Êsêkiên 28:26 - Sơ̆p Hlabơar Nơ̆r 'Bok Kei-Dei

²⁶ Lu sư oei tơ noh hiôk-hian, pơm hnam pơtăm hơmu. Lu sư oei tơ noh hiôk-hian kơplah Inh sek tơlang phak lu teh đak jum dăr lu sư, lu bơngai mă areh kơ lu sư. Lu sư gô băt Inh bơih Kră Yang 'Bok Kei-Dei lu sư.

Êsêkiên 28:26 Referans Kwoze

Êsêkiên 28:24

Kơplah noh lu bơngai Isơrael pă đei jơla trŏ, jơla wek đơ̆ng lăm lu teh đak oei jum dăr kơ lu sư, lu teh đak mă ngăl areh. Đơ̆ng noh lu sư gô băt Inh boih Kră Yang.

Êsêkiên 28:22

Khan bĕ kơ sư: Kră Yang khan thoi âu: Ơ pơlei Siđôn, âu, Inh blah ih; Inh wă kơ đei ư-ang lăm ih. Lu sư gô băt inh boih Kră Yang, kơplah inh sek tơlang phak ih wă tơ'bôh tơdrong rơgoh Inh.

Êsêkiên 38:8

Đei loi kơ lơ năr đunh, đe gô krao ih; lăm lu sơnăm tuch-luch ih gô năm tơ minh pôm char mă đei hlôi klaih đơ̆ng đao, akŭm băl đơ̆ng lơ adrĕch adrung; gô truh tơ kông Isơrael, anih mă pơchah jing juơ sơ̆. Kon pơlei noh đei chông ba đơ̆ng lu kon pơlei nai păng đĭ-đăng oei arih hiôk-hian.

Je 32:15

'Nâu Kră Yang Tih Hloh, 'Bok Kei-Dei bơngai Isơrael khan: Đe gô tĕch răt hnam, mir chŭn, pơgar hơmu lăm char âu.’

Tơdrông Pơđơk 14:26

Bơngai bu hli yom kơ Kră Yang, đei tơdrong gơnang kơjăp. Păng anih kơ'nơp kơjăp kơ lu kon sâu sư.

Sa 1:15

Păng Inh ưh kơ lăp jơhngơ̆m đon kơ adrĕch adrung mă oei hiôk. Sơ̆ Inh hli kơ kon pơlei pơla Inh lăp ai đĕch, mă-lei lu adrĕch adrung sư thim tơdrong pơmat kơ lu sư.’

Habakuk 2:8

Yua kơ ih đei blah iŏk lơ dêh char nai, na lu kon pơlei mă oei oei gô plah tơgar iŏk đơ̆ng ih dơ̆ng, yua kơ pham lu sư, yua kơ tơdrong kơnê̆ ih pơrăm teh đak, pơrăm pơlei tih păng đĭ-đăng kon pơlei lu sư.

Hôsia 2:18

Lăm năr noh, Inh pơgơ̆p kon pơlei Inh hăm lu sem bri, lu sem păr păng lu hơdrông kơep mơmŏ kơpal teh Inh kư̆m gô gơ̆ lê̆ đĭ đao gưm, hră đơ̆ng lăm teh đak âu, pơgăn lê̆ lu tơdrong tơblah tơblŭng păng pơm ăn kơ kon pơlei tep pơdơh hiôk-hian.

Êsêkiên 39:10

Lu sư ưh pă chă 'long ŭnh tơ chŭn, ưh pă chă 'long ŭnh tơ bri, yua tơmam tơblah wă tơkuh pơm 'long ŭnh, lu sư gô tơgar iŏk đơ̆ng lu bơngai tơgar iŏk đơ̆ng lu sư păng iŏk đơ̆ng lu bơngai mă iŏk đơ̆ng lu sư, Kră Yang khan.

Êsai 17:14

Kiơ̆ kơsơ̆ đei tơdrong hli tơrơ; adrol kơ pơgê hrôih truh ưh pă 'bôh lu sư dơ̆ng, 'nâu minh tơdrong tuh ăn kơ lu bơngai blah tơgar iŏk mŭk tơmam dêh char bơ̆n, noh jơ̆ tơdrong truh kơ lu bơngai tơtông tơgar tơmam đơ̆ng lu bơ̆n.

I Pot 4:25

Lăm chăl pơtao Sôlômôn pơgơ̆r, bơngai Juđa păng bơngai Isơrael oei hiôk-hian, đơ̆ng pơlei Đan truh tơ pơlei Bêrsêba, rim 'nu kơ lu sư arih jang sa chơt hiôk ala tơnơm hơmu păng tơm hơra sư.

Both 12:10

Mă-lei lu iĕm gô tŏk tơ pah to kơ Krong Jôrđăn, oei lăm dêh mă Kră Yang 'Bok Kei-Dei lu iĕm wă ăn bơ̆jang sa. Sư gô ăn hiôk hơđơ̆ng pơdơh, ưh pă đei lu ayăt wang dăr.

