Êsêkiên 30:5 - Sơ̆p Hlabơar Nơ̆r 'Bok Kei-Dei

⁵ Bơngai Êthiôpi, bơngai Put bơngai Lut, đĭ-đăng lu bơngai Arabi păng lu bơngai Libi, lu dêh char mă pơgơ̆p hăm bơngai Êyiptơ gô pơ̆k lôch kơ đơ̆ng đao.”

Êsêkiên 30:5 Referans Kwoze

Je 25:20

Păng đĭ-đăng kơ lu tơmoi lăm char noh lu pơtao char Us, ăn kơ lu pơtao char Philistin, lăm noh đei pơlei Askalon, pơlei Gasa, Ekrôn păng lu bơngai mă oei arih lăm pơlei Asdôt.

Êsêkiên 27:10

Lu bơngai char Pherơsơ, bơngai char Lŭt, bơngai char Phŭt lăm khŭl, linh ih, lu sư jing linh nuih kơtang lu sư hơtol khêl păng môk tơblah 'bơ̆t tơnăr ih, lu sư ba tơdrong ư-ang kơ ih.

Je 25:24

Ăn kơ lu pơtao Arâp, ăn kơ lu pơtao rim dêh char nai oei hơbĭ lăm char glă.

Je 50:37

Đao gưm blah plơ̆ lu aseh păng gre aseh, Păng đĭ-đăng lu linh đơ̆ng tơmoi, Pơm kơ lu sư gô jing thoi bơngai drŏ-kăn! Đao gưm blah lu hnam mong mŭk tơmam gĭt ăn kơ đe tơgar iŏk đĭ mŭk tơmam lu sư.

Je 46:9

Drong tơ anăp bĕ, ơ aseh! Puh mă tĕnh bĕ ơ lu bơngai hao gre aseh! Lu linh năm tơblah yak năm tơ anăp: Lu linh char Êthiôpi păng lu linh char Phut chĕp khêl. Lu linh char Liđi prah hră đam.

Je 44:27

'Nâu, dang ei Inh răp lăng, wă ăn tơdrong pơmat truh tơ lu sư, ưh kơ trŏ ăn tơdrong pŭn hiôk ôh; đĭ lu bơngai Juđa mă oei lăm dêh char Êyiptơ gô lôch kơ đao gưm pơngot rơwĕt.

Êsai 20:4

Kŭm thoi noh mơ̆n pơtao Asiri gô chông ba kon pơlei Êyiptơ păng Kus pơm bơnă đơ̆ng hơ'lơ̆p truh tơ kră năm akâu hoh păng yak jơ̆ng hoh pơdah pơtâu hoh thoi noh wă kơ teh đak Êyiptơ mơlâu.

Êsai 18:1

Răm-'băm tơpă kơ teh đak đei re jơwa thoi tơtuh pơnăr noh jơ̆ teh đak pah to lu krong lăm char Kus.

Êsêkiên 38:5

Lu khŭl linh Persơ, Kus păng Phut kư̆m năm hơdai hăm lu sư, đĭ-đăng chĕp khêl păng môk mam.

Da 11:43

Sư gô iŏk lơ tơmam gĭt, hu maih păng kư̆m iŏk pơđĭ tơmam gĭt đơ̆ng Êyiptơ; kon pơlei Libi păng kon pơlei Êthiôpi gô kiơ̆ đơ̆ng rŏng kơ sư.

II Ho 12:3

chĕp ba minh-rơbâu 'bar-hrĕng gre aseh păng tơdrâu-jĭt rơbâu 'nu linh hao aseh; kư̆m đei lu linh đơ̆ng char Libia, Sukki păng char Êthiôpi tŏk hơdai đơ̆ng Êyiptơ, lơ tơpă.

Jêphania 2:12

“Ơ kon pơlei Êthiôpi, đe gô 'bet lu iĕm hăm đao Inh.”