Êsêkiên 33:6 - Sơ̆p Hlabơar Nơ̆r 'Bok Kei-Dei

⁶ Tơdah bơngai gak 'bôh đao hơlă truh blah mă ưh kơ hlôm keng, kon pơlei ưh kơ băt kơchăng, na đao hơlă noh blah đei minh 'nu bơngai lôch yua kơ tơdrong yoch sư kơdih, mă-lei Inh gô tơpŭ pham noh tơ tơpang ti bơngai gak.

Êsêkiên 33:6 Referans Kwoze

II Sam 4:11

Pơma kơ kiơ kơ lu bơngai pơm kơnê̆ pơlôch bơngai 'lơ̆ng oei 'bĭch tep kơpal giơng lăm hnam sư kơdih! Inh wă apinh pham bơngai noh đơ̆ng ti măr iĕm păng inh gô pơlôch măr iĕm dang ei đơ̆ng teh âu.”

Bl 42:22

Rubên tơl; Hăm trŏ kơ inh khan kơ lu đe oh khan: 'Nĕ kơ pơm yoch kơ bơngai 'lơ̆p noh? Mă-lei lu iĕm ưh kơ mơ̆ng, 'nâu dang tơiung pham sư tuh kơ lu bơ̆n.

Êsêkiên 18:20

Bơngai bu pơm yoch bơngai noh kơdih sư gô lôch, kon sư ưh kơ đei pŭ tơdrong yoch 'bă sư păng 'bă sư kư̆m ưh kơ đei pŭ tơdrong yoch kơnê̆ kon sư. Tơdrong tơpăt lu bơngai 'lơ̆ng tơpăt gô 'măn kơ lu bơngai tơpăt, tơdrong kơnê̆ lu bơngai pơm kơnê̆ gô tơpŭ tơ lu bơngai pơm kơnê̆ noh.

Bl 9:5

Sĭt tơpă, tơdah kon bơngai dah sem brem pơlôch iĕm, inh ưh kơ ăn kơ sư oei arih ôh.

Êsêkiên 34:10

Kră Yang khan thoi âu: Inh wă blah lu bơngai wei triu. Inh gô dui iŏk triu Inh đơ̆ng ti lu sư; Inh ưh pă ăn kơ lu sư wei triu Inh dơ̆ng păng lu sư ưh pă gơh 'me rong kơdih dơ̆ng; Inh dŏng iŏk triu Inh đơ̆ng lăm 'bơ̆r lu sư, wă kơ triu Inh ưh pă pơm tơmam sa kơ lu sư dơ̆ng.

Êsêkiên 18:24

Mă-lei tơdah bơngai tơpăt hŭt lê̆ tơdrong tơpăt sư, na sư pơm yoch kơnê̆ krưp thoi lu bơngai kơnê̆ đei pơm, Sư hăm arih ưh? Dôm tơdrong tơpăt ayơ mă sư pơm boih Inh ưh pă 'blŏk dơ̆ng, sư gô lôch yua kơ tơdrong yoch kơnê̆ mă sư đei pơm.

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Jang 18:6

Na lu bơngai Juđê areh kơ Pôl păng che bơle kơ sư. Na Pôl sơpuih 'bruih tơ ao sư kơdih păng khan: “Dah 'Bok Kei-Dei phak iĕm ning-mônh măk ai iĕm boih hŏ, yua kơ iĕm ưh kơ lui kơ Yêsu. Đơ̆ng âu tơ anăp inh năm bơtho lu bơngai nai đĕch boih, inh pă wă boih bơtho khŭl Juđê bơ̆n pơlei âu.”

Je 14:15

Thoi noh Kră Yang khan: “Gah lu bơngai mă khan lê̆ adrol hơlĕnh, lu sư yua anăn Inh na khan lê̆ adrol Inh ưh kơ đei wơh, mă-lei lu sư khan. ‘Đao gưm hăm pơngot rơwĕt ưh kơ truh tơ dêh char âu ôh.’ Lu bơngai khan lê̆ adrol noh boih gô lôch kơ đao gưm păng pơngot rơwĕt.