Êsêkiên 28:16 - Sơ̆p Hlabơar Nơ̆r 'Bok Kei-Dei

¹⁶ Đơ̆ng ih mơdro sa tih đei mơdrŏng ih pơm kơnê̆ păng yoch; thoi noh na, ơ chêrubim gak bơwei, Inh puh lê̆ ih đơ̆ng kông Kră Yang 'Bok Kei-Dei; păng pơlôch ih đơ̆ng lu jơmŏng rang hơdah thoi ŭnh.

Êsêkiên 28:16 Referans Kwoze

Habakuk 2:17

Tơdrong ih pơm kơnê̆ tơ tơring Liban gô blơ̆ klơ̆p ih păng tơdrong ih pơlôch lu sem brem pơm ăn kơ ih hli tơrơ, yua kơ đơ̆ng pham đe ih yua pơlôch, yua kơ tơdrong kơnê̆ ih pơrăm teh, pơrăm lu pơlei tih păng đĭ-đăng kon pơlei pơla lu sư.

Habakuk 2:8

Yua kơ ih đei blah iŏk lơ dêh char nai, na lu kon pơlei mă oei oei gô plah tơgar iŏk đơ̆ng ih dơ̆ng, yua kơ pham lu sư, yua kơ tơdrong kơnê̆ ih pơrăm teh đak, pơrăm pơlei tih păng đĭ-đăng kon pơlei lu sư.

Yo 2:16

Đơ̆ng noh na Sư khan kơ lu bơngai mơdro sem kơtơp: “Anhăk ba đĭ sem kơtơp iĕm âu tơ nai. Iĕm 'nĕ pă pơm kơ hnam 'Bă Inh thoi lĕ kơ hnam mơdro mơchan.”

Êsêkiên 8:17

Sư khan kơ inh: “Ơ kon bơngai, ih hăm 'bôh ưh? Noh adrĕch Juđa oei đei pơm tơdrong yoch kơnê̆ krưp, hăm trŏ tơdrong iĕ dah liơ? Lu sư pơm tơdrong kơnê̆ 'bĕnh lăm teh đak âu, păng tơblĕk Inh ling-lang dơ̆ng. Âu, lăng bĕ lu sư tah 'long lăm trôm muh wă tơblĕk Inh!

Bl 3:24

Thoi noh Sư pơpuh tơweh kon bơngai đơ̆ng pơgar Êđen; đơ̆ng noh tơ gah hơlĕch Sư ăn Yang chêrubim hăm đao dăr rang mơnhal, wă kơ bơwei trong năm tơ tơnơm 'long tơdrong arih.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Jêphania 1:9

Lăm năr noh, Inh gô phak pơđĭ lu bơngai pơplŏng trong bơlôh 'măng cheng păng lu bơngai pơm tơ'bĕnh tơdrong kư̆ kă păng tơdrong kơnê̆ 'bĕnh-'bang kơ hnam yŏng tơ'ngla sư.”

Mi 6:12

Yua kơ dôm lu bơngai mơdrŏng lăm pơlei âu tă ưh kơ tơpăt ngăl, kon pơlei pơla sư yua nơ̆r hơlĕnh pơdăr păng hơpiĕt lu sư đei tă kơ chă hơlĕnh pơhlŭ pơlung đe.

Mi 2:10

Lu iĕm iung bĕ! Weh bĕ! Yua kơ 'nâu ưh kơ sĭ ăn kơ iĕm pơdơh hiôk ôh, yua kơ tơdrong kơnê̆ 'mê̆-'mach pơrăm boih, tơnat pat dêh tơpă.

Mi 2:2

Lu sư 'ngeng kơ mir chŭn na tơgar iŏk. 'Ngeng kơ hnam đe păng tơgar iŏk hloi mŭk tơmam sư.

Am 3:9

Roi tơbăt bĕ tơ lăm lu kơđông kơjăp Asdôt păng tơ lăm lu kơđông kơjăp lăm dêh Êyiptơ: Lu iĕm akŭm băl bĕ tơ kơpal kông lăm char Samari; lăng bĕ đei tơdrong rŭng răng tih tơ noh păng đei tơdrong pơm kơnê̆ băl.

Hôsia 12:7

Lu bơngai Isơrael thoi bơngai mơdro chĕp 'long kŏng hơlĕnh lăm ti sư, sư 'maih chă sa pơgâm đe.

Êsêkiên 28:14

Đe tuh kơ ih đak rơmă wă pơm chêrubim gak bơwei. Inh dan ih tơ kơpal kông rơgoh Kră Yang 'Bok Kei-Dei; ih yak năm tŏk-bŏk jơmŏng rang hơdah thoi ŭnh.

Êsai 23:9

Kră Yang Tih Hloh bơih pơkă pơm tơdrong âu, tơjur tơdrong pơang kơ đĭ-đăng tơdrong 'lơ̆ng rŏ păng pơm kơ lu bơngai đe pơyom lăm teh đak âu mơlâu.

Êsai 22:19

Inh gô tơlĕch lê̆ ih, gô puh tơweh lê̆ ih đơ̆ng anih ih jang.

Bl 6:11

Hơtai ei sơ̆ Kră Yang 'Bok Kei-Dei 'bôh đĭ kon bơngai lăm teh đak tă kơ yoch răm ngăl păng 'bĕnh kơ tơdrong kơnê̆.

Ob 1:3

Ơ lu khŭl bơngai oei lăm sơlam tơmo, lăm anih kơjung, lu iĕm đei khan lăm jơhngơ̆m iĕm thoi âu: Hăm đei bu kĕ tơlơ̆ inh huŏng tơ teh? Tơdrong pơang lăm jơhngơ̆m iĕm hơlĕnh kơdih akâu iĕm boih.