Êsêkiên 36:11 - Sơ̆p Hlabơar Nơ̆r 'Bok Kei-Dei

¹¹ Inh gô pơm ăn kon bơngai păng sem dơrong lăm char ih rai lơ păng chek lar. Inh gô ăn kơ ih đei kon pơlei oei thoi adrol sơ̆ păng ăn ih mơdrŏng hloh kơ blŭng-a. Na ih gô băt Inh boih Kră Yang.

Êsêkiên 36:11 Referans Kwoze

Je 33:12

Kră Yang Tih Hloh khan: “Lăm anih juơ 'nâu, ưh kơ đei kon bơngai oei păng kư̆m ưh kơ đei sem bri păng tơ rim pơlei, gô đei tơmăn 'nhĕt ăn kơ lu bơngai wei triu ăn kơ triu sư 'bĭch pơdơh.

Mi 7:14

Iŏk 'long jra 'Bok Kei-Dei mơnat kơ bơngai Isơrael wei bĕ kon triu ih, wă khan khŭl triu sem dơrong ih lu oei minh drô̆ lăm bri kông Katmen; ăn bĕ kơ lu sư sa 'nhĕt lăm char Basan păng Gileat, kư̆m thoi ki sơ̆.

Êsêkiên 37:13

Ơ kon pơlei Inh, lu iĕm gô băt Inh boih Kră Yang, mưh Inh pơih bơsat lu iĕm păng hơtŏk lu iĕm đơ̆ng lăm bơsat.

Je 31:27

Kră Yang khan: “Lăm năr tơ anăp âu kơnh Inh gô rei adrĕch kon bơngai hăm adrĕch sem dơrong lăm char Isơrael păng char Juđa.

Hôsia 2:20

Tơpă Inh gô tơ'bôh kơ ih tơdrong tơpăt sĭt, na ih gô băt kơ Kră Yang.

Êsêkiên 16:55

Mŏ oh ih, Sôđôm hăm lu kon drŏ-kăn sư gô wih hơlơ̆k thoi adrol sơ̆; Samari hăm kon drŏ-kăn sư kư̆m gô wih thoi adrol sơ̆. Ih păng lu kon drŏ-kăn ih kư̆m gô wih hơlơ̆k thoi adrol sơ̆.

Je 30:18

'Nâu Kră Yang khan: “Inh gô iŏk tơwih bơsŭn anih hnam Jakôp đơ̆ng lu sư pơm bơnă, Inh gô mơnat ăn kơ sơnăm dơnŏ lu sư; pơlei tơm tih đe gô pơdơ̆ng tơ đêl teh so sơ̆, hnam pơtao đe gô pơdơ̆ng trŏ 'bơ̆t anih so sơ̆.

Jop 42:12

Thoi noh, Kră Yang tuh tơdrong pŭn hiôk ăn kơ Jop lăm sơnăm rai kră lơ hloh kơplah 'nao iung sơ̆: Sư đei mơjĭt-puăn rơbâu tŏ triu, tơdrâu-rơbâu tŏ aseh lăk-đa, minh-rơbâu hơgrop rơmo păng minh-rơbâu aseh iĕ akăn.

Hêbrơ 11:40

'Bok Kei-Dei wă kơ lu sư gô hơdai bơ̆n dang ei iŏk tơdrong hiôk 'lơ̆ng đêl Sư pơkă, wă khan tơdrong Yêsu Krist jur dŏng pơklaih bơ̆n.

Am 9:15

Inh gô pơtăm lu sư tơ teh đak lu sư kơdih păng ưh pă đei bu buch lu sư dơ̆ng đơ̆ng teh mă inh đei ăn boih kơ lu sư Kră Yang 'Bok Kei-Dei ih khan thoi noh.

Êsêkiên 36:35

Đe gô pơma khan: “Anih teh lê̆ bri âu dang ei jing pơgar Êđen păng lu pơlei mă đĭ pơchah pă đei noh 'nâu đei tơiung pơdơ̆ng ming đei kon pơlei oei!”

Êsai 30:26

Măt khei gô hơdah rang nhen hơdah măt 'năr păng tơdrong hơdah măt 'năr gô hơdah hloh tơpơh wơ̆t, thoi tơdrong hơdah kơ tơpơh năr, lăm năr Kră Yang ming rơka jĭ kon pơlei Sư păng ming hơmet pơklaih đêl rơka Sư teh.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.

Êsêkiên 35:9

Inh gô pơm kơ ih jing hiong hach hlŏng hloi; lu pơlei ih ưh pă đei bơngai oei, na lu iĕm gô băt Inh boih Kră Yang

Êsêkiên 37:6

Inh gô ăn huan, ăn sĕch tơ lu iĕm păng lom akâu iĕm hăm akar. Inh gô ăn hơyuh kial dui jơhngơ̆m tơ lăm iĕm, na lu iĕm gô arih; păng lu iĕm gô băt Inh boih Kră Yang.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Êsêkiên 37:26

Inh gô pơm tơdrong pơgơ̆p hiôk-hian hăm lu sư, noh pơgơ̆p ling-lang lu sư hăm Inh, Inh gô ăn kơ lu sư jing rai lơ. Inh gô 'măn anih rơgoh Inh tơ lăm lu sư ling-lang hlŏng hloi.

Sa 10:8

Inh wă krao pơpôi lu sư, yua kơ Inh huai iŏk lu sư boih; lu sư đei thim rai lơ thoi sơ̆.

Both 30:5

Kră Yang 'Bok Kei-Dei iĕm gô chông ba iĕm brŏk tơ dêh 'bok, 'bă iĕm iŏk boih: Sư gô ăn kơ iĕm chek lar hrôh ngôh mơdrŏng hloh kơ 'bok iĕm.

Je 23:3

“Noh Inh wă akŭm lu triu Inh mă oei arih đơ̆ng jơ̆p kơ dêh char mă Inh đei pơpuh lu sư. Inh gô chông anhăk lu sư mơ̆t tơ lăm tơmăn 'nhĕt lu sư; lu sư gô chek lar rai lơ.

Je 23:4

Inh gô chă lu bơngai wei rong lu sư; lu sư ưh pă hli kơ kiơ dơ̆ng păng ưh kơ đei hiong minh pôm ayơ,” noh Kră Yang khan.

Hôsia 2:1

“Krao bĕ kơ 'nhŏng oh lu iĕm: Ami kon pơlei Inh păng mŏ oh lu iĕm: Ruhama, Inh đei mơnat boih.

Am 9:11

“Lăm năr noh, inh gô tơiung pơdơ̆ng bơsŭn Đawit, mă đêl păk boih păng hơmet ming lu bơlôh hiah sư. Inh gô pơdơ̆ng ming lu đêl pơchah păng man ming thoi sơ̆,

Sa 2:8

Yua kơ Kră Yang Tih Hloh khan: “Đơ̆ng rŏng kơ tơdrong ư-ang; na Sư wơh inh năm blah lu teh đak pơgŏ lu iĕm; yua kơ tơdah bu hơtŭt 'bơm lu iĕm, noh kư̆m thoi hơtŭt 'bơm kơ kon-ngai lăm măt Sư.