Êsêkiên 33:7 - Sơ̆p Hlabơar Nơ̆r 'Bok Kei-Dei

⁷ Gah ih, ơ kon bơngai, Inh wơh ih jing bơngai gak lu bơngai Isơrael; tơdah ih kơtơ̆ng mơ̆ng bĕ nơ̆r Inh. Na athei lu sư kơchăng.

Êsêkiên 33:7 Referans Kwoze

Je 26:2

Kră Yang khan: “Ih athei dơ̆ng 'bơ̆t cham hnam Kră Yang, roi tơbăt ăn kơ đĭ-đăng bơngai đơ̆ng lu pơlei Juđa năm kơkuh kơ Kră Yang tơ hnam akŭm; roi tôm nơ̆r Inh đei roi tơbăt kơ ih, ih 'nĕ kơ hŭt lê̆ minh nơ̆r ayơ.

Jang 5:20

“Năm tơ hnam akŭm 'Bok Kei-Dei tơm bĕ, bơtho kơ kon pơlei pơla gah tơdrong iĕm arih 'nao.”

Hêbrơ 13:17

Iĕm athei yom kơ bơngai mă pơgơ̆r iĕm, yua kơ sư adrin wei-lăng tơdrong lui iĕm, dang lĕ kơ wei-lăng bơhngol iĕm. Tơ̆ng sư wei-lăng ưh kơ 'blep, 'Bok Kei-Dei kư̆m chrih kơ sư mơ̆n. Iĕm athei yom kơ sư na sư jang hiôk kơ jơhngơ̆m huay kơ sơ'ngon. Tơ̆ng sư sơ'ngon, noh ưh kơ pơyua iĕm boih.

Je 1:17

Gah ih, tơ̆n bĕ tơlei tơ̆n, iung bĕ păng khan tơbăt ăn kơ lu sư dôm tơdrong mă Inh đei tơbăt ăn kơ ih boih. 'Nĕ kơ hli kơ lu sư, kơnh hli kơ Inh pơm kơ ih hli 'bơ̆t anăp lu sư.

Êsai 62:6

Ơ pơlei Jêrusalem, Inh 'măn bơih bơngai gak tơ kơpal dur ih, kơ năr kơmăng lu sư ưh kơ đei oei hreh, ơ lu iĕm bơngai mă tơ'blŏk kơ Kră Yang, 'nĕ ăn kơ Sư pơdơh.

Hơri Hiôk 5:7

Lu bơngai gak dăr pơlei tơ'bơ̆p inh; Lu sư teh inh, mah rơka, Lu bơngai gak dur iŏk lê̆ hơdrao inh gom.

Êphêsô 4:11

Na jô̆ gah tơdrong Sư asong kơ lu bơngai mă Sư 'mêm, Sư asong ăn tơdrong jang Sư, mơ'nah pơm jơ̆ng 'bang Sư, mơ'nah chă pơtruh nơ̆r Sư, mơ'nah pơm 'bok bơtho năm chă bơtho đe, mơ'nah pơm 'bok bơtho wei-lăng lu bơngai lui kơtă pơlei.

I Kor 15:3

Inh bơtho kơ iĕm sơ̆ tơdrong mă kăl dêh đêl Kră Yang Yêsu Krist ăn kơ inh, khan 'Bok Krist lôch yua kơ tơdrong yoch bơ̆n 'blep thoi đe chih khan lê̆ hơdrol boih lăm sơ̆p hla bơar 'Bok Kei-Dei.

I Kor 11:23

Tơdrong sa et 'blŏk hơdơ̆r kơ Yêsu 'noh, inh kơtơ̆ng đơ̆ng tơ'ngla Yêsu Krist tơpă păng inh kư̆m roi ăn boih kơ iĕm tơdrong 'noh đơ̆ng sơ̆ thoi âu: Măng đe wă rôp Yêsu sơ̆, tơ'ngla Kră Yang Yêsu Krist iŏk 'bĕng mi,

Jang 20:20

Iĕm kư̆m băt mơ̆n inh bơtho ăn kơ iĕm tôm tơdrong wă tơgŭm iĕm. Inh ưh kơ hli bơtho dôm tơdrong 'Bok Kei-Dei 'bơ̆t anăp đe akŭm lơ, dah inh bơtho tơ rim hnam dơnŏ lu iĕm.

Mi 7:4

Bơngai pơm 'lơ̆ng hloh lăm lu sư thoi jơla bơmrôm, lu bơngai tơpăt hloh kư̆m kơnê̆ hloh kơ dur jơla. Tơdrong lu bơngai gak ih roi năr phak ih truh boih, dang ei tơdrong hơwơ̆l hơwang lu sư truh boih.

Je 31:6

Gô đei năr lu bơngai gak tơ kơpal kông Êphraim ôr krao: Iung bĕ bơ̆n tŏk tơ kông Siôn, năm kơkuh kơ Kră Yang, 'Bok Kei-Dei lu bơ̆n!’ ”

Je 23:28

Bơngai khan lê̆ adrol ayơ đei apo 'bôh, roi bĕ tơdrong sư apo, na bơngai bu mă đei iŏk boih nơ̆r đơ̆ng Inh ră roi bĕ mă tơpăt!” Kră Yang khan: Hơnong 'ba hăm gơh yua tơplih kơ găr 'ba?

Je 6:27

“Inh ăn kơ ih jing bơngai 'buh pơlong mam. Ih pơlong lăng kon pơlei Inh, wă kơ ih băt kơnăl, lăng hơlen trong lu sư.

Hơri Hiôk 3:3

Lu linh gak 'bôh inh, lu sư oei yak dăr tăp pơlei ei, lei inh apinh hloi, lu iĕm hăm 'bôh, Bơngai mă inh hơyuh ưh?

II Ho 19:10

Tơdah đei lu 'nhŏng oh kon pơlei pơla đơ̆ng lăm pơlei nai năm tơkan tơ iĕm đei tơdrong truh, pơlôch bơngai dah pơm glăi kơ khôi juăt, nơ̆r tơtă, tơdrong juăt, nơ̆r tơbăt lu iĕm athei bơtho khan kơ lu sư 'nĕ kơ pơm yoch hăm Kră Yang, kơnh Kră Yang hil mĭl phak lu iĕm păng lu 'nhŏng oh iĕm: Pơm thoi ei na lu iĕm huay kơ đei yoch.”

I Pot 22:14

Mă-lei Mikai khan: “Sĭt tơpă Kră Yang mă arih, inh gơh pơma tơdrong kiơ mă Sư athei inh pơma.”

Êsai 21:11

Nơ̆r Khan lê̆ adrol gah plei Đuma. Đei bơngai krao inh đơ̆ng kông Sêir khan: “Ơ bơngai gak, măng oei đunh ưh? Ơ bơngai gak măng oei đunh ưh?”

Habakuk 2:1

Inh gô dơ̆ng 'bơ̆t anih gak, 'bŭ jơ̆ng inh lăm kơđông kơjăp, răp lăng Kră Yang Sư pơma khan kơ inh tơdrong kiơ păng inh wă drơ̆ng Sư thoi yơ kơ tơdrong inh apinh Sư noh.