Êsêkiên 33:15 - Sơ̆p Hlabơar Nơ̆r 'Bok Kei-Dei

¹⁵ tơdah bơngai pơm yoch noh pơdrâu tơmam đêl pơkăm đơ̆ng tŏk iŏk păng pơdrâu tơmam đêl sư tơtông, arih sa kiơ̆ trong juăt arih 'lơ̆ng, ưh pă pơm tơdrong kơnê̆, tơpă sư gô arih, sư ưh pă lôch dơ̆ng.

Êsêkiên 33:15 Referans Kwoze

Êsêkiên 20:11

Inh ăn kơ lu sư khôi juăt Inh păng tơ'bôh ăn kơ lu sư nơ̆r Inh tơtă, wă kơ bơngai bu kiơ̆ gô đei tơdrong arih.

Luka 19:8

Na Sachê iung khan kơ Kră Yang Yêsu: “Ơ 'Bok, dôm mŭk tơmam inh âu, inh wă asong kơ lu bơngai dơnuh hin minh puăt. Păng lu bơngai mă inh pơgŏ iŏk jên, tơmam sư, inh gô tơwih ăn kơ sư lơ hloh kơ đêl inh iŏk, puăn hơtăl.”

Êsêkiên 18:7

Ưh kơ pơjuă pơđep bu, pơdrâu tơmam kơ lu bơngai đêl iŏk hre, ưh kơ tơtông tơmam đe, ăn 'bĕng sa kơ lu bơngai pơngot, ăn ao hrŭk kơ lu bơngai koh hoh.

Horiso 119:93

Inh ưh kơ đei layơ hiơt kơ nơ̆r Ih bơtho tơtă. Yua kơ đơ̆ng lu tơdrong noh na Ih ăn kơ inh đei arih.

Lêwi 18:5

Thoi noh lu iĕm athei wei răk tơdrong juăt Inh păng nơ̆r Inh tơtă, bu mă pơm kiơ̆ tơdrong noh, sư gô arih, Inh boih Kră Yang.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Am 2:8

Lu sư 'bĭch jê̆ tơ chơnang soi, kơpal ao tai đe iŏk boih wă pơm tơmam pơkơ̆ng păng iŏk huch sa sik đêl đe duh tơ hnam yang sư.

Êsêkiên 20:21

Mă-lei lu kon sâu lu sư blah Inh; ưh kơ chu kiơ̆ khôi juăt Inh, ưh kơ wei răk nơ̆r Inh tơtă lu tơdrong mă tơdah bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh. Thoi noh Inh khan bơih gô tuh tơdrong hil mĭl Inh tơ lu sư păng tơdrong blĕk Inh phak lu sư lăm char glă.

Êsêkiên 20:13

Mă-lei adrĕch Isơrael blah inh lăm char glă. Lu sư ưh kơ pơm kiơ̆ khôi juăt Inh, sơngah kơ nơ̆r inh tơtă, noh tơdrong mă bơngai bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh dơ̆ng. Inh khan wă tuh tơdrong Inh hil mĭl tơ lu sư lăm char glă.

Êsêkiên 18:16

Ưh kơ pơjuă pơđep đe, ưh kơ pơdrâu tơmam đe đêl hre păng ưh kơ tơtông tơmam đe, ăn tơmam sa kơ lu bơngai pơngot, ăn ao hrŭk kơ lu bơngai koh hoh;

Êsêkiên 18:12

pơjuă pơđep bơngai dơnuh hin tơtông tơmam đe păng ưh kơ pơdrâu đêl tơmam đe, lăng tơ rup yang, pơm dôm tơdrong yoch kơnê̆ krưp,

Jop 24:9

Lu bơngai pơm kơnê̆ tơgar iŏk kon mơti kơ 'bă oei mŏm; Rôp pơkơ̆ng kon hơ'lơ̆p lu bơngai dơnuh hin;

Jop 24:3

Tơgar iŏk aseh iĕ lu bơngai mơti 'bă, Rôp pơkơ̆ng iŏk rơmo lu yă adro po.

Jop 22:6

Yua kơ ih pơgŏ ra đơ̆ng 'nhŏng oh ih tơmam pơkơ̆ng tơdrong kơ đei. Plôh iŏk hơbĕn ao lê̆ sư akâu hoh,

Both 24:17

'Nĕ kơ pơm ưh kơ tơpăt hơnơ̆ng kơ lu bơngai tơmoi dah lu bơngai mơti; kư̆m 'nĕ kơ iŏk ao tai lu yă adro pơm tơmam pơkơ̆ng.

Both 24:6

'Nĕ kơ chĕp pơkơ̆ng tơpăl tơmo păng hơnơ̆l kơpơ̆ng dah ala pơm tơmam pơdơ̆ng pơkă; yua kơ noh thoi chĕp pơkơ̆ng tơdrong arih sa bơngai nai.

Horiso 119:59

Inh tơchĕng kơ trong inh, inh gơwĕch jơ̆ng inh gah tơdrong juăt Ih.

Horiso 143:8

Pơgê hrôih, apinh Ih ăn kơ inh kơtơ̆ng nơ̆r Ih 'mêm mơnat. Yua kơ inh gơnang kơ Ih. Apinh Ih bơtho ăn kơ inh trong wă yak kiơ̆. Yua kơ inh hơtŏk bơhngol inh tơ Ih.

Le 21:34

tơ'ngla sơlŭng gô duh jên ăn kơ tơ'ngla rơmo, mă-lei sem dơrong mă lôch 'noh ăn kơ tơ'ngla sơlŭng.