Êsêkiên 34:18 - Sơ̆p Hlabơar Nơ̆r 'Bok Kei-Dei

¹⁸ Lu iĕm sa 'nhĕt hơdrih 'lơ̆ng, ưh tam mah ôh hă? Na iĕm iŏk jơ̆ng pơjuă lê̆ 'nhĕt mă oei oei noh; iĕm nhă đak hlăng boih na iŏk jơ̆ng jur pơpŭk lê̆ gơsŏk đĭ lu đak mă oei oei noh.

Êsêkiên 34:18 Referans Kwoze

Luka 11:52

“Ơ lu thây bơtho đe Juđê, ning-mônh iĕm pơmat-tat dêh, yua kơ dang ei iĕm ưh kơ wă ăn kơ đe băt tơdrong 'Bok Kei-Dei mă 'blep. Iĕm dang lĕ đei khuă gơh mơ̆t tơ hnam 'Bok Kei-Dei pơhrăm tơdrong Sư, mă-lei iĕm ưh kơ wă pơih 'măng mơ̆t kơdih păng kư̆m kuă ăn đe mơ̆t mơ̆n.”

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Êsai 7:13

Na Êsai khan: “Ơ hnam Đawit mơ̆ng bĕ! Lu iĕm khan pơm pơơh kơ đe noh jơ̆ tơdrong iĕ đĕch, na lu iĕm kư̆m 'maih pơm kơ Kră Yang 'Bok Kei-Dei inh ơh dơ̆ng mơ̆n hă?

II Sam 7:19

Kơkuh kơ Ih ơ Kră Yang inh, mă khan tơdrong noh Ih lăng tơdrong iĕ đĕch, păng Ih đei bơtho inh mă đĭch đam Ih kơ dêh char pơtao inh đơ̆ng âu tơ anăp păng ơ Kră Yang inh Ih oei wă ăn kơ inh 'bôh jơhnơr tơ anăp âu kơnh?

Jo 16:13

Tơdrong 'nâu iĕ đĕch hă? Ih chông anhăk nhôn lĕch đơ̆ng dêh char đak toh đak sut đei tơmam sa rơkah rơkai, wă pơlôch lu nhôn tơ lăm char glă, mă ih kư̆m oei 'maih pơm yŏng pơjuă kơ̆l nhôn dơ̆ng hă?

Jo 16:9

Gah lu iĕm, Kră Yang 'Bok Kei-Dei Isơrael đei 'măn lê̆ iĕm pha boih đơ̆ng khŭl kon pơlei bơngai Isơrael păng ăn kơ lu iĕm gơh năm jê̆ Sư wă bơ̆jang kơ Sư lăm Bơsŭn Kră Yang, wă kơ iĕm bơ̆jang awih awăn 'bơ̆t anăp kon pơlei, tơdrong noh iĕm lăng iĕ dêh hă?

Mi 2:2

Lu sư 'ngeng kơ mir chŭn na tơgar iŏk. 'Ngeng kơ hnam đe păng tơgar iŏk hloi mŭk tơmam sư.

Êsêkiên 32:2

“Ơ kon bơngai, athei nhơ̆m hmoi kơ Pharaôn pơtao Êyiptơ, khan bĕ kơ sư: ‘Ih nhen thoi dăm-brang lăm lu dêh char, ih kư̆m thoi sem brem kơnê̆ lăm đak dơsĭ, pơm kơ lu đak glung tơprah, ih wơ̆r đak hăm jơ̆ng, pơm kơ lu đak glung jing gơsŏk.

Êsêkiên 16:47

Ih ưh kơ năm kiơ̆ trong lu sư ôh hă? Ưh kơ pơm dôm lu tơdrong kơnê̆ 'mê̆ krưp lei-lăi kơ lu sư ôh hă? Mă-lei ih pơm rai kơnê̆ hloh kơ lu sư lăm dôm trong ih năm bơih.

Êsêkiên 16:20

Ih kư̆m rôp lu kon drŏ-nglo kon drŏ-kăn ih, mă ih tơpŭ kơ Inh, năm pơyơ̆r ăn kơ lu rup yang noh sa. Dôm tơdrong pơm pơyô kư̆ kă bơih, noh ưh tam mă tôm mă

Bl 30:15

Lêa tơl: Tơgar iŏk klo inh 'nâu tơdrong iĕ đĕch hă? Na e 'maih iŏk plei 'long hơra bri đơ̆ng kon inh dơ̆ng? Rachel khan thoi âu: Kư̆m bưh, klo ba gô oei hơdai hăm mŏ kơnh, tơplih ăn kơ inh plei 'long mă kon ih đei noh.

Tơdrông Pơđơk 25:26

Bơngai tơpăt huŏng lăm bơngai pơm kơnê̆ pơhlŭ. Thoi đak sơlŭng gơsŏk đĭ, thoi đak mơlĕch mơgrĭ boih.

Êsêkiên 34:19

Lu triu Inh sa săi 'nhĕt mă đêl lu iĕm pơjuă păng nhă nhăi đak gơsŏk mă lu iĕm pơpŭk hă?

Êsai 32:6

Na lu bơngai kơwao sư pơma lu nơ̆r kơtul kơwao; jơhngơ̆m đon sư pơm tơdrong yoch, 'maih pơm lu tơdrong kơnê̆, pơma tơdrong glăi gah Kră Yang, pơm kơ bơngai pơngot klak hoh, ưh kơ ăn đak nhă kơ lu bơngai rơhing.