Êsêkiên 28:25 - Sơ̆p Hlabơar Nơ̆r 'Bok Kei-Dei

²⁵ Kră Yang khan thoi âu: “Kơplah Inh akŭm lu adrĕch Isơrael brŏk đơ̆ng lu kon pơlei mă lu sư oei tơklah tơklang, Inh gô tơ'bôh tơdrong 'lơ̆ng rơgoh Inh tơ lăm lu sư 'bơ̆t anăp lu teh đak. Na lu sư gô oei tơ lăm teh đak mă Inh ăn boih kơ đĭch đam Inh Jakôp.

Êsêkiên 28:25 Referans Kwoze

Je 32:37

“'Nâu, Inh gô hơrui akŭm lu sư đơ̆ng jơ̆p kơ dêh char mă đơ̆ng Inh hil mĭl dêh na mă Inh pơpuh lê̆ lu sư tơ noh; Inh gô chông tơwih lu sư brŏk tơ anih 'nâu, wă kơ lu sư oei jang sa rơnŭk rơnua.

Êsêkiên 20:41

Inh gô sơng iŏk lu iĕm thoi tơmam 'bâu phu, kơplah Inh chông lu iĕm lĕch đơ̆ng lăm lu kon pơlei păng akŭm lu iĕm đơ̆ng char mă lu iĕm đêl oei tơklah tơklang; păng Inh gô tơ'bôh tơdrong 'lơ̆ng rơgoh Inh đơ̆ng lăm lu iĕm 'bơ̆t anăp kon pơlei nai.

Êsêkiên 37:25

Lu sư gô oei arih sa lăm char mă Inh ăn kơ Jakôp đĭch đam Inh char mă 'bok yă lu sư oei sơ̆. Lu sư, kon sâu lu sư, gô oei tơ noh ling-lang; đĭch đam Inh Đawit jing pơtao lu sư hlŏng hloi.

Êsêkiên 36:28

Lu iĕm gô oei tơ lăm teh đak mă Inh ăn kơ yă 'bok lu iĕm, lu iĕm jing kon pơlei pơla Inh, Inh jing Kră Yang 'Bok Kei-Dei lu iĕm.

Êsêkiên 11:17

Thoi noh khan bĕ: ‘'Nâu nơ̆r Kră Yang Tih Hloh khan: Inh gô akŭm lu iĕm đơ̆ng lu pơlei tơmoi, păng Inh gô iŏk lu iĕm đơ̆ng lu teh đak mă lu iĕm oei tơklah tơklang păng gô ăn teh đak Isơrael kơ lu iĕm dơ̆ng.’

Je 23:8

Mă-lei đe gô khan: Sĭt tơpă thoi Kră Yang arih, Kră Yang mă đei dŏng pơklaih adrĕch adrung bơngai Isơrael đơ̆ng gah yă-nơ̆m, păng lu char mă lu sư oei đơ̆ng Kră Yang puh lu sư sơ̆.’ Lu sư gô wih brŏk oei tơ dêh char lu sư kơdih.

Horiso 106:47

Ơ Kră Yang, 'Bok Kei-Dei lu nhôn, apinh Ih dŏng pơklaih lu nhôn. Akŭm pơpôi lu nhôn đơ̆ng jơ̆p kơ dêh char. Wă kơ lu nhôn bơnê ư-ang kơ anăn 'lơ̆ng rơgoh Ih păng gơh oei hiôk hơri kơkuh kơ Ih.

Êsêkiên 34:13

Inh gô chông lu sư lĕch đơ̆ng lăm lu kon pơlei; Inh gô akŭm lu sư đơ̆ng jơ̆p kơ teh đak păng ba lu sư tơ dêh char lu sư kơdih. Inh gô wei rong lu sư tơ kông Isơrael, jê̆ thong đak păng tơ jơ̆p kơ anih mă kon pơlei oei lăm tơring.

Êsêkiên 28:22

Khan bĕ kơ sư: Kră Yang khan thoi âu: Ơ pơlei Siđôn, âu, Inh blah ih; Inh wă kơ đei ư-ang lăm ih. Lu sư gô băt inh boih Kră Yang, kơplah inh sek tơlang phak ih wă tơ'bôh tơdrong rơgoh Inh.

Je 30:18

'Nâu Kră Yang khan: “Inh gô iŏk tơwih bơsŭn anih hnam Jakôp đơ̆ng lu sư pơm bơnă, Inh gô mơnat ăn kơ sơnăm dơnŏ lu sư; pơlei tơm tih đe gô pơdơ̆ng tơ đêl teh so sơ̆, hnam pơtao đe gô pơdơ̆ng trŏ 'bơ̆t anih so sơ̆.

