Êsêkiên 34:10 - Sơ̆p Hlabơar Nơ̆r 'Bok Kei-Dei

¹⁰ Kră Yang khan thoi âu: Inh wă blah lu bơngai wei triu. Inh gô dui iŏk triu Inh đơ̆ng ti lu sư; Inh ưh pă ăn kơ lu sư wei triu Inh dơ̆ng păng lu sư ưh pă gơh 'me rong kơdih dơ̆ng; Inh dŏng iŏk triu Inh đơ̆ng lăm 'bơ̆r lu sư, wă kơ triu Inh ưh pă pơm tơmam sa kơ lu sư dơ̆ng.

Êsêkiên 34:10 Referans Kwoze

Sa 10:3

“Tơdrong blĕk Inh iung hil kơ lu bơngai wei, Inh gô phak lu bơbe tơno; yua kơ Kră Yang Tih Hloh gô năm lăng khŭl triu Sư, wă khan hnam Juđa; păng pơjing lu sư pran thoi aseh tơblah đe ang.

Êsêkiên 34:2

Ơ kon bơngai, khan lê̆ adrol wă blah plơ̆ lu bơngai wei triu, lu bơngai wei rong Isơrael; khan lê̆ adrol pơma kơ lu sư, athei khan lê̆ kơ bơngai wei triu: Kră Yang khan thoi âu: Răm-'băm tơpă, ơ lu bơngai wei rong Isơrael, lăp hiơ̆k kơ wei rong kơdih akâu đĕch, hăm trŏ kơ lu bơngai wei triu noh wei rong khŭl triu dah kiơ?

Êsêkiên 13:8

Thoi noh na Kră Yang Tih Hloh khan: Yua kơ lu iĕm pơma hơlĕnh, 'bôh tơdrong ưh kơ trŏ, âu Inh blah plơ̆ lu iĕm, Kră Yang Tih Hloh khan thoi noh.

Je 21:13

Kră Yang khan: “'Nâu Inh wă blah lu iĕm, ơ pơlei tih Jêrusalem, oei kơpal tơmo tih dơnă lăm anih groi kông, lăng tơ bơngai oei lăm thŭng, Lu iĕm khan, ‘Bơngai bu gơh năm blah bơ̆n? Bơngai bu kĕ mơ̆t lăm anih kơjăp bơ̆n kơ'nơp?’ ”

Hêbrơ 13:17

Iĕm athei yom kơ bơngai mă pơgơ̆r iĕm, yua kơ sư adrin wei-lăng tơdrong lui iĕm, dang lĕ kơ wei-lăng bơhngol iĕm. Tơ̆ng sư wei-lăng ưh kơ 'blep, 'Bok Kei-Dei kư̆m chrih kơ sư mơ̆n. Iĕm athei yom kơ sư na sư jang hiôk kơ jơhngơ̆m huay kơ sơ'ngon. Tơ̆ng sư sơ'ngon, noh ưh kơ pơyua iĕm boih.

Na 2:13

Kră Yang khan: 'Nâu, Inh tơblah hăm ih. Inh gô soh lu gre aseh ih lăm ŭnh. Đao gưm gô luăn sa kon dăm-brang ih; Inh gô pơlôch lê̆ dôm kon sem ih châu sa đơ̆ng teh âu; păng lu bơngai ih wơh nơ̆r ih ưh pă kơtơ̆ng boih.

Êsêkiên 34:8

Kră Yang khan: Thoi Inh mă arih, yua kơ ưh kơ đei bơngai wei, triu Inh jing tơmam tơgar iŏk, jing tơmam sa kơ lu sem bri brah; lu bơngai wei ưh kơ chơchă triu Inh, lu sư hăt wei kơdih akâu ưh kơ wei khŭl triu Inh.

Êsêkiên 3:18

Layơ mă Inh khan kơ bơngai pơm kơnê̆! ‘Sĭt ih gô lôch,’ mă-lei ih ưh kơ khan tơbăt kơ sư păng ưh kơ pơma khă sư athei hŭt lê̆ tơdrong kơnê̆ wă kơ sư gơh arih, bơngai pơm kơnê̆ noh gô lôch lăm tơdrong yoch sư. Mă-lei Inh gô tơpŭ pham sư lăm tơpang ti ih.

Horiso 23:5

Kră Yang hơmet ăn kơ inh gơ'bang sŏng sa. 'Bơ̆t anăp lu bơngai ayăt kơ inh; Kră Yang tuh đak rơmă tơ kơ̆l inh, kơchŏk inh 'bĕnh blai.

I Pet 3:12

Yua kơ 'Bok Kei-Dei wei-lăng lu bơngai 'lơ̆ng ling-lang, păng mơ̆ng tơdrong lu sư krao khan; gah lu bơngai pơm kơnê̆, 'Bok Kei-Dei hil dêh.”

Êsêkiên 35:3

Păng khan kơ lu sư: Kră Yang khan thoi âu: Ơ Kông Seir, inh blah Ih! Inh gô yơ̆r ti blah ih, gô pơm kơ anih ih juơ rơhiăng pă đei.

Êsêkiên 34:22

Na Inh gô pơklaih khŭl triu Inh lu sư ưh pơm tơmam sa kơ lu bơngai tơtông tơgar iŏk dơ̆ng păng Inh gô sek tơlang kơ triu hăm triu.

Êsêkiên 21:3

Khan bĕ kơ teh đak Isơrael: Kră Yang khan thoi âu: Âu, Inh năm wă phak lu iĕm. Inh gô toh đao Inh đơ̆ng hơnglop, pơrăm lu bơngai tơpăt păng lu bơngai kơnê̆ đơ̆ng lăm lu iĕm.

Êsêkiên 5:8

Na, Kră Yang Tih Hloh khan: “Âu, Inh kơdih akâu Inh blah ih păng Inh gô phak ih 'bơ̆t anăp lu dêh char.

Êsêkiên 3:20

Tơpă, dah minh 'nu bơngai tơpăt lê̆ tơdrong tơpăt sư na pơm yoch, Inh gô ăn đei tơdrong pơgăn 'bơ̆t anăp sư păng sư gô lôch yua kơ pơm yoch, mă-lei yua kơ ih ưh kơ khan khă bơngai noh, thoi noh sư gô lôch lăm tơdrong yoch sư, Inh ưh pă 'blŏk dôm tơdrong tơpăt mă sư đei pơm, mă-lei pham sư oei jô̆ lăm ti ih.

Je 50:31

Kră Yang Tih Hloh khan: “Ơ dêh char pơang, 'nâu inh hil blah ih! Năr ih truh boih, Năr jơ Inh wă phak pơmat ih truh boih.

Je 39:6

Pơtao Babilôn pơlôch lu kon drŏ-nglo Sêđekia lăm pơlei Riblah, tơm măt Sêđekia; pơtao Babilôn kư̆m pơlôch đĭ-đăng lu yŏng kơdră adrĕch Juđa kiơ̆ kơ pơtao athei.

Êsêkiên 13:23

yua kơ tơdrong noh, lu iĕm gô ưh pă đei 'bôh tơdrong tơ'bôh hơlĕnh, păng ưh pă tơwir dơ̆ng. Inh gô pơklaih kon pơlei Inh rơngei đơ̆ng ti lu iĕm, na lu iĕm gô băt Inh boih Kră Yang.’ ”

Êsêkiên 34:9

Na, ơ lu bơngai wei, mơ̆ng bĕ nơ̆r Kră Yang!