Êsêkiên 31:7 - Sơ̆p Hlabơar Nơ̆r 'Bok Kei-Dei

⁷ Sư jing 'lơ̆ng rŏ yua kơ tơm sư tih kơjung; păng rơh sư sôr jrŭ lăm đak.

Êsêkiên 31:7 Referans Kwoze

Êsêkiên 31:6

Lu adrĕch sem păr tơ plĕnh pơm tơpu tơ tơ'bla sư; lu sem bri tuh tơ ala yơ̆p sư păng đĭ-đăng lu adrĕch adrung tih kon bơngai oei lăm yơ̆p sư.

Êsêkiên 31:8

Lu 'long hơngo lăm pơgar Kră Yang 'Bok Kei-Dei ưh kơ gơh pơting hăm sư mă 'long hơngo hla iĕ nai kư̆m ưh kơ dang sư, ưh kơ đei 'long ayơ lăm pơgar Kră Yang 'Bok Kei-Dei 'lơ̆ng rŏ hơtŏ hăm sư.

Da 4:12

Hla sư 'lơ̆ng plei sư trem, đĭ-đăng kon sem gơh sa plei sư, lu sem bri ngôi tơ ala yơ̆p sư, lu sem păr kôp tơ dơng sư păng lu kon bơngai sĕch akar oei arih đơ̆ng sư.