Êsêkiên 31:10 - Sơ̆p Hlabơar Nơ̆r 'Bok Kei-Dei

¹⁰ Na Kră Yang khan thoi âu: Yua kơ sư tih kơjung, kơnhŏng kơjung truh tơ hơmơ̆l hăm lu dơng tơ'bla hla trưp trap, lei na jơhngơ̆m sư pơang kơ akâu sư tih kơjung,

Êsêkiên 31:10 Referans Kwoze

Da 5:20

Mă-lei yua kơ jơhngơ̆m sư pơang kơdih akâu, arăng kơ̆l na jing pơang, na sư hiong boih tang-dŏ pơtao păng đe ưh pă ư-ang kơ sư.

Êsêkiên 28:17

Jơhngơ̆m ih pơang yua kơ ih 'lơ̆ng. Tơdrong ư-ang ih pơm kơ ih hiong răm tơdrong gơh hơgei. Inh klơ̆m hŭt ih tơ teh 'bơ̆t anăp lu pơtao, Inh jao ih wă ăn kơ lu sư lăng.

II Ho 32:25

Mă-lei Hesekia ưh kơ đei bơnê kơ Kră Yang mă đei ăn kơ sư boih yua kơ jơhngơ̆m sư pơang dêh; lei na Kră Yang hil mĭl hloi kơ sư hăm kon pơlei Juđa păng kon pơlei Jêrusalem.

Ya 4:6

Na 'Bok Kei-Dei ăn kơ bơ̆n rai pran hloh, kư̆m thoi lăm sơ̆p hla bơar 'Bok Kei-Dei khan mơ̆n: “'Bok Kei-Dei pơgăn lu bơngai mă pơang akâu kơdih, na pơchoh ăn kơ lu bơngai mă ưh kơ băt pơang akâu, jing pran.”

Mathiơ 23:12

Bơngai bu pơma pơang akâu sư wă kơ đe pôk sư pơm tih, bơngai noh ning-mônh sư gô mơlâu hloh kơ đe. Bơngai bu ưh kơ hơnhŏ chă pơang akâu sư kơ đe, bơngai noh 'Bok Kei-Dei mơnat, ăn kơ sư pơm tih.

Ob 1:3

Ơ lu khŭl bơngai oei lăm sơlam tơmo, lăm anih kơjung, lu iĕm đei khan lăm jơhngơ̆m iĕm thoi âu: Hăm đei bu kĕ tơlơ̆ inh huŏng tơ teh? Tơdrong pơang lăm jơhngơ̆m iĕm hơlĕnh kơdih akâu iĕm boih.

Da 4:30

Na sư khan: 'Nâu ưh kơ trŏ hă pơlei tih Babilôn mă đei pơdơ̆ng đơ̆ng tơdrong pran inh, wă pơm pơlei tơm lăm chăl pơtao inh păng wă pơư pơang 'lơ̆ng rŏ kơ inh.

Êsêkiên 31:14

Thoi ei na ưh kơ đei 'long ayơ jê̆ đak mă đei chăt kơjung, dah kơnhŏng sư kơjung truh tơ hơmơ̆l păng kư̆m ưh pă đei 'long ayơ mă đei đak ruh hơiuh lơ̆m chăt tih kơjung tih hloh thoi noh yua kơ lu sư đĭ-đăng pơjao kơ tơdrong lôch, jrŭ tơ hơla teh, hơdai hăm lu bơngai yoch mă lôch jur tơ lăm sơlŭng jrŭ.

Êsai 10:12

Mă-lei mưh Kră Yang pơkeh tơdrong jang Sư kơ kông Siôn păng pơlei Jêrusalem, Sư gô phak pơtao Asiri, yua kơ jơhngơ̆m sư pơang păng măt sư lăng pơrŏ.

Tơdrông Pơđơk 18:12

Đei jơhngơ̆m pơang adrol kơ tơdrong răm truh; Tơdrong iŏk đon ala, ba tơdrong đe pơyom.

Tơdrông Pơđơk 16:18

Pơang năm adrol, hor ba tơdrong răm; Pơang pơrŏ năm adrol, pơ̆k huŏng đơ̆ng rŏng.

II Ho 25:19

Ih khan: Lăm to inh blah iŏk boih char Eđôm na jơhngơ̆m ih pơrŏ pơang pơư kơdih akâu. Dang ei oei bĕ hnam, liơ wă pơrăm kơdih akâu păng dêh char Juđa kư̆m răm kiơ̆?”

Êsêkiên 31:3

To, char Asiri thoi 'long hơngo lăm kông Liban, dơng tơ'bla hla hơdrih, yơ̆p să thoi bri, tơm tih kơjung, păng kơnhŏng sư kơjung truh tơ hơmơ̆l.

Da 4:14

Sư ôr krao thoi âu: Kăl 'long noh bĕ păng chơ̆ng lê̆ dơng sư, pơm kơ hla sư hơlŭng bĕ păng săi hŭt lê̆ plei sư; puh tơweh bĕ lu sem bri đơ̆ng tơm sư păng puh sem păr weh đơ̆ng dơng sư!