Êsêkiên 28:2 - Sơ̆p Hlabơar Nơ̆r 'Bok Kei-Dei

² “Ơ kon bơngai, khan bĕ kơ pơtao Tirơ: Kră Yang khan thoi âu; yua kơ jơhngơ̆m ih pơang, ih khan: “Inh jing yang hơ-oei kơpal tang-dŏ pơtao yang lăm tŏk-bŏk đak dơsĭ,” mă-lei ih kon bơngai đĕch, ưh kơ sĭ yang ôh mă khan ih tơchĕng khan ih hơgei thoi yang.

Êsêkiên 28:2 Referans Kwoze

Êsêkiên 28:9

'Bơ̆t anăp lu bơngai pơlôch ih, ih hăm pơ̆n pơma; “Inh âu yang?” Tơpă ih bơngai đĕch, ưh kơ sĭ yang ôh, lăm ti lu bơngai pơlôch ih.

II Tes 2:4

Bơngai kơnê̆ ei, sư pơang akâu sư kơdih khan sư tih hloh kơ 'Bok Kei-Dei, hăm tih hloh kơ đĭ-đăng lu yang nai. Sư mơ̆t lăm hnam akŭm 'Bok Kei-Dei tơm na khan kơ đe: “Inh boih Kră Yang iĕm, na iĕm athei kơkuh kơ inh.”

Êsai 31:3

Lu bơngai Êyiptơ jơ̆ kon bơngai hmă đĕch, ưh kơ trŏ kơ Kră Yang 'Bok Kei-Dei ôh, lu aseh sư jơ̆ sĕch akar đĕch, ưh kơ trŏ kơ yang ôh, mưh Kră Yang yơ̆r ti Sư wă pơm, bơngai tơgŭm đe gô kơtơih, bơngai mă đe tơgŭm gô pơ̆k, 'bar 'nu măr sư gô lôch hiong hơdai.

Tơdrông Pơđơk 16:18

Pơang năm adrol, hor ba tơdrong răm; Pơang pơrŏ năm adrol, pơ̆k huŏng đơ̆ng rŏng.

Horiso 9:20

Ơ Kră Yang, pơm bĕ kơ lu sư hli, Ăn kơ kon bơngai băt, sư jing bơngai hmă đĕch. Sêla

Êsai 2:12

Đei minh năr Kră Yang Tih Hloh pơkă bơih, đei minh năr Sư gô pơm kơ bơngai pơang, păng lu bơngai pơrŏ akâu sư kơdih, đĭ-đăng lu sư Kră Yang gô tơhuŏng lê̆.

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.

I Tim 3:6

Bơngai bu 'nao lui sư ưh kơ gơh wei-lăng bơngai lui ôh, hli kơ sư pơang akâu kơdih, na 'Bok Kei-Dei phak sư kư̆m thoi phak yang Satan sơ̆ mơ̆n.

Habakuk 2:4

Lu bơngai pơang, lăm jơhngơ̆m sư ưh kơ đei tơpăt, Mă-lei lu bơngai tơpăt gô arih yua đơ̆ng jơhngơ̆m đon lui sư kơdih.

Êsêkiên 31:10

Na Kră Yang khan thoi âu: Yua kơ sư tih kơjung, kơnhŏng kơjung truh tơ hơmơ̆l hăm lu dơng tơ'bla hla trưp trap, lei na jơhngơ̆m sư pơang kơ akâu sư tih kơjung,

Êsêkiên 28:17

Jơhngơ̆m ih pơang yua kơ ih 'lơ̆ng. Tơdrong ư-ang ih pơm kơ ih hiong răm tơdrong gơh hơgei. Inh klơ̆m hŭt ih tơ teh 'bơ̆t anăp lu pơtao, Inh jao ih wă ăn kơ lu sư lăng.

Tơdrông Pơđơk 18:12

Đei jơhngơ̆m pơang adrol kơ tơdrong răm truh; Tơdrong iŏk đon ala, ba tơdrong đe pơyom.

II Ho 26:16

Wă sư pran kơtang boih jơhngơ̆m sư pơang truh tơ sư pơm yoch, pơm glăi hăm Kră Yang 'Bok Kei-Dei sư kơdih; sư mơ̆t lăm hnam Kră Yang, soh tơmam 'bâu phu 'bơ̆t chơnang 'bok soi juăt kơ soh tơmam 'bâu phu.

Both 8:14

Athei kơchăng 'nĕ kơ pơang păng 'nĕ hiơt kơ Kră Yang 'Bok Kei-Dei iĕm, Tơ'ngla chông ba iĕm lĕch đơ̆ng dêh Êyiptơ, lĕch đơ̆ng pơm đĭch.

Bl 3:5

Mă-lei Kră Yang 'Bok Kei-Dei băt layơ măr iĕm sa plei 'long noh, măr iĕm gô hlôh thoi Kră Yang 'Bok Kei-Dei, băt tơdrong 'lơ̆ng păng tơdrong kơnê̆.”a

Tơdrông Tơ'bôh 17:3

Linh jang ei pơma đang boih, klaih kơ noh inh ưh kơ băt thoi yơ Yang Bơhngol 'Lơ̆ng ăn kơ linh jang pôk anhăk ba inh tơ bri chơngue. Na inh 'bôh bơngai drŏ-kăn ei hao kơpal sem 'brê. Tơ akâu sem ei đe chih 'bĕnh-'bang lơ tơdrong pơma blông kơ 'Bok Kei-Dei ngăl. Sem 'brê ei đei tơpơh tŏ kơ̆l, mơjĭt tŏ ake.

