Êsêkiên 29:7 - Sơ̆p Hlabơar Nơ̆r 'Bok Kei-Dei

⁷ Lăp lu sư rôp ih hăm ti, na ih pơchah tơgơ̆ đĭ, hiĕt hơngiĕng lu sư; lu sư gơning 'bơ̆t ih, na ih tơgơ̆ pơm kơ lu sư pơ̆k tơgơ̆ kơiĕng.

Êsêkiên 29:7 Referans Kwoze

Êsai 36:6

'Nâu ih gơnang kơ dêh char Êyiptơ, noh thoi 'long jra gơlăr đĭ tơgơ̆ bơih bu mă gơnang kơ sư, sư gô trŏ 'bet ti bơngai noh hlôh. Pharaôn, pơtao Êyiptơ đe bu mă gơnang kơ sư kư̆m gô thoi noh mơ̆n.

Tơdrông Pơđơk 25:19

Lui ngeh kơ bơngai hơlĕnh pơdăr năr đei tơdrong pơmat. Thoi kơkă hăm hơnĕnh tơgơ̆, thoi yak hăm jơ̆ng tơplơ̆ tơpling.

II Pot 18:21

Noh dang ei ih gơnang kơ Êyiptơ hă? Noh jơ̆ thoi 'long gơlar tơgơ̆, dah bu tơjră kơ 'long noh sĭt gô trŏ ti klĕch hloi. Bu gơnang kơ Pharaôn, pơtao đe Êyiptơ, lu sư kư̆m thoi noh mơ̆n.

Êsai 20:5

Kơplah noh lu bơngai gơnang kơ teh đak Kus păng hơmĕng kơ teh đak Êyiptơ gô hli păng mơlâu.

Nhom 4:17

Măt lu bơ̆n gô rơgah đĕch gô tơdrong pơklaih ưh kơ đei yua kiơ. Lu bơ̆n chang gô lu kon pơlei mă ưh kơ đei dŏng pơklaih bơ̆n.

Êsêkiên 29:16

Char Êyiptơ ưh pă anih mă lu adrĕch Isơrael gơnang hơmĕng dơ̆ng mă-lei oei tơ'blŏk kơ lu sư tơdrong yoch kơnê̆ đêl lu sư pơm; păng lu sư gô băt Inh boih Kră Yang.

Êsai 30:3

Thoi noh tơdrong Pharaôn dŏng bơwei gô pơm kơ lu iĕm mơlâu, anih ôn kơ'nơp lăm yơ̆p Êyiptơ gô jing tơdrong đe pơjăm lu iĕm.

Na 3:9

Char Êthiôpi, char Êyiptơ jing tơdrong pran kơtang sư. Char Phut păng char Libi jing buăl tơgŭm dŏng sư,

Na 3:10

Mă-lei ră sư noh đe chông tơlĕch đơ̆ng dêh char sư, đe rôp pơm bơnă; lu kon sâu sư đe teh pơhĕch tơ rok mum trong tơklah pêng lăm pơlei tih. Đe hlang lăng lu bơngai mă sư gĭt pơyom klah asong băl wă pơm đĭch lu kuan tih sư đe chô̆ păng glang.