Le 29:46

Na lu sư gô băt kơ Inh jơ̆ Kră Yang 'Bok Kei-Dei lu sư, tơ'ngla chông ba lu sư lĕch đơ̆ng dêh Êyiptơ na wă kơ Inh oei hăm lu sư, Inh jơ̆ Kră Yang 'Bok Kei-Dei lu sư.

Êsêkiên 38:11

Ih khan: “Inh gô năm truh tơ tơring pơlei mă ưh kơ đei dur; inh gô blah kon pơlei mă oei arih sa hiôk-hian; đĭ-đăng lu sư oei lăm pơlei mă ưh kơ đei kơđông, ưh kơ đei kơ dur păng ưh kơ đei măng jang.

Êsêkiên 34:31

Lu sư triu Inh, triu oei lăm anih 'nhĕt Inh; lu iĕm jing kon bơngai Inh păng inh boih Kră Yang 'Bok Kei-Dei lu iĕm, Kră Yang khan thoi noh.

Nhom 1:8

Jêrusalem pơm yoch tih, yua kơ 'noh na mă jing kơnê̆ 'mê̆ brư̆. Dôm lu bơngai mă juăt kơ pơyom kơ sư dang ei pă đei boih, Yua kơ 'bôh sư hang-hông. Kơdih kâu lu sư tơtok, na kơdŭn tơ rŏng.

Je 33:16

Lăm lu năr noh; adrĕch Juđa gô đei dŏng pơklaih; Jêrusalem gô oei hiôk-hian păng gô krao anăn Kră Yang boih tơpăt hơnơ̆ng lu nhôn.’ ”

Je 30:16

Mă-lei đe bu kăp sa iĕm đe gô kăp sa lu sư; lu bơngai ayăt kơ iĕm gô jing bơnă; bu mă tơgar iŏk tơtông tơmam đơ̆ng iĕm, đe kư̆m gô blah tơgar iŏk đơ̆ng lu sư.”

Je 29:28

Sư boih, pơ̆n gơih kơ lu nhôn nơ̆r tơ lăm char Babilôn khan: Tơdrong pơm bơnă oei đunh năr; pơm bĕ hnam oei; pơtăm bĕ 'long sa plei lăm mir pơgar na sa plei sư.”

Êsai 33:1

Răm-'băm dêh kơ ih, ơ bơngai pơrăm đe, đe ưh tam mă đei pơrăm ih, ơ bơngai blơ̆ blĕch đe, đe ưh tam đei blơ̆ ih! Kơplah mă ih pơdơh pơrăm đe, đe gô pơrăm ih dơ̆ng. Kơplah ih ưh pă blơ̆ blĕch đe gô blơ̆ ih.

Horiso 149:9

Wă sek phak lu sư kiơ̆ thoi đei chih boih. 'Nâu tơdrong ư-ang kơ lu bơngai 'lơ̆ng rơgoh Sư. Halêluya.

Je 32:43

Lu đe gô tĕch dah răt teh mir na lăm char 'nâu char mă ih đei khan: “Sư jing bri brah ưh kơ đei bơngai oei, kon sem brem kư̆m ưh kơ đei, đei jao boih tơ lăm ti lu bơngai Kalđê.’

Êsêkiên 34:14

Inh gô wei rong lu sư tơ anih 'nhĕt 'lơ̆p hơdrih; hơdrong lu sư oei tơ kơpal kông Isơrael, tơ noh lu sư gô 'bĭch pơdơh hiôk-hian păng sa 'nhĕt 'lơ̆p hơdrih tơ jơ̆p kơpal kông Isơrael.

Êsêkiên 36:9

Inh gô wei-lăng ih, tơchĕng gah ih păng đe gô choh pơtăm păng rei jơmŭl ih dơ̆ng.

Hôsia 2:15

Inh gô pơdrâu kơ sư pơgar hơmu dơ̆ng, păng ăn thŭng Akôra jing 'măng tơdrong chang hơmĕng sư gô drơ̆ng Inh thoi năr sư oei hơmuh hơmŏng, păng kư̆m nhen thoi năr sư 'nao lĕch đơ̆ng Êyiptơ sơ̆.”

Hôsia 11:11

Lu sư gô hli tơtơ̆ wih đơ̆ng dêh Êyiptơ thoi sem păr, thoi sem pơgâm đơ̆ng char Asiri, păng Inh tơbrŏk lu sư tơ hnam lu sư kơdih Kră Yang khan thoi noh.

Je 12:14

'Nâu Kră Yang khan: “Gah đĭ-đăng lu rông 'bôt Inh mă pơm kơnê̆, mơ̆t iŏk boih tơmam Inh mă ăn kơ lu kon pơlei Inh, Isơrael; 'nâu, Inh gô buch hiŏng lê̆ lu sư đơ̆ng lăm char lu sư păng buch hiŏng lê̆ adrĕch Juđa đơ̆ng tŏk-bŏk lu sư.

Je 32:37

“'Nâu, Inh gô hơrui akŭm lu sư đơ̆ng jơ̆p kơ dêh char mă đơ̆ng Inh hil mĭl dêh na mă Inh pơpuh lê̆ lu sư tơ noh; Inh gô chông tơwih lu sư brŏk tơ anih 'nâu, wă kơ lu sư oei jang sa rơnŭk rơnua.