Êsêkiên 28:13 - Sơ̆p Hlabơar Nơ̆r 'Bok Kei-Dei

¹³ Ih oei tơ pơgar Êđen, pơgar Kră Yang 'Bok Kei-Dei. Ih pơguăng hăm tơmam tơmo gĭt thoi jơmŏng tơmo jasper, tơmo saphirê, tơmo Shơkêđô tơmo samarađô, tơmo siađô, tơmo krisôlia, tơmo borelô, tơmo tôpasiô, ih hling hrâu hăm maih dơ̆ng. Đơ̆ng năr mă đei pơjing ih đei hơmet lê̆ boih dôm tơmam noh.

Êsêkiên 28:13 Referans Kwoze

Êsêkiên 28:15

Đơ̆ng năr pơjing kơ ih, trong ih yak đe ưh kơ đei wă gơh chrih dĭng tơ năr 'bôh tơdrong kơnê̆ truh tơ ih.

Êsêkiên 27:16

Lu bơngai char Siri mơdro hăm ih yua kơ ih đei mŭk tơmam lơ; lu sư iŏk tơmo jơmŏng, che rang, tơmam reng, che 'bui, che brai se, tơmo gĭt tơplih iŏk tơmam ih.

Bl 2:8

Đơ̆ng noh, Kră Yang 'Bok Kei-Dei pơjing minh hlak pơgar Êđen, tơ gah hơlĕch păng 'măn kon bơngai mă Sư 'nao pơjing oei tơ lăm noh,

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Êsêkiên 36:35

Đe gô pơma khan: “Anih teh lê̆ bri âu dang ei jing pơgar Êđen păng lu pơlei mă đĭ pơchah pă đei noh 'nâu đei tơiung pơdơ̆ng ming đei kon pơlei oei!”

Êsai 30:32

Rim wơ̆t mưh Kră Yang iŏk sơnguĕt wă teh lu sư, na đe gô kơtơ̆ng re hơgơ̆r iĕ, re brŏ. Kră Yang gô yơ̆r ti blah lu sư.

Êsai 23:16

“Ơ drŏ-kăn đi mă đe hiơt bơih, chĕp bĕ brŏ ih, chă juang jơ̆p lăm pơlei reh mă hiôk, hơri bĕ mă lơ, wă kơ đe 'blŏk dơ̆ng kơ ih.”

Êsai 14:11

Tơdrong pơrŏ ih păng re brŏ ih reh gô jur tơ dêh atâu, hrai gô pơm hơdŭ ih lơ̆k 'bĭch, gô pơm khăn ih su!

Tơdrông Tơ'bôh 17:4

Bơngai drŏ-kăn ei hrŭk ao tai 'brê 'lơ̆ng, 'băk kong kiơng maih, đoh sơle rang gơhlâu, ti sư chĕp pơnhan maih 'bĕnh kơ tơdrong 'mê̆-'mach păng tơdrong sư pơm kư̆ kă.

Tơdrông Tơ'bôh 2:7

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh ăn kơ sư sa plei 'long kon bơngai arih. 'Long 'noh 'Bok Kei-Dei pơtăm tơ pơgar Sư tơ Pơlei 'Lơ̆ng Sư.’ ”

Êsêkiên 27:22

Lu bơngai mơdro đơ̆ng pơlei Sêba păng pơlei Raama mơdro hăm ih, iŏk lu tơmam 'lơ̆ng gĭt, đĭ-đăng lu tơmo gĭt păng maih tơplih iŏk tơmam ih.

Êsêkiên 26:13

Inh gô pơm kơ nơ̆r hơri ih kơtĕch, đe ưh pă kơtơ̆ng re brŏ dung ih dơ̆ng.

Êsêkiên 21:30

Tah bĕ đao lăm hơnglop! Lăm anih mă pơjing ih sơ̆, lăm char mă 'bok yă ih, Inh gô sek tơlang ih.

Bl 13:10

Lot sư tơmang lăng 'bôh tơ thŭng gah Krong Jôrđăn noh, anih mă đei đak ro hngôm truh tơ pơlei Suar; bri chŭn noh kư̆m thoi lĕ pơgar Kră Yang pơm, thoi char Êyiptơ mơ̆n. Năr noh adrol kơ Kră Yang tam mă pơrăm pơlei Sôđôm păng pơlei Gômôrơ.

Jôel 2:3

Ŭnh sa tơ anăp lu sư, đei ŭnh sa tơ rŏng lu sư, đei pla ŭnh sa pơgoh. Adrol kơ sư teh đak âu thoi pơgar Êđen, truh đơ̆ng rŏng kơ sư weh teh đak noh jing juơ juŏ, păng ưh kơ đei kiơ gơh klĕnh đơ̆ng lu sư ôh.

Êsai 24:8

Re hơgơ̆r iĕ chơt hiôk ưh pă đei dơ̆ng, jreo 'nă hal ưh pă đei bơih, jơwa đe reh brŏ chơt hiôk kư̆m đĭ tôch.

Êsêkiên 28:14

Đe tuh kơ ih đak rơmă wă pơm chêrubim gak bơwei. Inh dan ih tơ kơpal kông rơgoh Kră Yang 'Bok Kei-Dei; ih yak năm tŏk-bŏk jơmŏng rang hơdah thoi ŭnh.

Jop 28:19

Jơmŏng char Êthiôpi ưh kơ gơh pơting hăm sư ôh; Kŭm ưh kơ đei layơ hơgăt 'long gĭt sư hăm maih se.