Êsêkiên 33:8 - Sơ̆p Hlabơar Nơ̆r 'Bok Kei-Dei

⁸ Mưh Inh khan kơ lu bơngai yoch, Ơ bơngai yoch, tơpă iĕm gô lôch mă-lei ih ưh kơ khă ôh lu bơngai yoch athei achăng lê̆ trong sư, sư gô lôch lăm tơdrong yoch sư; mă-lei Inh gô tơpŭ kơ ih pham sư.

Êsêkiên 33:8 Referans Kwoze

Êsêkiên 33:6

Tơdah bơngai gak 'bôh đao hơlă truh blah mă ưh kơ hlôm keng, kon pơlei ưh kơ băt kơchăng, na đao hơlă noh blah đei minh 'nu bơngai lôch yua kơ tơdrong yoch sư kơdih, mă-lei Inh gô tơpŭ pham noh tơ tơpang ti bơngai gak.

Êsêkiên 33:14

Kŭm thoi noh mơ̆n tơdah Inh khan kơ bơngai pơm yoch, Tơpă ih gô lôch mă-lei tơdah sư achăng lê̆ tơdrong yoch na pơm tơdrong tơpăt pơm 'lơ̆ng;

Êsêkiên 18:4

Yua kơ đĭ-đăng tơdrong arih lăm Inh, tơdrong arih 'bă kư̆m thoi tơdrong arih kon oei lăm Inh ngăl na Bơngai bu pơm yoch gô lôch.

Êsêkiên 18:20

Bơngai bu pơm yoch bơngai noh kơdih sư gô lôch, kon sư ưh kơ đei pŭ tơdrong yoch 'bă sư păng 'bă sư kư̆m ưh kơ đei pŭ tơdrong yoch kơnê̆ kon sư. Tơdrong tơpăt lu bơngai 'lơ̆ng tơpăt gô 'măn kơ lu bơngai tơpăt, tơdrong kơnê̆ lu bơngai pơm kơnê̆ gô tơpŭ tơ lu bơngai pơm kơnê̆ noh.

Êsêkiên 18:18

Mă-lei 'bă sư pơm yoch pơjuă đe, tơtông tơmam lu 'nhŏng oh sư, pơm ưh kơ 'lơ̆ng lăm pơlei sư, sư gô lôch yua kơ tơdrong yoch kơnê̆ mă sư đei pơm.

Êsai 3:11

Răm-'băm dêh kơ lu bơngai pơm kơnê̆, sư gô đei tơdrong pơmat-tat! Lu sư gô pŭ iŏk đêl ti lu sư pơm!

Tơdrông Pơđơk 11:21

Ăn kơ ih băt, lu bơngai kơnê̆ ưh kơ lê̆ jor ôh kơ phak; Mă-lei adrĕch lu bơngai 'lơ̆ng tơpăt gô klaih.

Bl 3:4

'Bih khan kơ bơngai drŏ-kăn dơ̆ng: “Măr iĕm huay kơ lôch;

Bôk Bơthô 8:13

Lu bơngai kơnê̆, ưh kơ đei pŭn hiôk ôh; kư̆m ưh kơ arih sot mơ̆n, yua kơ chăl arih lu sư nhen thoi yơ̆p, thoi ngôi 'bônh kơ păr hiong; yua kơ lu sư ưh kơ hli yom kơ Kră Yang 'Bok Kei-Dei.

Jo 27:3

'Bă lu nhôn lôch boih tơ lăm char glă; sư ưh kơ kiơ̆ ôh lu tơpôl akŭm wă blah Kră Yang, wă khan lu khŭl Kôrê, mă-lei sư lôch yua kơ tơdrong yoch sư kơdih; păng sư ưh kơ đei kon drŏ-nglo ôh.

Bl 2:17

Mă-lei gah tơnơm 'long băt tơdrong 'lơ̆ng păng tơdrong kơnê̆, ih 'nĕ kơ sa hŏ; dah ih sa sĭt ih gô lôch.”

Êsêkiên 3:18

Layơ mă Inh khan kơ bơngai pơm kơnê̆! ‘Sĭt ih gô lôch,’ mă-lei ih ưh kơ khan tơbăt kơ sư păng ưh kơ pơma khă sư athei hŭt lê̆ tơdrong kơnê̆ wă kơ sư gơh arih, bơngai pơm kơnê̆ noh gô lôch lăm tơdrong yoch sư. Mă-lei Inh gô tơpŭ pham sư lăm tơpang ti ih.