Êsêkiên 31:3 - Sơ̆p Hlabơar Nơ̆r 'Bok Kei-Dei

³ To, char Asiri thoi 'long hơngo lăm kông Liban, dơng tơ'bla hla hơdrih, yơ̆p să thoi bri, tơm tih kơjung, păng kơnhŏng sư kơjung truh tơ hơmơ̆l.

Êsêkiên 31:3 Referans Kwoze

Da 4:10

'Nâu mă dôm tơdrong inh đei 'bôh tơ lăm kơ̆l inh kơplah inh oei 'bĭch kơpal giơng. Inh pơglăn lăng na 'nâu, tơ lăm teh âu đei tơm 'long tih hlĭch tơpă.

Êsêkiên 17:22

'Nâu nơ̆r Kră Yang Tih Hloh khan: Inh gô iŏk kơnhŏng tơmơ̆ng 'long hơngo gô pơtăm sư. Inh gô gơ̆ iŏk tơmơ̆ng păng Inh gô pơtăm 'long noh kơpal kông kơjung.

Lu 9:15

'Long jơla tơl: Dah jơhngơ̆m iĕm wă tơpă na lu iĕm tuh đak pơgang 'bâu phu kơ inh pơk inh pơm pơtao pơgơ̆r iĕm, năm kơ'nơp bĕ ala yơ̆p inh; dah ưh, ŭnh đơ̆ng 'long jơla lĕch soh sa đĭ 'long hơngo char Liban!

Sa 11:2

Ơ 'long hơngo krao ôr bĕ! Yua kơ tơm 'long dơnơ̆ng păk boih, dôm lu tơnơm 'long 'lơ̆ng pơrăm đĭ boih. Ơ tơm 'long kôih tơ Basan, ôr krao bĕ, yua kơ lu bri kơdrơ̆ng kăl đĭ boih.

Jêphania 2:13

Đơ̆ng noh Kră Yang gô yơ̆r ti Sư tơ gah yă-nơ̆m, gô pơlôch pơrăm char Asiri, pơm ăn kơ pơlei Niniwe jing juơ, jing hrĕng kro thoi char 'blach.

Da 4:12

Hla sư 'lơ̆ng plei sư trem, đĭ-đăng kon sem gơh sa plei sư, lu sem bri ngôi tơ ala yơ̆p sư, lu sem păr kôp tơ dơng sư păng lu kon bơngai sĕch akar oei arih đơ̆ng sư.

Êsêkiên 31:16

Inh ăn kơ lu adrĕch adrung hli tơrơ kơplah kơtơ̆ng tơdrong sư pơchah răm 'bơ̆t Inh tơhuŏng sư tơ anih lôch, hơdai hăm đĭ-đăng lu bơngai huŏng tơ sơlŭng jrŭ! Dang ei đĭ-đăng lu 'long tơ pơgar Êđen, lu 'long 'lơ̆ng đei rơih iŏk lu 'long 'lơ̆ng đơ̆ng kông Liban, đĭ-đăng lu 'long mă đei đak hơiuh lơ̆m, đĭ lu 'long noh đei tơdrong pơlung lăm hơlŭng jrŭ.

Êsêkiên 31:6

Lu adrĕch sem păr tơ plĕnh pơm tơpu tơ tơ'bla sư; lu sem bri tuh tơ ala yơ̆p sư păng đĭ-đăng lu adrĕch adrung tih kon bơngai oei lăm yơ̆p sư.

Êsai 37:24

Ih đei yua lu đam ih wă pơjăm Kră Yang, ih khan: Inh yua lu gre aseh lơ tŏk tơ kơpal kơ̆l kông, tơ anih kơjung ataih dêh lăm char Liban, inh kăl lu 'long hơngo mă kơjung dêh, 'long hơngo hla iĕ mă 'lơ̆ng hloh, inh năm truh bơih tơ kơ̆l kông kơjung hloh, lăm bri kơdrơ̆ng rơ̆m hloh.

Horiso 92:12

Bơngai tơpăt gô bluh thoi 'long gol păng gô rai kơjung thoi 'long hơngo tơ char Liban.

Je 17:8

Bơngai noh nhen thoi tơm 'long pơtăm cheng đak, Chăt rơh cheng đak krong, mă khan tŏ phang ưh kơ hli, hla ưh kơ đei jô kro oei arih 'lơ̆ng. Mă tơ'bơ̆p hĭ bơyan tŏ phang kư̆m huay kơ tơtăm, oei plei hơnơ̆ng ưh kơ pơdơh.”

Je 50:18

Thoi noh na Kră Yang Tih Hloh 'Bok Kei-Dei Isơrael khan: “'Nâu Inh gô phak pơtao Babilôn păng dêh char sư, Kŭm thoi inh phak boih pơtao Asiri.

Êsêkiên 19:11

Đei dơng sư tih, jing pơm 'long jra pơtao. Tơm sư kơjung, đei tơ'bla hla hơmŭl lơ, đe 'bôh sư kơjung yua kơ đei dơng kơjung hloh kơ lu dơng nai.

Êsêkiên 31:5

Đơ̆ng đak ruh hơiuh na 'long wơ̆ tih kơjung hloh kơ đĭ-đăng lu 'long lăm bri; dơng hla tơ'bla bluh jing, dơng tơ'bla bluh kơjung yua kơ đei đak lăm rơh sư.

Êsêkiên 31:8

Lu 'long hơngo lăm pơgar Kră Yang 'Bok Kei-Dei ưh kơ gơh pơting hăm sư mă 'long hơngo hla iĕ nai kư̆m ưh kơ dang sư, ưh kơ đei 'long ayơ lăm pơgar Kră Yang 'Bok Kei-Dei 'lơ̆ng rŏ hơtŏ hăm sư.

Êsêkiên 31:10

Na Kră Yang khan thoi âu: Yua kơ sư tih kơjung, kơnhŏng kơjung truh tơ hơmơ̆l hăm lu dơng tơ'bla hla trưp trap, lei na jơhngơ̆m sư pơang kơ akâu sư tih kơjung,

Êsêkiên 31:17

Lu sư kư̆m huŏng tơ dơnâu ŭnh hơdai hăm sư, hơdai hăm lu bơngai lôch kơ đao gưm lu bơngai tơpôl akŭm băl lăm dêh char lu sư ngôi ala yơ̆p sư.

Êsêkiên 32:22

Yŏng Asiri hăm đĭ-đăng kon pơlei sư oei tơ noh, bơsat lu sư jum dăr kơ sư, đĭ-đăng lu sư đe pơlôch hăm đao;

Sa 11:1

Ơ Liban, pơih bĕ 'măng, wă kơ ŭnh sa pơđĭ 'long dơnơ̆ng ih!

Da 4:7

Dang ei lu bơngai pơm tih lu bơngai Kalđê păng lu pơjâu truh đĭ, inh roi ăn đĭ-đăng tơdrong inh apo 'bôh kơ lu sư, mă-lei lu sư ưh kơ đei bu gơh tơblang ăn kơ inh.