Êsêkiên 34:8 - Sơ̆p Hlabơar Nơ̆r 'Bok Kei-Dei

⁸ Kră Yang khan: Thoi Inh mă arih, yua kơ ưh kơ đei bơngai wei, triu Inh jing tơmam tơgar iŏk, jing tơmam sa kơ lu sem bri brah; lu bơngai wei ưh kơ chơchă triu Inh, lu sư hăt wei kơdih akâu ưh kơ wei khŭl triu Inh.

Êsêkiên 34:8 Referans Kwoze

II Pet 2:13

'Bok Kei-Dei wă phak lu sư tơpă, yua kơ lu sư pơm kơnê̆ dang ei. Lu sư lăp đon kơ tơdrong ngôi kư̆ kă kơ'năr kư̆m bưh ưh kơ băt mơlâu kơ đe. Năr iĕm sŏng sa tih, lu sư kư̆m năm sŏng sa hơdai iĕm. Mă-lei lu sư sa dư dêh, wă kơ mă hrăp kơ hơlŏng klak kơdih, ưh kơ băt kơ mơlâu kơ bôl buăl. Lu sư pơm tơdrong noh kơplah iĕm akŭm băl tơdrong 'lơ̆ng, thoi lĕ kơ ao 'nao mă sư mơgrĭ.

Ju 1:12

Kơplah iĕm sŏng sa tih, iĕm sa hơpong wă tơbăt kơ đe tơdrong iĕm 'mêm băl, lu sư kư̆m sŏng sa hơdai iĕm mơ̆n, mă-lei lu sư sa dư dêh wă kơ mă hrăp kơ hơlŏng klak lu sư kơdih, ưh kơ băt mơlâu kơ bôl buăl. Lu sư pơm tơdrong noh kơplah iĕm akŭm băl tơdrong 'lơ̆ng, thoi lĕ kơ ao 'nao, mă sư mơgrĭ. Lu sư jing bơngai ưh kơ yua, thoi hơmơ̆l păr tơ rơwơ̆ng ưh kơ đei 'mi, kial thu jơ̆p-jang; kư̆m thoi 'long ưh kơ plei, trŏ bơyan plei mă sư jing thoi 'long lôch, jing tơbuch đĭ rơh sư hloi.

I Kor 9:15

Mă-lei gah inh đơ̆ng sơ̆ ưh kơ ăn iĕm 'me inh ôh. Mă inh chih kơ iĕm kơthơ âu ưh kơ sĭ inh wă iĕm 'me inh ôh. Inh lôch kơ rơwĕt kư̆m bưh, inh ưh kơ layơ wă kơ đe 'me inh. Inh pôm wă kơ đe băt kơ inh gơh jang sa 'me akâu kơdih khŏm khŏm đĕch.

Jang 20:33

Inh ưh kơ 'nhĕng jên đe dah hơbĕn ao đe ôh.

Êsêkiên 34:31

Lu sư triu Inh, triu oei lăm anih 'nhĕt Inh; lu iĕm jing kon bơngai Inh păng inh boih Kră Yang 'Bok Kei-Dei lu iĕm, Kră Yang khan thoi noh.

Êsêkiên 34:18

Lu iĕm sa 'nhĕt hơdrih 'lơ̆ng, ưh tam mah ôh hă? Na iĕm iŏk jơ̆ng pơjuă lê̆ 'nhĕt mă oei oei noh; iĕm nhă đak hlăng boih na iŏk jơ̆ng jur pơpŭk lê̆ gơsŏk đĭ lu đak mă oei oei noh.

Êsêkiên 34:10

Kră Yang khan thoi âu: Inh wă blah lu bơngai wei triu. Inh gô dui iŏk triu Inh đơ̆ng ti lu sư; Inh ưh pă ăn kơ lu sư wei triu Inh dơ̆ng păng lu sư ưh pă gơh 'me rong kơdih dơ̆ng; Inh dŏng iŏk triu Inh đơ̆ng lăm 'bơ̆r lu sư, wă kơ triu Inh ưh pă pơm tơmam sa kơ lu sư dơ̆ng.

Jang 20:29

Inh băt đơ̆ng rŏng kơ inh tơklah đơ̆ng lu iĕm, lu bơngai kơnê̆ pă jor wă năm tơ iĕm, wă pơhlŭ lu bơngai lui achăng lê̆ Kră Yang Yêsu. Lu sư thoi lĕ kŏ-so wă rôp sa triu.

Êsêkiên 34:7

Thoi noh ơ lu bơngai wei triu, mơ̆ng bĕ nơ̆r Kră Yang:

Êsêkiên 34:9

Na, ơ lu bơngai wei, mơ̆ng bĕ nơ̆r Kră Yang!

Êsêkiên 36:4

na, ơ lu kông groi Isơrael, mơ̆ng bĕ nơ̆r Kră Yang mơsêh mơyang: Kră Yang khan thoi âu kơ lu kông groi, lu thŭng thong păng teh dơnă, lu glung, lu anih pơchah pơchek, lu pơlei đĭ răm mă đĭ đe tơgar iŏk đe pơjăm đơ̆ng lu dêh char mă oei oei jum dăr kơ char ih noh.

Sa 10:2

Yua kơ lu rup man chă pơma pơhlŭ lu pơjâu 'bôh hơlĕnh đĕch; lu sư roi tơdrong lu sư hơpo hơlĕnh, sư pơlung ngôi đĕch ưh kơ đei yua kiơ. Thoi noh na kon pơlei tơklah tơklang thoi triu, đe pơmat lu sư yua kơ ưh pă đei bơngai wei.