Êsêkiên 34:6 - Sơ̆p Hlabơar Nơ̆r 'Bok Kei-Dei

⁶ Lu triu Inh tơklah jơ̆p kơ kông kŏ păng groi kơjung. Lu triu Inh tơklah tơklang jơ̆p-jang kơ lăm teh đak, ưh kơ đei bu 'moi ưh kơ đei bu chơchă.

Êsêkiên 34:6 Referans Kwoze

I Pet 2:25

Sơ̆ bơ̆n thoi triu jrok trong hiong tơ bri brah, mă-lei dang ei bơ̆n băt kơ trong brŏk tơ Yêsu Krist tơ'ngla wei bơ̆n.

Horiso 142:4

Ih lăng gah 'ma kơ inh 'bôh ưh kơ đei bu băt 'blŏk kơ inh; Inh kư̆m pă đei anih ayơ wă ôn kơ'nơp. Ưh kơ đei bu hiơ̆k tơdrong arih inh.

Yo 10:16

Inh đei mơ̆n triu khŭl nai, mă-lei ưh kơ trŏ khŭl Juđê âu ôh. Na Inh athei iŏk triu khŭl nai ei. Lu triu ei gô lui kơ Inh păng băt kơ 'bơ̆r Inh pơma mơ̆n. Na triu ei păng triu tơpôl âu lu sư gô jing minh tơpôl lơ kiơ̆ minh 'nu Inh wei-lăng.

Êsêkiên 7:16

Dôm lu bơngai ayơ klaih oei arih gô oei tơ kơpal kông nhơ̆m hmoi thoi sem kơtơp lăm pŭng-lŭng, đĭ-đăng lu sư nhơ̆m hmoi yua kơ tơdrong yoch kơdih.

Je 13:16

Ư-ang bĕ kơ Kră Yang 'Bok Kei-Dei iĕm, adrol kơ Sư wă ăn măng mu truh, adrol kơ jơ̆ng lu iĕm kơtơih 'bơm kông măng mu gueo. Kơplah lu iĕm chă hơdah ră, Sư tơplih tă tơ măng mu, Sư gô ăn kơ măng mu jing măng klăm hơ'bơ̆l gueo.

Je 5:1

“Kơdâu chă lăng bĕ jơ̆p kơ trong lăm pơlei tih Jêrusalem Athei chă lăng păng răk lăm đon, Chă lăng tơ jơ̆p anih đe juăt adrŭm. Chă lăng hăm đei minh 'nu bơngai pơm 'lơ̆ng tơpăt, 'maih chă tơdrong 'lơ̆ng, wă kơ Inh mơnat ăn kơ pơlei tih Jêrusalem?

Je 50:6

Kon pơlei Inh thoi khŭl triu lôch hiong boih; Lu bơngai wei triu ba lu sư wơ̆l jrok, Achăng lê̆ lu sư jrok kơpal kông, lu sư chă sa đơ̆ng kông păng tơ groi, Pă băt boih trong wih tơ hơdrong kơdih.

Êsêkiên 34:7

Thoi noh ơ lu bơngai wei triu, mơ̆ng bĕ nơ̆r Kră Yang:

Hôsia 7:13

Răm-'băm dêh kơ lu sư yua kơ lu sư tơklah ataih đơ̆ng Inh; Inh gô pơrăm lu sư yua kơ lu sư pơm yoch boih hăm Inh. Mă khan Inh wă dêh ră pơklaih lu sư, mă-lei lu sư pơma hơlĕnh kơ Inh.

Jôel 3:2

Inh gô akŭm đĭ-đăng lu bơngai đơ̆ng jơ̆p kơ dêh char păng ba lu sư năm jur tơ lăm thŭng Jêhôsaphat. Tơ noh, Inh gô sek tơlang lu sư, gah lu kon pơlei pơla Inh, lu bơngai Isơrael bơih jing tơmam Inh, yua kơ lu sư pơpuh lu kon pơlei pơla Inh tơ jơ̆p-jang kơ dêh char păng pĕng iŏk teh đak Inh,

Horiso 119:176

Inh wơ̆l jrok thoi triu hiong; apinh chơchă inh đĭch đam Ih. Yua kơ inh ưh kơ hiơt nơ̆r Ih tơtă.

Êsai 51:18

Lăm đĭ-đăng lu kon drŏ-nglo mă Jêrusalem pơjing, ưh kơ đei minh 'nu bu mă gơh wei sư. Lăm đĭ-đăng lu kon drŏ-nglo mă Jêrusalem wei rong, ưh kơ đei minh 'nu bu mă rôp ti dui sư.

Je 10:21

Lu bơngai yŏng kơhlôh. Ưh kơ đei apinh Kră Yang ôh na lu sư răm đĭ, Na kon pơlei lu sư tơklah tơklang.