Je 27:11

Mă-lei adrĕch bơngai ayơ chu 'băk 'long ăt pơtao Babilôn păng chu yom kơ pơtao noh, na: Inh gô ăn kơ lu sư oei kơtă lăm dêh char sư kơdih, wă kơ choh jang sa păng oei tơ noh.” Noh Kră Yang.

Jôel 3:7

Dang ei Inh gô pơtrŭt lu sư iung brŏk đơ̆ng anih mă lu iĕm đei tĕch lu sư păng Inh gô pơdrâu tơwih tơdrong kơnê̆ tơ kơ̆l lu iĕm kơdih.

Hôsia 1:11

Kon sâu Juđa păng kon sâu Isơrael gô pơgơ̆p băl; păng gô pơjing pôk minh 'nu pơm yŏng pơgơ̆r đĭ-đăng lu sư đơ̆ng noh lu sư gô rai lơ lăm teh đak noh, yua kơ năr Jêsreel noh năr tih tơpă.

Êsêkiên 39:27

Kơplah Inh chông lu sư wih brŏk đơ̆ng lu kon pơlei, pơpôi akŭm đơ̆ng teh đak lu ayăt kơ lu sư Inh yua lu sư gô tơ'bôh tơdrong 'lơ̆ng rơgoh Inh 'bơ̆t anăp lơ lu dêh char.

Êsêkiên 38:23

Na Inh gô pơm pơdah tơdrong krưp 'lơ̆ng rŏ Inh hăm 'lơ̆ng rơgoh Inh kơ lơ adrĕch adrung kon bơngai păng lu sư gô băt Inh boih Kră Yang.

Êsêkiên 37:21

păng khan bĕ kơ lu sư: Kră Yang khan thoi âu: Inh gô chông ba adrĕch adrung Isơrael đơ̆ng lu char mă lu sư oei, Inh gô akŭm lu sư đơ̆ng jơ̆p kơ dêh char chông ba lu sư wih brŏk tơ char lu sư kơdih.

Êsêkiên 34:27

'Long tơ bri brah gô đei plei, teh gô chăt jing đei plei yua. Lu sư gô oei hiôk hơđơ̆ng tơ teh đak lu sư kơdih păng băt kơ Inh boih Kră Yang, kơplah Inh gơ̆ lê̆ 'long ăt đơ̆ng lu sư, pơklaih lu sư đơ̆ng ti lu bơngai rôp lu sư pơm đĭch.

Êsai 5:16

Mă-lei Kră Yang Tih Hloh, gô pôk hơtŏk tơ kơpal hloh hăm tơdrong sek tơlang tơpăt hơnơ̆ng, păng Kră Yang 'Bok Kei-Dei 'lơ̆ng Rơgoh gô pơdah Sư 'lơ̆ng rơgoh lăm tơdrong 'lơ̆ng tơpăt.

Êsêkiên 34:14

Inh gô wei rong lu sư tơ anih 'nhĕt 'lơ̆p hơdrih; hơdrong lu sư oei tơ kơpal kông Isơrael, tơ noh lu sư gô 'bĭch pơdơh hiôk-hian păng sa 'nhĕt 'lơ̆p hơdrih tơ jơ̆p kơpal kông Isơrael.

Hôsia 2:15

Inh gô pơdrâu kơ sư pơgar hơmu dơ̆ng, păng ăn thŭng Akôra jing 'măng tơdrong chang hơmĕng sư gô drơ̆ng Inh thoi năr sư oei hơmuh hơmŏng, păng kư̆m nhen thoi năr sư 'nao lĕch đơ̆ng Êyiptơ sơ̆.”

Hôsia 11:11

Lu sư gô hli tơtơ̆ wih đơ̆ng dêh Êyiptơ thoi sem păr, thoi sem pơgâm đơ̆ng char Asiri, păng Inh tơbrŏk lu sư tơ hnam lu sư kơdih Kră Yang khan thoi noh.

Je 12:14

'Nâu Kră Yang khan: “Gah đĭ-đăng lu rông 'bôt Inh mă pơm kơnê̆, mơ̆t iŏk boih tơmam Inh mă ăn kơ lu kon pơlei Inh, Isơrael; 'nâu, Inh gô buch hiŏng lê̆ lu sư đơ̆ng lăm char lu sư păng buch hiŏng lê̆ adrĕch Juđa đơ̆ng tŏk-bŏk lu sư.