Êsêkiên 36:10 - Sơ̆p Hlabơar Nơ̆r 'Bok Kei-Dei

¹⁰ Lăm char ih Inh gô ăn kon pơlei adrĕch adrung Isơrael rai lơ, tơ lu pơlei ih gô đei bơngai oei, lu anih mă đêl pơchah đe gô tơiung hơmet.

Êsêkiên 36:10 Referans Kwoze

Êsêkiên 36:33

Kră Yang khan thoi âu: “Năr mă Inh ôp hơrao rơgoh tơdrong yoch lu iĕm, Inh pơm ăn kơ pơlei lu iĕm gô đei kon pơlei oei păng pơjing ming dơ̆ng lu anih mă đĭ pơchah răm.

Êsêkiên 36:37

Kră Yang khan thoi âu: “Inh kư̆m ăn kơ adrĕch adrung Isơrael chă apinh Inh tơdrong 'nâu, ăn kơ lu sư rai lơ kơdrâ̆m thoi khŭl triu,

Je 33:12

Kră Yang Tih Hloh khan: “Lăm anih juơ 'nâu, ưh kơ đei kon bơngai oei păng kư̆m ưh kơ đei sem bri păng tơ rim pơlei, gô đei tơmăn 'nhĕt ăn kơ lu bơngai wei triu ăn kơ triu sư 'bĭch pơdơh.

Je 30:19

Gô đei nơ̆r hơri bơnê păng chơt hiôk đơ̆ng 'bơ̆r lu sư. Inh gô ăn kơ lu sư rai lơ, ưh pă tŏ sĕt thoi sơ̆. Inh kư̆m ăn kơ đe ư-ang kơ lu sư; ưh pă pơjăm boih.

Êsai 27:6

Lăm Chăl đơ̆ng âu tơ anăp kơnh đe Jakôp sư gô chăt rơh, Isơrael gô bluh tơ'biĕng păng pơkao, gô đei plei 'bĕnh jơ̆p kơ teh đak.

Am 9:14

Inh gô chông lu bơngai Isơrael brŏk đơ̆ng pơm bơnă, lu sư gô pơjing pơdơ̆ng dơ̆ng lu pơlei tih mă đêl đe pơrăm păng oei hloi tơ noh. Lu sư gô choh pơtăm mir hơmu păng huch đak sư, gô choh pơtăm war mir pơgar hla 'nhot, plei 'long păng gô sa plei sư.

Êsai 61:4

Lu sư gô pơdơ̆ng ming đêl lu anih pơchah răm sơ̆. Tơiung dơ̆ng lu anih đĭ juơ so sơ̆. Lu sư gô hơmet tơiung lu pơlei mă pơchah răm, lu anih mă đĭ jing bri juơ đunh jơhnơr bơih.

Êsai 58:12

Lu adrĕch adrung ih gô tơiung hơmet dơ̆ng anih sơ̆ đĭ pơchah tơphĕ. Iĕm gô hơmet dơ̆ng lu hơnă so đơ̆ng lơ kơ jơhnơr adrol sơ̆. Đe gô jô̆ pôk iĕm bơngai hơmet ming dur pơlei mă đĭ păk pơchah hơmet ming trong pơlei ăn kơ lu kon pơlei oei.

Êsai 52:9

Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Je 31:24

Lăm char Juđa păng đĭ-đăng lu pơlei lu sư oei hơdai tơ noh, lu bơngai bơ̆jang mir 'ba hăm lu bơngai wei triu.

Êsêkiên 37:11

Kră Yang khan kơ inh: “Ơ kon bơngai, lu kơting âu boih đĭ kơ adrĕch Isơrael. To, lu sư khan: ‘Kơting lu bơ̆n kro boih, tơdrong hơmĕng lu bơ̆n hiong đĭ boih, lu bơ̆n lôch răm đĭ boih!’

Êsêkiên 37:21

păng khan bĕ kơ lu sư: Kră Yang khan thoi âu: Inh gô chông ba adrĕch adrung Isơrael đơ̆ng lu char mă lu sư oei, Inh gô akŭm lu sư đơ̆ng jơ̆p kơ dêh char chông ba lu sư wih brŏk tơ char lu sư kơdih.

Êsêkiên 37:22

Inh gô akŭm lu sư jing minh adrĕch adrung lăm char noh, tơ kơpal groi kông Isơrael. Lu sư đei minh 'nu pơtao pơgơ̆r đĕch. Lu sư ưh pă đei 'bar adrĕch adrung păng ưh pă klah 'bar tŏ dêh char pơtao dơ̆ng.

Êsêkiên 37:26

Inh gô pơm tơdrong pơgơ̆p hiôk-hian hăm lu sư, noh pơgơ̆p ling-lang lu sư hăm Inh, Inh gô ăn kơ lu sư jing rai lơ. Inh gô 'măn anih rơgoh Inh tơ lăm lu sư ling-lang hlŏng hloi.

Êsêkiên 39:25

Na, Kră Yang khan thoi âu: Âu Inh gô ăn kơ lu adrĕch Jakôp wih brŏk; hiôk-hian păng 'mêm mơnat kơ đĭ-đăng lu adrĕch Isơrael, păng gô gar anăn 'lơ̆ng rơgoh Inh.