Êsêkiên 29:9 - Sơ̆p Hlabơar Nơ̆r 'Bok Kei-Dei

⁹ Char Êyiptơ gô jing juơ rơhiăng pă đei. Păng lu sư gô băt Inh boih Kră Yang. Yua kơ ih khan: Krong Nil noh krang đơ̆ng đêl inh kôch pơm sư,

Êsêkiên 29:9 Referans Kwoze

Êsêkiên 29:3

Pơma khan kơ sư: Kră Yang khan thoi âu: “Ơ Pharaôn, pơtao Êyiptơ, âu Inh blah ih, ih jing sem brem tih kơnê̆ oei 'bĭch lăm đak glung. Ih khan: “Đak krong Nil noh gah Inh, đêl Inh kôch pơm sư.

Tơdrông Pơđơk 18:12

Đei jơhngơ̆m pơang adrol kơ tơdrong răm truh; Tơdrong iŏk đon ala, ba tơdrong đe pơyom.

Tơdrông Pơđơk 16:18

Pơang năm adrol, hor ba tơdrong răm; Pơang pơrŏ năm adrol, pơ̆k huŏng đơ̆ng rŏng.

Tơdrông Pơđơk 29:23

Bơngai pơang kang rai pơm kơ sư jur; Mă-lei bơngai bu đei iŏk đon ala đe gô pơyom.

Êsêkiên 30:12

Inh gô ăn kơ đak krong hrơ̆ păng tĕch ăn teh đak kơ lu bơngai kơnê̆. Inh gô yua ti lu kon tơmoi pơm kơ teh noh hăm lu tơmam lăm noh jing răm pă đei. Inh boih Kră Yang khan nơ̆r 'nâu.

Êsêkiên 28:2

“Ơ kon bơngai, khan bĕ kơ pơtao Tirơ: Kră Yang khan thoi âu; yua kơ jơhngơ̆m ih pơang, ih khan: “Inh jing yang hơ-oei kơpal tang-dŏ pơtao yang lăm tŏk-bŏk đak dơsĭ,” mă-lei ih kon bơngai đĕch, ưh kơ sĭ yang ôh mă khan ih tơchĕng khan ih hơgei thoi yang.

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Am 6:13

Lu iĕm bơngai mă chơt hiôk đei blah iŏk pơlei Lôdêbar,a păng khan: Lu nhôn yua jơhngơ̆m pran kơdih na đei iŏk boih pơlei Kanaim;b