Êsêkiên 3:9 - Sơ̆p Hlabơar Nơ̆r 'Bok Kei-Dei

⁹ Inh gô pơm kơ kơ̆l ih arăng thoi jơmŏng, arăng hloh kơ tơmo. 'Nĕ hli kơ lu sư păng 'nĕ tơrơ, yua kơ 'bơ̆t anăp măt lu sư yua kơ lu sư jing adrĕch adrung ayăt kơ Inh.”

Êsêkiên 3:9 Referans Kwoze

Êsêkiên 2:6

Gah ih, ơ kon bơngai, 'nĕ kơ hli kơ lu sư păng kư̆m 'nĕ kơ hli nơ̆r lu sư pơma; 'nĕ kơ hli mă khan lu sư thoi jơla suĕng tăp dăr kơ ih păng mă ih oei tŏk-bŏk lu sư thoi hơguăt. 'Nĕ hli kơ nơ̆r lu sư pơma, kư̆m 'nĕ kơ hli tơrơ kơ muh măt krưp lu sư yua kơ lu sư adrĕch adrung ayăt.

Êsai 50:7

Kră Yang Tih Hloh tơgŭm inh, inh ưh kơ mơlâu ôh. Na inh pơm kơ măt inh lăng tơ anăp, inh băt kơ inh gô ưh kơ đei tơdrong kiơ mơlâu.

Sa 7:12

Lu sư pơm kơ jơhngơ̆m lu sư arăng thoi tơmo jơmŏng kuă kơ mơ̆ng khôi juăt mă Kră Yang Tih Hloh đei ăn boih Yang Bơhngol Sư yua lu 'bok khan lê̆ adrol kră sơ̆ mă Sư đei wơh; yua kơ thoi noh na đei tơdrong hil tih dêh đơ̆ng Kră Yang Tih Hloh.

Je 1:8

“'Nĕ hli kơ lu sư ôh, yua kơ Inh oei hơdai ih wă dŏng pơklaih ih.” Kră Yang khan.

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

I Tim 2:3

Bơ̆n krao khan thoi noh 'lơ̆ng tơpă păng Kră Yang 'Bok Kei-Dei lăp đon tơpă. Sư pơklaih bơ̆n đơ̆ng tơdrong yoch.

Mi 3:8

Mă-lei gah inh, inh 'bĕnh kơ tơdrong pran kơtang, tơdrong sek tơlang păng đei jơhngơ̆m nuih yua kơ đơ̆ng Yang Bơhngol 'Lơ̆ng Kră Yang, wă roi ăn kơ Jakôp gah tơdrong sư pơm yoch, roi ăn kơ Isơrael gah tơdrong yoch lu sư.

Je 17:18

Apinh Ih pơm kơ lu bơngai rôp pơmat inh mơlâu, mă-lei 'nĕ ăn kơ inh mơlâu; ăn kơ lu sư hli tơrơ, mă-lei 'nĕ ăn kơ inh hli tơrơ! Ăn kơ năr gleh pơmat truh kơ lu sư; apinh Ih pơrăm lu sư hloh kơ 'bar wơ̆t.”

Je 1:17

Gah ih, tơ̆n bĕ tơlei tơ̆n, iung bĕ păng khan tơbăt ăn kơ lu sư dôm tơdrong mă Inh đei tơbăt ăn kơ ih boih. 'Nĕ kơ hli kơ lu sư, kơnh hli kơ Inh pơm kơ ih hli 'bơ̆t anăp lu sư.

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

II Tim 2:6

Âu nơ̆r pơtih gia mơ̆n: Bơngai choh mir sư jang hrat tơpă, sư wei-lăng mir sư truh tơ 'ba đum, klaih kơ noh tơ'ngla sư kĕch iŏk kơdih.

Je 15:20

Inh gô ăn kơ ih thoi dur pơgăn kon pơlei pơla âu. Dur kơjăp pơm păng kong; lu sư gô tơblah hăm ih, mă-lei ưh kơ kĕ jei lu sư ôh, Yua kơ Inh oei hơdai ih, wă kơ dŏng pơklaih ih, ăn kơ ih rơngei.” Noh Kră Yang khan.

Êsêkiên 3:8

Inh gô pơm kơ măt ih arăng kơ̆l thoi măt lu sư păng klĕng ih arăng thoi klĕng lu sư.

Êsêkiên 3:10

Sư khan dơ̆ng kơ inh: “Ơ kon bơngai, mơ̆ng bĕ mă nhen, iŏk bĕ lăm jơhngơ̆m dôm nơ̆r Inh pơma khan kơ ih.

Êsêkiên 44:6

Ih khan bĕ kơ lu bơngai Isơrael mă ayăt hăm Inh: Kră Yang khan thoi âu: ‘Ơ adrĕch Isơrael, dôm tơdrong kơnê̆ krưp mă lu iĕm hlôi pơm noh tôm boih.