Êsêkiên 33:4 - Sơ̆p Hlabơar Nơ̆r 'Bok Kei-Dei

⁴ na dah bu kơtơ̆ng re keng mă-lei ưh kơ kơchăng lê̆ kơ lu đao hơlă pơlôch sư lei, pham sư gô tuh tơ kơpal kơ̆l sư,

Êsêkiên 33:4 Referans Kwoze

Êsêkiên 18:13

ăn tŏk iŏk sa lơi adrol păng iŏk lơi lơ, kon sư noh hăm gơh arih ưh? Sư ưh kơ đei arih ôh! Yua kơ sư hlôi pơm yoch dôm tơdrong kơnê̆, tơpă sư gô lôch păng pham sư gô tuh kơ kơ̆l sư.

Jang 18:6

Na lu bơngai Juđê areh kơ Pôl păng che bơle kơ sư. Na Pôl sơpuih 'bruih tơ ao sư kơdih păng khan: “Dah 'Bok Kei-Dei phak iĕm ning-mônh măk ai iĕm boih hŏ, yua kơ iĕm ưh kơ lui kơ Yêsu. Đơ̆ng âu tơ anăp inh năm bơtho lu bơngai nai đĕch boih, inh pă wă boih bơtho khŭl Juđê bơ̆n pơlei âu.”

Êsêkiên 33:9

Tơdah ih đei khă lu bơngai pơm yoch wă kơ sư achăng lê̆ trong sư, mă-lei sư ưh kơ lê̆ trong kơnê̆ sư, na sư lôch yua kơ tơdrong yoch sư, lei ih arih huay kơ pŭ yoch ôh.

Je 6:17

Inh 'măn boih lu bơngai gak wei-lăng tăp dăr kơ iĕm păng khan; ‘Pơgling đon lu iĕm mơ̆ng bĕ keng re.’ Mă-lei lu sư khan: “Lu nhôn ưh kơ wă mơ̆ng ôh.”

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

Êsêkiên 33:5

Yua kơ sư kơtơ̆ng boih keng re, mă ưh kơ kơchăng, pham sư gô tuh tơ kơdih sư, mă-lei tơdah sư kơchăng, sư gô pơklaih tơdrong arih sư.

Ya 1:22

Păng bơ̆n 'nĕ kơ mơ̆ng lăm đon đĕch, khan 'Bok Kei-Dei kư̆m iŏk. Ưh ôh, bơ̆n mơ̆ng păng pơm kiơ̆ hloi dôm tơdrong đe bơtho, noh na 'Bok Kei-Dei iŏk.

Jang 20:26

Na inh wă khan tơpă kơ lu iĕm dang ei: Tơdah 'Bok Kei-Dei phak iĕm ning-mônh, măk ai lu iĕm hŏ, yua kơ inh ưh kơ hli na bơtho iĕm tôm tơdrong 'Bok Kei-Dei.

Tơdrông Pơđơk 29:1

Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

I Pot 2:37

Yua kơ năr ayơ ih lĕch đơ̆ng noh tŏk hlôi kơ thong đak Sêdrôn ih gô lôch: Pham ih gô tuh plơ̆ tơ kơpal kơ̆l ih.”

II Sam 1:16

Đawit khan: “Pham ih tuh plơ̆ kơpal kơ̆l ih! Nơ̆r ih roi kơdih tơdrong noh, yua kơ ih khan: ‘Kơdih inh pơlôch bơngai mă Kră Yang rơih.’ ”

Lêwi 20:9

Tơdah bơngai bu blei hiap mĕ dah 'bă sư đe gô pơlôch. Sư hiap boih mĕ 'bă sư na pham sư gô tuh tơ sư kơdih.

Je 25:3

“Đơ̆ng sơnăm mă mơjĭt-pêng lăm chăl Jôsia, kon drŏ-nglo Ammôn, pơtao đe Juđa dĭng truh dang ei đei 'bar-jĭt pêng sơnăm, nơ̆r Kră Yang pơma hăm inh. Đơ̆ng năr noh, inh iung đơ̆ng hrôih ling-lang roi tơbăt kơ iĕm, mă-lei iĕm ưh kơ wă mơ̆ng.