Tơdrông Tơ'bôh 18:7

Sư pơma pơang akâu dang yơ, hưch hanh kơ mŭk tơmam 'lơ̆ng rŏ dang yơ, sư gô pŭ tơdrong pơmat, tơdrong ơh sơ'ngon kư̆m dang noh. Sư tơchĕng lăm to sư khan: ‘Inh pơm yă pơtao pơgơ̆r đe ling-lang, Inh ưh kơ sĭ yă adro, na liơ inh gơh ơh sơ'ngon?’

Êsai 23:8

Na bu pơkă tơdrong âu wă pơm kơ pơlei Tir, jơ̆ pơlei asong ăn bơih lu tơmam thoi môk pơtao, lu bơngai mơdro mơchan sư noh lu bơngai yŏng mơng thoi kon pơtao, lu tơ'ngla tĕch mơdro jơ̆ lu bơngai đe pơyom lăm teh đak.

Êsai 47:8

“Thoi noh, ơ lu bơngai 'maih hiôk đĕch. Tơchĕng khan ưh pă đei tơdrong anat kiơ đơ̆ng âu tơ anăp, mơ̆ng bĕ âu: Ih khan lăm jơhngơ̆m. ‘Inh âu, adrĕch yŏng mơng ưh pă đei bơngai bu dang inh, inh gô ưh kơ đei layơ sơ'ngon thoi yă adro kư̆m ưh kơ đei nhơ̆m hmoi thoi bơngai hiong kon hơ'lơ̆p.’

Êsêkiên 16:49

'Nâu tơdrong yoch oh drŏ-kăn ih Sôđôm: Sư păng lu kon drŏ-kăn sư pơang, sŏng sa phĭ jơnap, tơmam sa rơkah rơkai, mă-lei ưh kơ tơgŭm lu bơngai dơnuh hin pơmat-tat.

Êsêkiên 26:17

Lu sư nhơ̆m hmoi kơ ih păng khan kơ ih: Ơ pơlei mă đei ư-ang liơ ih răm đĭ, pơlei lu bơngai mă oei tơ đak dơsĭ, ih păng lu kon pơlei ih oei kơjăp mơdrŏng lăm đak dơsĭ. Ih păng đĭ-đăng bơngai tơ noh pơm kơ đe hli.

Êsêkiên 28:1

Kră Yang khan kơ inh:

Jêphania 2:15

To, pơlei chơt hiôk dang ei oei rơnŭk hơnơ̆ng huay pă tơtăm păng khan lăm jơhngơ̆m: “Inh âu, ưh pă đei bu boih 'nguaih kơ inh!” Ô anih lu sư đĭ juơ boih, jing pơm anih 'bĭch kơ lu sem bri, pă băt dang yơ! Thoi noh mưh đei bơngai năm rok trong ei kơđôp ti hiĕk ăr.

Sa 9:2

Nơ̆r noh kư̆m pơma kơ Hamat, tơring jê̆ pơlei Đamas, tơ gah Tirơ păng Siđôn, yua kơ lu pơlei noh tih hlôh wao,

Êsêkiên 29:3

Pơma khan kơ sư: Kră Yang khan thoi âu: “Ơ Pharaôn, pơtao Êyiptơ, âu Inh blah ih, ih jing sem brem tih kơnê̆ oei 'bĭch lăm đak glung. Ih khan: “Đak krong Nil noh gah Inh, đêl Inh kôch pơm sư.

Êsêkiên 29:9

Char Êyiptơ gô jing juơ rơhiăng pă đei. Păng lu sư gô băt Inh boih Kră Yang. Yua kơ ih khan: Krong Nil noh krang đơ̆ng đêl inh kôch pơm sư,

Da 11:12

Lu linh gah yă-nơ̆m noh tơklah tơklang đĭ, na lăm jơhngơ̆m pơtao gah gơal pơang, Sư khan sư gô pơlôch pơrăm lơ rơbâu hơngan bơngai, mă-lei ưh kơ kĕ jei sư ôh.

Da 11:36

Pơtao âu gô pơm kiơ̆ kơ sư wă; pơư pơang pôk hơtŏk sư kơdih jing kơjung hloh kơ lu yang, pơma nơ̆r hlĭch chrơp blah plơ̆ 'Bok Kei-Dei Kră Yang lu yang. Sư gô đei tơdrong pŭn hiôk dĭng truh tơ năr Kră Yang 'Bok Kei-Dei hil, yua kơ dôm tơdrong kiơ mă đei pơkă boih gô đei trŏ 'blep.

Da 11:37

Sư ưh pă wêr lu yang yă 'bok sư păng kư̆m ưh pă lăng lu yang mă drŏ-kăn oei 'mêm. Sư lăng lu yang ưh pă rơ-a kiơ; yua kơ sư pôk hơtŏk sư kơjung hloh kơ đĭ-đăng.

Luka 14:9

na tơ'ngla mă wơ̆n iĕm noh hei năm khan kơ iĕm thoi âu: ‘Iĕm ăn kơ 'bok âu oei 'bơ̆t âu 'biơ̆.’ Na đơ̆ng noh iĕm mơlâu tơpă na iĕm oei oăi anih lŭch dơ̆ng kơ đe.