Êsêkiên 30:8 - Sơ̆p Hlabơar Nơ̆r 'Bok Kei-Dei

⁸ Na lu sư gô băt Inh boih Kră Yang, kơplah Inh ăn ŭnh sa tơ char Êyiptơ păng lu bơngai mă tơgŭm lu sư kư̆m pơchah răm.

Êsêkiên 30:8 Referans Kwoze

Êsêkiên 29:6

Na đĭ-đăng kon pơlei Êyiptơ gô băt Inh boih Kră Yang, ih thoi 'long jra hăm 'nhĕt gơlar kơ adrĕch adrung Isơrael.

Am 1:14

Inh gô iŏk ŭnh soh dur pơlei Raba, sư gô sa lê̆ kơđông kơjăp lu sư, đe ôr tơkĕch lăm năr tơblah wang, thoi phŭt huơ̆r lăm năr hơbŭt hơbang.

Am 1:12

Inh gô ăn ŭnh truh tơ pơlei Têman, sư gô sa pơđĭ lu kơđông kơjăp Bôsra.

Am 1:10

Inh gô ăn ŭnh truh tơ kơpal dur pơlei Tirơ, sư gô sa pơrăm dôm kơđông kơjăp sư.

Am 1:7

Inh gô ăn ŭnh truh tơ kơpal dur pơlei Gasa, ŭnh gô sa pơrăm lu kơđông sư kơjăp.

Am 1:4

Inh gô ăn ŭnh truh tơ lăm hnam Hasael, wă soh pơrăm kơđông kơjăp Ben Hadat.

Êsêkiên 30:16

Inh gô soh char Êyiptơ, pơlei Sin gô jĭ tơpă pă kĕ pơmat-tat; pơlei Na gô pơrăm pơchah đĭ, pơlei Thêbes gô tơ'bơ̆p tơdrong tơblah rim năr.

Êsêkiên 30:14

Inh gô pơm ăn kơ tơring Phatrôs jing răm pă đei; ăn ŭnh sa tơ pơlei Sôan păng phak pơlei Thêbes.

Êsêkiên 29:16

Char Êyiptơ ưh pă anih mă lu adrĕch Isơrael gơnang hơmĕng dơ̆ng mă-lei oei tơ'blŏk kơ lu sư tơdrong yoch kơnê̆ đêl lu sư pơm; păng lu sư gô băt Inh boih Kră Yang.

Êsêkiên 29:9

Char Êyiptơ gô jing juơ rơhiăng pă đei. Păng lu sư gô băt Inh boih Kră Yang. Yua kơ ih khan: Krong Nil noh krang đơ̆ng đêl inh kôch pơm sư,

Êsêkiên 22:31

Na Inh tuh tơdrong hil mĭl tơ lu sư păng iŏk ŭnh Inh hil soh pơrăm lu sư; Inh gô pơm tơwih tuh tơ kơ̆l lu sư, kiơ̆ kơ trong lu sư pơm. Kră Yang khan thoi noh.

Horiso 58:11

Na đe gô khan: “Sĭt tơpă gô đei apah kơ lu bơngai tơpăt, Sĭt tơpă đei Kră Yang 'Bok Kei-Dei sek tơlang kơpal teh.”

Am 2:5

Inh gô ăn ŭnh truh tơ dêh Juđa, sư gô sa pơđĭ dôm kơđông kơjăp Jêrusalem.

Am 2:2

Inh gô ăn ŭnh truh tơ dêh Môap, sư gô sa lu kơđông kơjăp Kêriôt. Kon pơlei Môap gô lôch, kơplah đe ôr tơjrông tơjrang păng hlôm keng.

Êsêkiên 28:26

Lu sư oei tơ noh hiôk-hian, pơm hnam pơtăm hơmu. Lu sư oei tơ noh hiôk-hian kơplah Inh sek tơlang phak lu teh đak jum dăr lu sư, lu bơngai mă areh kơ lu sư. Lu sư gô băt Inh bơih Kră Yang 'Bok Kei-Dei lu sư.

Êsêkiên 28:24

Kơplah noh lu bơngai Isơrael pă đei jơla trŏ, jơla wek đơ̆ng lăm lu teh đak oei jum dăr kơ lu sư, lu teh đak mă ngăl areh. Đơ̆ng noh lu sư gô băt Inh boih Kră Yang.

Nhom 4:11

Kră Yang đei pơm keh boih tơdrong Sư hil, tuh tơdrong blĕk sư; Kră Yang đei soh pơlei Siôn, ŭnh sa pơrăm đĭ lu hơnă sư.

Êsai 42:25

Na Kră Yang tuh tơdrong Sư hil, tơdrong tơblah wang tih dêh tơ lu sư, thoi ŭnh sa jum dăr mă lu sư ưh kơ hlôh, ŭnh sa lu sư mă-lei kư̆m ưh kơ bơngơ̆t.

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.

Êsêkiên 39:6

Inh gô ăn ŭnh soh Magôk, păng lu bơngai mă oei hiôk-hian tơ lu anih đak dơsĭ, na lu sư gô băt Inh boih Kră Yang.

Horiso 46:10

Hreh bĕ athei băt Inh boih Kră Yang 'Bok Kei-Dei. Inh đe gô pôk pơư tơ jơ̆p dêh char, kư̆m pôk pơư kơ Inh tơ kơpal teh.