Êsêkiên 33:12 - Sơ̆p Hlabơar Nơ̆r 'Bok Kei-Dei

¹² Gah ih, ơ kon bơngai, khan bĕ kơ pơlei pơla ih, Tơdrong tơpăt lu bơngai tơpăt ưh kơ gơh pơklaih sư ôh lăm năr sư pơm yoch; tơdrong kơnê̆ lu bơngai pơm yoch ưh kơ gơh tơpơ̆k sư lăm năr sư weh achăng đơ̆ng tơdrong yoch sư. Bơngai tơpăt ưh kơ đei arih yua đơ̆ng tơdrong tơpăt sư lăm năr sư pơm yoch,

Êsêkiên 33:12 Referans Kwoze

II Ho 7:14

Tơdah kon pơlei pơla Inh, đe krao lu sư kon Inh, drap bon kơkuh, krao khan, chơchă Inh păng tơbral achăng lê̆ trong kơnê̆ lei Inh oei kơpal plĕnh ti gô mơ̆ng, mơnat ăn huay pă jô̆ yoch lu sư păng ăn teh lu sư thoi đêl.

Rom 3:25

'Bok Kei-Dei Sư sek tơlang kiơ̆ tơdrong tơpăt ngăl, na lu bơngai yoch Sư wă phak tơpă. Mă-lei Sư oei 'mêm kơ kon bơngai, na ăn Kon pôm Sư Yêsu lôch tang kon bơngai tơ 'long pơglang, wă huai iŏk lu bơngai yoch, wă kơ lu bơngai yoch noh lui kơ Kon Sư, gơnang kơ Kon Sư, na 'Bok Kei-Dei jô̆ lu sư jing bơngai 'lơ̆ng rơgoh, Sư huay pă jô̆ yo boih. Kơplah Yêsu tam mă lôch tang sơ̆, đei mơ̆n lu bơngai lui kơ 'Bok Kei-Dei, gơnang kơ 'Bok Kei-Dei, mă-lei Sư huay kơ jô̆ yo ôh dôm tơdrong yoch lu sư, yua kơ Sư wă ăn Yêsu lôch tang lu sư ning-mônh. Tơdrong Sư ăn Kon Sư Yêsu lôch tang kon bơngai noh, Sư wă kơ kon bơngai băt kơ Sư sek tơlang kon bơngai tơpăt.

I Yo 2:1

Ơ lu kon hơ'lơ̆p, dang ei inh đei chih ăn kơ iĕm kơthơ âu wă kơ iĕm huay pă pơm yoch. Mă-lei bơngai bu yoch, sư đei minh 'nu Bơngai pơma kơ 'Bă bơ̆n 'Bok Kei-Dei wă dŏng bơ̆n. Bơngai 'noh anăn Sư Yêsu Krist mă 'lơ̆ng tơpăt.

Êsêkiên 33:2

Ơ kon bơngai, pơma bĕ kơ lu kon pơlei ih khan kơ lu sư: Mưh Inh ăn đao hơlă truh tơblah minh tŏ char na lu kon pơlei lăm char noh rôp minh 'nu bơngai lăm lu sư, pôk ăn kơ sư jing minh 'nu bơngai gak;

Êsêkiên 18:21

Tơdah lu bơngai pơm kơnê̆ băt tơbral đĭ-đăng tơdrong yoch sư hlôi pơm, na wei răk dôm khôi juăt Inh păng pơm tơdrong 'lơ̆ng tơpăt, tơpă sư gô đei tơdrong arih, ưh kơ lôch ôh.

Êsêkiên 3:18

Layơ mă Inh khan kơ bơngai pơm kơnê̆! ‘Sĭt ih gô lôch,’ mă-lei ih ưh kơ khan tơbăt kơ sư păng ưh kơ pơma khă sư athei hŭt lê̆ tơdrong kơnê̆ wă kơ sư gơh arih, bơngai pơm kơnê̆ noh gô lôch lăm tơdrong yoch sư. Mă-lei Inh gô tơpŭ pham sư lăm tơpang ti ih.

Êsêkiên 33:20

Lu iĕm khan: ‘Trong Kră Yang ưh kơ tơpăt!’ Ơ adrĕch Isơrael, Inh gô sek tơlang lu iĕm rim 'nu kiơ̆ kơ trong lu sư kơdih.”

Je 18:8

Mă-lei tơdah adrĕch adrung mă Inh roi noh achăng lê̆ tơdrong yoch lu sư kơdih, lei Inh gô tơplih đon Inh mă wă pơrăm lu sư noh.

Je 18:10

Tơdah adrĕch adrung noh pơm yoch ưh kơ wă mơ̆ng nơ̆r Inh, na Inh kư̆m tơplih tơdrong Inh pơkă khan wă tuh ăn pŭn hiôk kơ lu sư noh.