Êsêkiên 28:23 - Sơ̆p Hlabơar Nơ̆r 'Bok Kei-Dei

²³ Inh gô ăn tơdrong lôch hơbuh truh lăm pơlei, tuh pham lĕch sĕch huŏng jơ̆p kơ trong. Lu bơngai pơ̆k lôch tơ lăm pơlei, yua kơ đao blah lu sư đơ̆ng puăn pah; na lu sư gô băt Inh boih Kră Yang.

Êsêkiên 28:23 Referans Kwoze

Êsêkiên 38:22

Inh gô phak lu sư hăm tơdrong jĭ hơpoh hăm đao hơlă 'bet pơlôch pham lĕch, Inh gô ăn 'mi hơbŭt, 'mi prĕl, ŭnh păng tơmo ngŭr tuh tơ lu sư, tơ lu kon pơlei kiơ̆ sư hăm lu linh sư.

Êsêkiên 26:6

Lu kon pơlei sư oei tơ chŭn mir đe gô pơlôch hăm đao; păng lu sư gô băt Inh boih Kră Yang.

Êsêkiên 25:17

Inh gô phak pơrăm hăm tơdrong hil mĭl tih, mưh Inh pơm mong blah lu sư, na lu sư gô băt Inh boih Kră Yang.”

Êsêkiên 25:11

Inh gô phak lu Môap, na lu sư gô băt Inh boih Kră Yang.”

Êsêkiên 25:7

na âu, Inh gô hiŏng ti phak ih, Inh gô pơjao ih kơ lu teh đak thoi tơmam đe tơtông tơgar, Inh gô puh tơweh ih đơ̆ng lu kon pơlei; inh gô pơlôch ih đơ̆ng lu teh đak. Inh gô pơrăm ih păng ih gô băt Inh boih Kră Yang.’ ”

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

Je 15:2

Tơdah lu sư apinh ih: ‘Lu nhôn gô năm tơ yơ?’ Ih khan kơ lu sư: 'Nâu Kră Yang khan: “Bu Inh pơkă ăn kơ sư lôch kơ hơbuh, gô chu lôch kơ hơbuh, Bu Inh pơkă wă pơlôch hăm đao gưm, gô lôch kơ đao gưm. Bu Inh pơkă wă ăn kơ sư lôch pơngot rơwĕt, gô lôch kơ pơngot rơwĕt. Bu Inh pơkă wă ăn pơm bơnă, sư gô pơm bơnă.”

Je 51:52

Mă-lei gô đei năr, truh tơpă Kră Yang khan: “Inh gô phak pơrăm lu rup yang đe Babilôn, jơ̆p kơ teh đak, lu bơngai rơka gô ôr tơngưih.

Êsêkiên 5:17

Inh gô ăn tơdrong pơngot rơwĕt păng ăn sem bri wă pơrăm lu kon hơ'lơ̆p ih jing pă đei tơdrong lôch hơbuh păng tơdrong tơblah truh tơ pham gô ro truh tơ ih, Inh gô iŏk đao gưm pơrăm ih. Inh boih Kră Yang mă đei khan thoi noh!”

Êsêkiên 21:14

Ơ kon bơngai, gah ih, khan lê̆ adrol bĕ, tap bĕ ti ih ăn kơ đao koh 'bar dah pêng wơ̆t; đao koh pơlôch lơ bơngai, pơrăm lơ bơngai: Đao gô wang chĭt tăp tang kơ lu sư.

Êsêkiên 21:16

Pat mă han bĕ koh gah 'ma, 'bet gah 'ngiĕo, kiơ̆ kơ pla đao tơwih gah yơ.

Êsêkiên 30:4

Đe iŏk đao gô năm blah char Êyiptơ; tơdrong ơh sơ'ngon gô truh lăm char Êthiôp. Lu bơngai mă đe pơlôch gô pơ̆k lăm char Êyiptơ; lu mŭk tơmam đe gô iŏk đĭ păng hơnă anih kơjăp sư đe pơrăm đĭ.

Êsêkiên 32:30

Đĭ-đăng lu yŏng char gah yă-nơ̆m, hơdai hăm đĭ-đăng lu kon pơlei Siđôn oei tơ noh, lu sư pŭ iŏk tơdrong mơlâu jur năm hơdai lu bơngai mă đe pơlôch, mă khan lu sư nuih kơtang pơm kơ đe hli tơrơ ră. Lu sư 'bĭch hơdai hăm lu bơngai ưh kơ kăt tơdra akar lu bơngai mă đe pơlôch hăm đao, lu bơngai mă pŭ tơdrong mơlâu jur tơ lăm sơlŭng jrŭ.