Êsêkiên 32:4 - Sơ̆p Hlabơar Nơ̆r 'Bok Kei-Dei

⁴ Inh gô klơ̆m hŭt ih tơ teh păng hŭt lê̆ ih tơ bri na Inh gô ăn kơ lu sem păr kôp tơ ih păng lu sem bri gô sa ih phĭ hrăp.

Êsêkiên 32:4 Referans Kwoze

Êsai 18:6

Đe gô tŭk lê̆ lu sư ăn kơ sem păr tơ lăm kông sa, păng ăn kơ sem bri tơ ala teh sa, lu sem păr gô sa lu sư lăm bơyan phang păng lu sem bri brah gô sa lăm bơyan tơngiĕt.

Êsêkiên 29:5

Inh gô klơ̆m hŭt lê̆ ih tơ char glă, Ih hăm lu ka lăm đak glung ih. Ih gô pơ̆k tơ lăm bri; pă đei bu iŏk păng ưh kơ đei bu dônh 'bŭ. Inh gô ăn ih jing tơmam sa ăn kơ sem bri ala teh păng lu sem păr tơ plĕnh.

Jôel 3:19

Dêh Êyiptơ gô jing bri juơ, Eđôm kư̆m gô jing bri rơwơ̆ng, yua kơ lu sư pơm kơnê̆ kơ lu kon sâu Juđa, păng đei pơlôch tơlĕch pham lu bơngai tơpăt lăm teh đak Juđa.

Je 25:33

Lăm năr noh akâu atâu bơngai mă Kră Yang pơlôch 'bĕnh-'bang jơ̆p kơ teh đơ̆ng gah âu truh tơ gah to, ưh kơ đei bu hmoi, ưh kơ đei bu 'bŭ hơmet, gô pơm mơ̆r kơ teh!

Je 8:2

Đe gô sơ̆k kơting noh tơ tŏ măt 'năr măt khei păng lu sơnglŏng đơ̆ng plĕnh ti, noh tơmam mă lu sư 'mêm kơeng, chơchă kơkuh awih awăn, kiơ̆. Lu kơting noh đe ưh pă đei dônh pơpôi, ưh pă 'bŭ dơ̆ng; gô jing thoi mơ̆r kơpal teh.

Êsai 66:24

Wă lu sư lĕch năm 'bôh akâu lu bơngai mă ayăt hăm Inh lôch; yua kơ hrai sa lu sư ưh kơ đei layơ lôch, ŭnh sa lu sư kư̆m ưh kơ đei layơ păt, lu sư gô jing tơdrong krưp kơnê̆ pơm ăn kơ rim kon bơngai.”

Êsai 14:19

Mă-lei đe klơ̆m lê̆ ih tơ 'nguaih kơ bơsat ih, thoi dơng 'long bŭk đơ̆ng đe chre tŭk lê̆ đơ̆ng tơm, akâu ih klơ̆p 'bĕnh kơ bơngai lôch, đe 'bet hăm đao gưm đe tơlơ̆ lăm sơlŭng tơmo jrŭ, thoi akâu bơngai lôch đe juă gơhlơ̆r tơ ala jơ̆ng!

Horiso 74:14

Kră Yang Ih pơjuă pơhĕch lê̆ kơ̆l Lêwiathan; Pơm kơ sư jing tơmam sa kơ lu bơngai mă oei tơ char 'blach.

Horiso 63:10

Lu sư noh gô jao kơ đe koh sư hăm đao gưm wă pơm 'nhĕm ăn kơ kŏ bri sa.

Êsêkiên 35:8

Lu kông iĕm gô 'bĕnh kơ akâu bơngai lôch; tơ kơpal groi lăm thŭng lăm thong đak tă đei akâu bơngai lôch kơ đao.