Êsêkiên 29:11 - Sơ̆p Hlabơar Nơ̆r 'Bok Kei-Dei

¹¹ Ưh pă đei tơpang jơ̆ng bu yak rok noh, kư̆m pă đei jơ̆ng sem bri yak năm trong noh, kư̆m ưh pă đei kon pơlei oei tơ noh dơ̆ng, lăm puăn-jĭt sơnăm.

Êsêkiên 29:11 Referans Kwoze

Êsêkiên 32:13

Inh gô pơrăm đĭ lu sem dơrong chă sa jih đak glung ro tih, jơ̆ng kon pơlei păng jơ̆ng kơchôp lu sem bri ưh pă kôch pơm kơ đak gơsŏk dơ̆ng.

Da 9:2

lăm sơnăm blŭng-a sư pơgơ̆r dêh char sư, inh, Đaniel, dơ̆ng lăm sơ̆p hla bơar băt kơ dôm sơnăm mă nơ̆r Kră Yang đei khan kơ Jêrêmi bơngai yŏng khan lê̆ adrol, wă kơ 'blep trŏ kơ pơlei Jêrusalem gô juơ lăm tơpơh-jĭt sơnăm.

Êsêkiên 36:28

Lu iĕm gô oei tơ lăm teh đak mă Inh ăn kơ yă 'bok lu iĕm, lu iĕm jing kon pơlei pơla Inh, Inh jing Kră Yang 'Bok Kei-Dei lu iĕm.

Êsêkiên 33:28

Inh gô pơm kơ char âu jing juơ tơtŭng pơchah pơchek, tơdrong pơang lu sư gô tôch; kông Isơrael jing juơ pă đei bu oei yak trong noh.

Êsêkiên 31:12

Lu bơngai tơmoi đơ̆ng dêh char pơm kơnê̆ nuih pran kơtang hloh, gô kăl tơpăk lê̆ sư. Lu dơng tơ'bla sư gô huŏng tơ kông hăm tơ lăm lu thŭng; lu dơng sư tơgơ̆ huŏng tơ lăm thong, lu kon pơlei weh ataih pă ngôi yơ̆p păng achăng tŭk lê̆ sư.

Je 29:10

Kră Yang khan: “Layơ tôm tơpơh-jĭt sơnăm ăn kơ Babilôn pơgơ̆r, Inh gô năm hơpong tơ lu iĕm, Inh gô pơm trŏ thoi nơ̆r pơkă 'lơ̆ng rŏ Inh, gô chông ba lu iĕm brŏk tơ teh đak âu.”

Êsai 23:17

Kơtĕch tơpơh-jĭt sơnăm bơih, Kră Yang gô năm tơmang pơlei Tir, pơlei sư gô pơm thoi đêl dơ̆ng, sư gô mơdro mơchan hăm rim dêh char lăm teh đak âu.

Êsai 23:15

Kơplah noh kơnh pơlei Tir đe gô hiơt kơ sư lăm tơpơh-jĭt sơnăm, dang minh chăl arih pơtao. Klaih hlôi kơ tơpơh-jĭt sơnăm bơih, pơlei Tir gô nhen thoi 'bai bơngai drŏ-kăn đi hơri.

II Ho 36:21

Tơdrong 'nâu truh wă pơsĭt kơ nơ̆r Kră Yang khan mă đơ̆ng Jêrêmi 'bok khan lê̆ adrol roi tơbăt. Dĭng truh tơ dêh char đei pơdơh lu sơnăm Sa'bat kiơ̆ kơ Kră Yang 'Bok Kei-Dei đei pơkă boih, đĭ-đăng lăm dêh char pơdơh sơnăm Sa'bat tơtŭng rơhiăng đĭ juơ, dĭng truh tơ tôm tơpơh-jĭt sơnăm.

Êsai 34:10

Măng năr ưh kơ đei layơ păt, 'nhui ŭnh bluh hơnơ̆ng. Teh gô jing juơ đơ̆ng chăl âu truh tơ chăl nai, ling-lang hlŏng hloi ưh pă đei bu oei dah chă găn brih rok trong noh.

Je 9:10

“Inh gô nhơ̆m hmoi kơ kông, nhơ̆m hmoi kơ tơmăn 'nhĕt lăm char glă, đe pơrăm lê̆ lu sư boih: ‘Ô dĭng mah pă đei bơngai yak găn rok noh. Tơ noh kư̆m pă đei kơtơ̆ng lu kon rơmo hmoi, Mă lu sem păr kư̆m pă kơtơ̆ng asi, lu sem bri kư̆m kơdâu đĭ tơ nai.’

Je 46:19

Hơmet bĕ lu tơmam yua năm pơm bơnă. Ơ lu bơngai oei lăm dêh char Êyiptơ, Yua kơ pơlei Memphis gô jing juơ; đe gô soh pơrăm, ưh pă đei bơngai oei.