm athei iŏk đon dim thoi lu bơngai gơh găt pơm 'lơ̆ng kơ đĭ-đăng bơngai, yua kơ Kră Yang Yêsu Krist wă jê̆ jur boih.

Êsêkiên 17:23

Inh gô pơtăm 'long noh kơpal kông kơjung Isơrael; 'long noh bluh tơ'bla păng đei plei; jing 'long hơngo 'lơ̆ng đĭ-đăng. Lu sem gô pơm tơpu oei tơ noh, đĭ-đăng lu adrĕch đei pơnăr gô kôp tơ yơ̆p tơ'bla 'long noh.

Êsêkiên 12:25

Yua kơ Inh boih Kră Yang, Inh gô pơma păng nơ̆r Inh pơma gô jing, ưh pă gơh lê̆ đunh. Ơ lu adrĕch ayăt 'maih tơblah plơ̆! Noh trŏ kơ năr lu iĕm, Inh khan hăm nơ̆r Inh sư gô pơsĭt, Kră Yang khan thoi noh.’ ”

Êsai 30:23

Kră Yang gô ăn 'mi jur tơ adrĕch iĕm rei tơ mir chŭn, tơmam sŏng sa 'lơ̆ng đei đơ̆ng mir chŭn păng mah rơkah rơkai, lăm năr noh sem dơrong iĕm gô sa 'nhĕt 'lơ̆p bluh đơ̆ng tơmăn glă.

Êsai 4:2

Lăm năr noh tơ'biĕng Kră Yang gô bluh 'lơ̆ng păng trŏ kơ ư-ang, plei đơ̆ng teh gô jing 'lơ̆ng chơt hiôk kơ lu bơngai Isơrael mă oei arih.

Horiso 85:12

Sĭt tơpă, Kră Yang gô ăn pŭn hiôk, Păng teh bơ̆n gô đei plei sa.

Horiso 67:6

Teh pơjing boih kơ lu 'nhot sa hla pơkao. Kră Yang 'Bok Kei-Dei jơ̆ Kră Yang 'Bok Kei-Dei lu nhôn, gô ăn pŭn hiôk kơ lu nhôn.

Êsêkiên 36:7

Na, Kră Yang khan thoi âu: Inh yơ̆r ti pơkă: Lu dêh char jum dăr kơ ih tơpă lu sư gô mơlâu!

Êsai 65:9

Inh gô ăn đei kon sâu lĕch đơ̆ng Jakôp, păng minh 'nu đơ̆ng Juđa gơh đei iŏk lu kông Inh; Lu bơngai mă Inh rơih iŏk gô đei dêh char noh, lu đĭch đam Inh gô oei tơ noh.

Jôel 2:22

Ơ lu kon sem brem lăm bri brah, 'nĕ pă hli, yua kơ 'nhĕt lăm bri noh bluh tơmơ̆ng boih, 'long đei plei, tơm 'long hơra đei plei păng tơm hơmu plei trem ngăl boih.

Jôel 2:24

Dôm lu anih preh 'ba gô 'bĕnh kơ 'ba. Dôm lu kơthŭng gô blai kơ sik hơmu păng 'bĕnh kơ đak rơmă ôliwơ.