Êsêkiên 33:21 - Sơ̆p Hlabơar Nơ̆r 'Bok Kei-Dei

²¹ Lăm năr pơđăm khei mơjĭt, sơnăm mơjĭt-'bar đơ̆ng rŏng kơ lu nhôn jing bơnă đe, đei minh 'nu bơngai klaih đơ̆ng pơlei Jêrusalem năm tơbăt kơ inh: “Pơlei Jêrusalem đe iŏk boih.”

Êsêkiên 33:21 Referans Kwoze

Êsêkiên 1:2

Năr pơđăm khei noh lăm sơnăm mă pơđăm, đơ̆ng năr pơtao Jêhôiachin đe rôp.

Êsêkiên 40:1

Lăm sơnăm mă 'bar-jĭt pơđăm đơ̆ng rŏng kơ lu nhôn pơm bơnă, sơnăm blŭng-a, năr mơjĭt lăm khei, noh trŏ mơjĭt-puăn sơnăm đơ̆ng rŏng kơ pơlei Jêrusalem đe blah iŏk, Lăm năr noh ti Kră Yang chro kơpal inh păng Kră Yang chông ba inh năm tơ noh.

Êsêkiên 32:1

Sơnăm mơjĭt-'bar, năr minh khei mơjĭt-'bar, Kră Yang khan kơ inh:

II Pot 25:10

Đĭ-đăng khŭl linh đe Kalđê chu nơ̆r 'bok tih linh, lu sư teh pơchah dur war tăp Pơlei Jêrusalem.

II Pot 25:4

Kơplah noh, lu linh đe Kalđê bŏk dur pơlei minh pôm bơlôh kơplah kơmăng, pơtao Juđa păng đĭ-đăng lu linh kơdâu klĕnh trong 'măng jang sơlam 'bar pah dur, jê̆ pơgar pơtao. Mă khan kơplah noh lu linh đe Kalđê oei wang pơlei ră, na lu đe pơtao kơdâu klĕnh trong tơpăt tơklă Araba.

Je 40:1

Nơ̆r Kră Yang khan kơ Jêrêmi, đơ̆ng rŏng kơ Nebusaradan yŏng lu linh gak pơtao tơlĕch sư tơ pơlei Rama; kơplah noh, Jêrêmi đe oei chô̆ sư păng glang hơdai hăm lu kon pơlei đơ̆ng Jêrusalem păng char Juđa, rok trong đe chông ba năm tơ char Babilôn.

Êsêkiên 24:1

Lăm sơnăm tăl mă tơsĭn, 'năr mơjĭt khei mơjĭt, đei nơ̆r Kră Yang khan kơ inh:

Êsêkiên 24:2

“Ơ kon bơngai, chih bĕ năr âu, yua kơ trŏ kơ năr âu, pơtao Babilôn wang pơlei Jêrusalem.

Êsêkiên 31:1

Lăm sơnăm mă mơjĭt-mônh, khei pêng, năr mă mônh, Kră Yang khan kơ inh thoi âu:

Êsêkiên 32:17

Lăm sơnăm mă mơjĭt-'bar, khei mônh năr mơjĭt Kră Yang khan kơ inh: