Êsêkiên 29:8 - Sơ̆p Hlabơar Nơ̆r 'Bok Kei-Dei

⁸ Kră Yang khan: Âu, Inh chĕp đao wă phak ih Inh gô pơlôch đĭ bơngai hăm đĭ lu sem dơrong đơ̆ng ih.

Êsêkiên 29:8 Referans Kwoze

Êsêkiên 14:17

Dah mă Inh ăn đei tơdrong tơblah hăm char noh păng khan: ‘Athei ăn kơ đe iŏk đao hơlă tơblah lăm char’ păng pơlôch pơrăm đĭ kon bơngai păng lu sem dơrong,

Êsêkiên 30:10

Kră Yang khan thoi âu: Inh gô yua tơpang ti Nebukatnessar, pơtao Babilôn, wă pơlôch khŭl kon pơlei Êyiptơ.

Êsêkiên 30:4

Đe iŏk đao gô năm blah char Êyiptơ; tơdrong ơh sơ'ngon gô truh lăm char Êthiôp. Lu bơngai mă đe pơlôch gô pơ̆k lăm char Êyiptơ; lu mŭk tơmam đe gô iŏk đĭ păng hơnă anih kơjăp sư đe pơrăm đĭ.

Êsêkiên 25:13

Kră Yang khan: Inh gô yơ̆r ti Inh phak char Eđôm gô pơlôch đĭ bơngai păng lu sem dơrong noh; Inh gô pơm kơ char noh jing juơ đơ̆ng pơlei Thêman truh tơ pơlei Đêđan, lu sư gô pơ̆k lôch kơ đao.

Je 32:43

Lu đe gô tĕch dah răt teh mir na lăm char 'nâu char mă ih đei khan: “Sư jing bri brah ưh kơ đei bơngai oei, kon sem brem kư̆m ưh kơ đei, đei jao boih tơ lăm ti lu bơngai Kalđê.’

Je 7:20

Yua kơ thoi noh Kră Yang khan: “'Nâu Inh gô tuh tơdrong Inh hil tơ lăm dêh char âu, tơ lu kon bơngai tơ lu sem dơrong tơ lu 'long plei lăm mir păng plei yua đơ̆ng teh. Tơdrong Inh hil gô soh pơđĭ, ŭnh gô sa ưh kơ đei păt.”

Le 12:12

Lăm măng noh inh gô năm tơ jơ̆p-jang dêh Êyiptơ, pơrăm rim kon kơdră drŏ-nglo đơ̆ng kon bơngai truh tơ kon sem dơrong; păng Inh gô sek phak lu rup yang lăm dêh Êyiptơ; Inh boih Kră Yang.

Bl 6:7

Kră Yang khan thoi âu: “Inh gô pơrăm lê̆ đĭ kon bơngai kơpal teh mă đêl Inh pơjing, đơ̆ng kon bơngai truh tơ lu kon sem brem, lu hơdrông kơep lep-ler, lu sem păr, yua kơ inh hmach kơdih akâu đei pơjing boih lu sư noh.”